11-May-2022

ଟିଟିଲାଗଡ(ସନ୍ତୋଷ କୁମାର ନାଏକ) : ସ୍ଥାନୀୟ ପୌର ପରିଷଦ ତରଫରୁ ବେଆଇନ ଭାବେ ଜବରଦଖଲ ଉଛେଦ ଆଳରେ ଗରିବ ଛୋଟଉଠା ଦୋକାନୀଙ୍କୁ ଉପଯୁକ୍ତ ସରକାରୀ ଥଇଥାନ ନ କରି ଉଛେଦ ପ୍ରକ୍ରିୟା କାର୍ଯ୍ୟକାରୀ ନେଇ ତୀବ୍ର ଅସନ୍ତୋଷ ପ୍ରକାଶ ପାଇଛି । ସୂଚନା ଅନୁଯାୟୀ, ଦୀର୍ଘବର୍ଷ ଧରି ଅନେକ ଥର ପୂର୍ବରୁ ସ୍ଥାନୀୟ ପ୍ରଶାସନ ତରଫରୁ ଏପରି ଉଛେଦ ପ୍ରକ୍ରିୟା ଦ୍ୱାରା କେବଳ ଏହି ଦୋକାନୀ ଙ୍କୁ ଉଛେଦ କରିବା ଓ ପରେ ସେହିପରି ଛାଡି ଦେବା ଯୋଗୁଁ ତଥା କୌଣସି ସ୍ଥାୟୀ ପ୍ରତିକାର ଆବା ସରକାରୀ ନିୟମାନୁସାରେ ତାଙ୍କୁ  ପରିବହନ ସହ ଉକ୍ତ ଦୋକାନୀ ଙ୍କୁ ଥଇଥାନ ବ୍ୟବସ୍ଥା ନ କରିବା ରୁ ଅକଥନୀୟ ଦୁର୍ଦ୍ଦଶା ର ଶୀକାର ହୋଇଅସୁଛନ୍ତି ।  ଏପରି କି ଉକ୍ତ ଦୋକାନୀ ପୌରପରିଷଦ ତରଫରୁ ଟ୍ରେଟ ଲାଇସେନ୍ସ ପ୍ରାପ୍ତ କରିଛନ୍ତି ଯାହା ନିୟମନୁସାରେ ଉପଯୁକ୍ତ ଥଇଥାନ ପରେ ଉଛେଦ କରିବା ଉଚିତ । ହେଲେ ପରିତାପର ବିଷୟ ସ୍ଥାନୀୟ ପୌରପରିଷଦ ଅଧ୍ୟକ୍ଷ ତଥା ଟିଟିଲାଗଡ ଉପଜିଲ୍ଲାପାଳ ନିଜେ ଏହାର ଖିଲାପ କରି ସ୍ଥାନୀୟ ଥାନା ଠାରୁ ହାଟପଦା ଦୈନିକ ଓ ସାପ୍ତାହିକ ବଜାରକୁ ନିର୍ମାଣ ଆଳରେ ବିନା ଥଇଥାନ କ୍ରମେ ଏଭଳି ଉଛେଦ କରାଯାଇଛି । ଏହାର ପ୍ରତିବାଦ କରି ଦୋକାନୀ ନିରୁପାୟ ହୋଇ ବୁଲଡୋଜୋର ଆଗରେ ଶୋଇ ପଡ଼ିଥିଲେ । ହେଲେ ପୋଲିସ ପ୍ରଶାସନ ତରଫରୁ ଉଛେଦ

ଜିଦ ସମ୍ପୂର୍ଣ୍ଣ  କରାଯାଇଛି ।  ଉକ୍ତ ଦୋକାନୀଙ୍କୁ ସହର ବାହାର ଟାଉନଫିଲଡ଼ ,ଡି ଏ ଭି କଲେଜ ଖେଳପଡ଼ିଆ, ଗୋରୁବଜାର ରେ ନିଜ ଦୋକାନ ମାନ କରିବାକୁ ନିର୍ଦ୍ଦେଶ ଦିଆଯାଇଛି । ଉକ୍ତ ସ୍ଥାନରେ ଉତ୍କଟ ଖରା ସହ ଦୂରକୁ ଯାଇ ନିଜ ଦୈନିକ ଦୋକାନ ସ୍ଥାପନ ଦୁର୍ବିସହ ହୋଇପଡିଛି । ଉକ୍ତ ସ୍ଥାନରେ କୌଣସି ପ୍ରକାର ଥଇଥାନ ବ୍ୟବସ୍ଥା ନ କରି ଏଭଳି ମାନମୁଖୀ ଭାବେ ଗରିବ ଶୋଷଣ ନୀତି କୁ ଉଠା ଦୋକାନୀ ତୀବ୍ର ବିରୋଧ କରିଛନ୍ତି । 

ସେହିପରି ସହର ପୁନରୁଦ୍ଧାର ଆଳରେ ବିପୁଳ ପରିମାଣର ଅର୍ଥ ମଞ୍ଜୁରୀ ହୋଇଥିବା ମୁଖ୍ୟ ପୋଖରୀ ଗୁଡିକ ର ଜଳ ନିଷ୍କାସନ କରି ମାଟି ଉନ୍ନତି କାମ ଛାଡିଦିଆଯାଇଛି ଯାହା ବର୍ଷା ଜଳ ରେ ପୋତି ହୋଇଯିବ ଓ ତାହା କାର୍ଯ୍ୟ ଦର୍ଶାଇ ବିଲ ଭାଉଚର କରି ଅର୍ଥ ତୋଷାରପାତ କରାଯିବା ଚର୍ଚ୍ଚା ହେଉଛି । ଏହି ହାଟପଦା ପଡ଼ାର  ବିନା ଥଇଥାନ ଅବା ଉପଯୁକ୍ତ ଜାତାୟତ ବ୍ୟବସ୍ଥାରେ ଡ୍ରେନ ନିର୍ମାଣ ଆଳରେ ଗତ ନଭେମ୍ବର ମାସ ୨୧ ତାରିଖରେ ଏଭଳି ଭଙ୍ଗା ଯାଇ, ଗାତ ଖୋଳି ଛାଡି ଦିଆଯାଇଛି । ଫଳରେ ଆଜି ସୁଦ୍ଧା  ବ୍ୟବସାୟୀ ଓ ସାଧାରଣ ଲୋକେ ହଟହଟା ହେବା ସାର ହେଉଛି l ମ୍ୟୁନିସିପାଲଟି ଅଧ୍ୟକ୍ଷ ନିର୍ବାଚନ ରେ ନିର୍ବାଚିତ ପ୍ରତିନିଧି ନିଜ କ୍ଷମତା ପାଇ ସୁଦ୍ଧା ଏହି ଥଇଥାନ ନେଇ କୌଣସି ପ୍ରକାର ପଦକ୍ଷେପ ନେଇ ନ ପାରିବା ତାଙ୍କର ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି । ଏ ନେଇ ବିଭାଗୀୟ ମୁଖ୍ୟ ସଚିବ ତୁରନ୍ତ ଦୃଷ୍ଟି ଦେବାକୁ ଦାବି ହୋଇଛି ।