11-May-2022

ବଲାଙ୍ଗିର (ପ୍ରେରଣା ଖବର) : ବଲାଙ୍ଗିର ସହରରେ ବୁଲା ଗାଈଗୋରୁଙ୍କ ପ୍ରାଦୁର୍ଭାବ ଯୋଗୁଁ ସହରରେ ଟ୍ରାଫିକ୍ ସମସ୍ୟା ଉତ୍କଟ ରୂପ ଧାରଣ କରିଛି l ଏହି ଗାଇଗୋରୁଙ୍କ ଅବାଧ ବିଚରଣା ଯୋଗୁଁ ଅନେକ ସମୟରେ ଛୋଟବଡ଼ ଦୁର୍ଘଟଣା ମାନ ଘଟୁଛି l ଏହାକୁ ଦୃଷ୍ଟିରେ ରଖି ଗୋମାତାଙ୍କୁ କାବୁ କରିବା ଉଦ୍ଦେଶ୍ଯରେ ବଲାଙ୍ଗିର ମୁନିସିପାଲିଟି ତରଫରୁ ଏକ ଅଭିନବ ପଦକ୍ଷେପ ଗ୍ରହଣ କରାଯାଇଛି l ଆଜି ବଲାଙ୍ଗିର ମୁନିସିପାଲିଟି ପକ୍ଷ ରୁ ସହରରେ ବିଭିନ୍ନ ଜନଗହଳି ପୂର୍ଣ୍ଣ ସ୍ଥାନରେ ଟ୍ରାଫିକ୍ ସମସ୍ୟା ସୃଷ୍ଟି କରୁଥିବା ଏହି ଗାଈଗୋରୁଙ୍କୁ ସ୍ଥାନୀୟ  ଠିକାଦାର ପଡା ସ୍ଥିତ ଗୋଶାଳା ରେ ଦାଖଲ କରାଯାଇଛି l ବଲାଙ୍ଗିର ପୌରାଧ୍ୟକ୍ଷା ଲିକl ସାହୁ ଙ୍କ ନିର୍ଦ୍ଦେଶ ରେ ମୁନିସିପାଲିଟି କର୍ମଚାରୀ ମାନେ ମୁଖ୍ୟ ରାସ୍ତା ମଝିରେ ବୁଲୁଥିବା ଗାଇ ପଲ ମାନଙ୍କୁ ଧରି ଗୋଶାଳା କୁ ନେଇଥିଲେ l ଏଥିରେ ଗୋଶାଳା ର କର୍ମଚାରୀ ମାନେ ସହଯୋଗ କରିଥିଲେ l ଆଜି ବଲାଙ୍ଗିର ମୁନିସିପାଲିଟି ର ଏକ ଟିମ୍ ପ୍ରାୟ  ୨୦ ଟି ଗାଈ ଙ୍କୁ ଧରି ଗୋଶାଳା କର୍ତ୍ତୃପକ୍ଷ ଙ୍କୁ ହସ୍ତାନ୍ତର କରିଥିଲେ l ବଲାଙ୍ଗିର ମୁନିସିପାଲିଟି ର ଏହି ପଦକ୍ଷେପ ଆାଗାମୀ ଦିନରେ ବଲାଙ୍ଗିର ସହରର ଟ୍ରାଫିକ ସମସ୍ୟାକୁ କିଛିକାଂଶ ରେ କମାଇ ପାରିବ ବୋଲି ଆଶା କରାଯାଉଛି l