12-May-2022

ପାଟଣାଗଡ଼ ( ରୁପେନ୍ଦ୍ର ମୁଣ୍ଡା ) 12/05 - ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ସ୍ଥାନୀୟ ପଞ୍ଚାୟତ ନିକଟ ଦୋକାନ ଘରରେ ଅସ୍ଥାୟୀ ଭାବେ ରହୁଥିବା ବୃଦ୍ଧ ଦମ୍ପତି କୁମାର ଭୁଏ ଓ ସରସ୍ଵତୀ ଭୁଏ ଦୁଇ ମାସ ହେବ ଭତ୍ତା ପାଇବାରୁ ବଞ୍ଚିତ ରହିଥିବା ଅଭିଯୋଗ ହେଉଛି । ପ୍ରକାଶ ଯେ ଖପ୍ରାଖୋଲ ସ୍ଥାନୀୟ ଗ୍ରାମପଞ୍ଚାୟତ ନିକଟ ପଞ୍ଚାୟତ ଷ୍ଟଲ ରେ ୨୦ ବର୍ଷ ହେବ ଦୁଇଜଣ ବୃଦ୍ଧ ଦମ୍ପତି କୁମାର ଭୁଏ (୯୦) ସରସ୍ଵତୀ ଭୁଏ (୮୦) ବାସସ୍ଥାନ ନ ଥିବାରୁ ବସବାସ କରୁଛନ୍ତି । ସେମାନଙ୍କ ପୁଅ ଝିଅ କେହି ନ ଥିବାରୁ ସରକାରଙ୍କ ତରଫରୁ ମିଳୁଥିବା ୩୫ କିଲୋ ଚାଉଳ ଓ ଦୁଇ ଜଣଙ୍କ ଭତ୍ତା ହଜାରେ ଟଙ୍କା ରେ ନିଜ ପେଟପାଟଣା ଚଳାଇଥାନ୍ତି । ହେଲେ ବିଗତ ଏପ୍ରିଲ ମାସର ଭତ୍ତା ଟଙ୍କା ପାଇନଥିବା କାରଣରୁ ଅନେକ ଅସୁବିଧା ର ସମ୍ମୁଖୀନ ହୋଇ ଭିକ ଦୁଃଖ କରି ଚଳୁଥିବା ଅଭିଯୋଗ କରିଛନ୍ତି । ସେହିପରି ସରୋଜ ବେହେରା , ଦମୟନ୍ତୀ ବେହେରା , ବିଶାଖା ବରିହା ଓ ଅନ୍ୟମାନେ ଭତ୍ତା ପାଇବାରୁ ବଞ୍ଚିତ ରହିଥିବ ଅଭିଯୋଗ ହେଉଛି । ଏନେଇ ପି ଇ ଓ ବାହୁବଲେନ୍ଦ୍ର ପୁରୋହିତ ଙ୍କୁ ପଚାରିବାରୁ ଭତ୍ତା ଟଙ୍କା ବ୍ୟାଙ୍କ ରୁ କଡ଼ା ଯାଇଛି । ଗୁରୁବାର ଦିନ ଦିଆଯିବ ବୋଲି ପ୍ରକାଶ କରିଥିଲେ । ବୃଦ୍ଧ ଦମ୍ପତି ଦ୍ବୟଙ୍କ ବ୍ଲକ ପ୍ରଶାସନ ଧ୍ୟାନ ଦେଇ ତୁରନ୍ତ ଭତ୍ତା ପ୍ରଦାନ କରିବା ସହ ଏକ ସ୍ଥାୟୀ ଘର ନିର୍ମାଣ କରାଇ ଦେବା ପାଇଁ ସ୍ଥାନୀୟ ଲୋକେ ଦାବି କରିଛନ୍ତି ।