09-May-2022

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଭୁର୍ସାଗୁଡା ନୁତନ ପଞ୍ଚାୟତ ଗୃହ ସ୍ଥାନ ନିରୁପଣକୁ ନେଇ ବିବାଦ ଥମିବାର ନାଁ ନଉନାହିଁ। ଗୋଟିଏ ମାସ ତଳେ ମନରେଗା କାମ ବନ୍ଦ କରିବା , ପଞ୍ଚାୟତ ରେ ଥିବା ଜିଆରଏସ ଓ ଗାଁ ସାଥି ଙ୍କୁ ବଦଲାଇବା ନେଇ ଦୁଇଗୋଷ୍ଠି ମଧ୍ଯରେ ଗଣ୍ଡଗୋଳ ହୋଇ ଥାନାରେ ଏତଲା ଦେଇଥିଲେ । କିନ୍ତୁ ରବିବାର ପୋଲିସ ଏକ ପାଖିଆ ଭାବେ ଗଞ୍ଜିଆପଡା ଓ ଟିଟିସିଳେଟ ଗ୍ରାମର ଗୋଟିଏ ପକ୍ଷର ୧୩ ଜଣ ଲୋକଙ୍କୁ ଥାନାକୁ ଡାକି କୋର୍ଟ ଚାଲାଣ କରୁଥିବା ସନ୍ଦେହ ରେ ଥାନା ଗେଟ ସାମ୍ନାରେ ଗାଁ ଲୋକେ ବସି ପଡିଥିଲେ ଫଳରେ ବହୁ ସମୟ ପର୍ଯ୍ୟନ୍ତ ଚାପା ଉତ୍ତେଜନା ଦେଖା ଯାଇଥିଲା। 
ଭୁର୍ସାଗୁଡା ପଞ୍ଚାୟତ ଗୃହ ନିର୍ମାଣ କୁ ନେଇ କେତେବେଳେ ଭବାନୀପାଟଣା - ରାଇପୁର ୧୯ ନମ୍ବର ରାଜ୍ଯ ରାଜପଥ ଅବରୋଧ ହୋଇଛି ତ କେତେବେଳେ ଗାଁ ଗାଁ ମଧ୍ଯରେ ଉତ୍ତେଜନା ପ୍ରକାଶ ପାଇଛି। ଠିକ ସେହିଭଲି ଏହା ତ୍ରିସ୍ତରୀୟ ପଞ୍ଚାୟତ ନିର୍ବାଚନ ସମୟରେ ନିର୍ବାଚନି ପ୍ରସଙ୍ଗ ବି ହୋଇଥିଲା। ଏବଂ ନିର୍ବାଚନ ସରିବା ପରେ ପ୍ରଥମେ ପଞ୍ଚାୟତ ଗୃହ ନିର୍ମାଣ ସ୍ଥାନ ନିରୁପଣ ହେବାପରେ ଯେ କୌଣସି ଉନ୍ନୟନ ମୂଳକ କାମ ଆରମ୍ଭ କରାଯିବ ବୋଳି ଆଗରୁ ସ୍ଥିର ହୋଇଥିଲା। ତେବେ ନବ ନିର୍ବାଚିତ ସରପଞ୍ଚ ଏକ ମନରେଗା କାମ କରାଉଥିବା ଜାଣିପାରି ଦୁଇଟି ଗାଁର ଲୋକେ ଆସି କାମ ବନ୍ଦ କରିବାକୁ କହିଥିଲେ। ଫଳରେ ଉଭୟ ପକ୍ଷରୁ କଥା କଟାକଟି ହୋଇ ଉତ୍ତେଜନା ପ୍ରକାଶ ପାଇଥିଲା। ପରେ ଉଭୟ ପକ୍ଷରୁ ଥାନାରେ ଏତଲା ଦିଆଯାଇଥିଲା । ଏତଲା ଏବଂ ପାରିପାର୍ଶ୍ବିକ ସ୍ଥିତି କୁ ଦେଖି ଗତମାସ ଏପ୍ରିଲ ୧୫ ତାରିଖ ଶୁକ୍ରବାର ଟିଟିଲାଗଡ ଏସଡିପିଓ ସୁରେନ୍ଦ୍ର ନାଥ ସତପଥି ନିଜେ ଭୁର୍ସାଗୁଡା ପହଞ୍ଚି ବୁଝାସୁଝା କରିବାସହ ଦୁଇ ପକ୍ଷର ବୁଝାମଣାରେ ସ୍ଥାନ ନିରୁପଣ କରିବା ପାଇଁ ବୁଝାଇଥିଲେ। କିନ୍ତୁ

କଣ ହେଲା କେଜାଣି ଆଜି ରବିବାର ହଠାତ ଥାନାକୁ ଡକାଇ ସରପଞ୍ଚ ଙ୍କ ବିପକ୍ଷ ରେ ଥିବା ଲୋକଙ୍କୁ ବସେଇ ଦେଇଥିବା ଏବଂ କୋର୍ଟ ଭ୍ୟାନ ବି ସିନ୍ଧେକେଲା ଥାନାକୁ ପହଞ୍ଚି ଥିବା ଲୋକେ ଦେଖିବାକୁ ପାଇଥିଲେ। ଏବଂ ପୋଲିସ ଏକ ପାଖିଆ ତାଙ୍କ ଲୋକଙ୍କୁ କୋର୍ଟ ଚାଲାଣ କରୁଛି ବୋଳି ସନ୍ଦେହ ରେ ପୋଲିସ ଥାନାର ଗେଟ ପାଖରେ ବସିଦେଇଥିଲେ। ପରେ ଏସଡିପିଓ ଶ୍ରୀ ସତପଥି ଗେଟ ପାଖକୁ ଆସି ଗେଟ ପାଖରେ ନ ବସିବାକୁ ବୁଝାସୁଝା କରିବାସହ ପୋଲିସ ପାଇଁ ଉଭୟ ପକ୍ଷ ସମାନ ଓ ଦୁଇପକ୍ଷ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହୁଥିବା ଦେଖା ଯାଇଥିଲା। କିନ୍ତୁ ଲୋକେ ଗେଟ ସାମ୍ନାରୁ ଉଠି ପାର୍ଶ୍ବରେ ବସି ଅପେକ୍ଷା କରୁଥିବା ଦେଖା ଯାଇଥିଲା। ପରେ ସିନ୍ଧେକେଲା ଥାନାରେ ଆଗରୁ ଥିବା ରଞ୍ଜନ ବରିହା ପହଞ୍ଚି ଥାନା ପ୍ରାଙ୍ଗଣରେ ବସିଥିବା ଲୋକଙ୍କୁ ୧୩ ଜଣଙ୍କୁ ଛାଡି ଦିଆଯିବ ଏହା ଏକ ଇନକ୍ବାରୀ ମାତ୍ର ବୋଳି ବୁଝାଉଥିବା ଦେଖା ଯାଇଥିଲା। ଦିର୍ଘ ୫ ଘଣ୍ଟା ପରେ ସମସ୍ତଙ୍କୁ ପୋଲିସ ଛାଡି ଦେବାରୁ ପରିସ୍ଥିତି ସ୍ବାଭାବିକ ହୋଇଥିଲା। ଏହି ସମୟରେ ବହୁ ପୋଲିସ ଫୋର୍ସ, ବଲାଙ୍ଗୀର ଅତିରିକ୍ତ ଏସପି ଦିଲ୍ଲିପ ପଟେଲ, ଏସଡିପିଓ ସୁରେନ୍ଦ୍ର ନାଥ ସତପଥି , ଟିଟିଲାଗଡ ଥାନାଧିକାରି ରଞ୍ଜନ ବରିହା ପ୍ରମୁଖ ଉପସ୍ଥିତ ଥିଲେ।