07-May-2022

ସୁବର୍ଣ୍ଣପୁର-ସୁବର୍ଣ୍ଣପୁର କଲେକ୍ଟ୍ରିଏଟ ଆଗରେ ଗତ ରାତିରୁ ରାସ୍ତାରେ ବ୍ରେକଡାଉନ ପଡିଥିବା  ରାଜସ୍ଥାନର ଟ୍ରକ ଡ୍ରାଇଭରକୁ ସହାୟତାର ହାତ ବଢ଼ାଇ ମାନବିକତାର ପରିଚୟ ଦେଲେ ଓ ଭାଇଚାରାର  ଉଦାହରଣ ସାଜିଲେ ମଧ୍ୟପ୍ରଦେଶର ଟ୍ରକ ଡ୍ରାଇଭର ମଦନ ବିନ୍ଦ୍ରା l ଓଭର ଲୋଡିଙ୍ଗ ଯୋଗୁଁ  ଚକା ବେଣ୍ଡ ହୋଇ ରାଜସ୍ଥାନର ମାଲବାହୀ ଟ୍ରକ ଟି ଗତ ରାତିରେ ସୁବର୍ଣ୍ଣପୁର ଜ଼ିଲ୍ଲାପାଳ ରେସ ଅଫିସ ନିକଟରେ ବ୍ରେକ ଡାଉନ ରେ ପଡ଼ିଥିବା ବେଳେ  ଡ୍ରାଇଭର ସୁରେଶ ସିଂହ  ଶହ ଶହ ଗାଡିକୁ ସାହାଯ୍ୟ ପାଇଁ ଅନୁରୋଧ କରିଥିଲେ ସୁଦ୍ଧା କେହି ବି ଜଣେ ଡ୍ରାଇଭର ଗାଡି  ଅଟକାଇ ନଥିଲେ l ଶେଷରେ  ନିରାଶ ହୋଇ ଭୋକ ଶୋଷରେ ବସି ଥିବା ବେଳେ ରାତି  ୧୦ ଟା ରେ ଭାରତ ଫାଇନାନ୍ସର କର୍ମଚାରୀ ପ୍ରଦୀପ ମିଶ୍ର  ବାଇପାସ ରାସ୍ତା ରେ ଅଟକି ରାତିରେ ପ୍ରଥମେ ସୁରେଶ ସିଂହ ର ଖାଇବାର ବ୍ୟବସ୍ଥା କରିଥିଲେ ଓ ବାଇକରେ ସହରର ଅନେକ ଗ୍ୟାରେଜ କୁ ଯାଇ ଜେକରଡ଼ ର ସାହାଯ୍ୟ ମାଗିଥିଲେ ସୁଦ୍ଧା  କେହି ଜଣେ ବି ଦୟା ଦେଖାଇ ନ ଥିଲେ l ଆଜି ସକାଳେ ମଧ୍ୟପ୍ରଦେଶର ଟ୍ରକ ଡ୍ରାଇଭର ମଦନ ବିନ୍ଦରେ ଉକ୍ତ ବ୍ରେକ ଡାଉନ ଟ୍ରକ ଚକାକୁ ସଜାଡି ସୁରେଶ ସିଂହ କୁ  ସହାୟତାର ହାତ ବଢ଼ାଇ ଥିଲେ l  ରକ୍ତଦାତା ମନୋଜ ପଣ୍ଡା ପାଖରୁ ସୂଚନା ପାଇ ସୁବର୍ଣ୍ଣପୁର ଟେକ୍ସି ଡ୍ରାଇଭର ସଂଘର ୧୦ ଜଣ କର୍ମକର୍ତା ମଧ୍ୟ ପହଂଚି ଉଭୟ ଟ୍ରକ ଡ୍ରାଇଭରଙ୍କ  ଆତିଥ୍ୟ ସତ୍କାର  ସମସ୍ତ ସହାୟତା

କରିଥିଲେ l ଏହାକୁ ସାମାନ୍ୟ ଘଟଣା କହିପାରନ୍ତି ଲୋକେ କିନ୍ତୁ ରାଜସ୍ଥାନର ଡ୍ରାଇଭର ଶ୍ରୀ ସିଂହ ଙ୍କ ଭଳି ଅସୁବିଧାରେ ପଡ଼ି ଦୁଃଖ କଷ୍ଟ  ଅନୁଭବ କରିଥିବା ଜଣେ ଅନୁଭବୀ ହିଁ  ତାହା ଅନୁଭବ କରପାରିବେ l  ଏହା ଏକ ସମାଜ ପରିବର୍ତ୍ତନର ଶୁଭ ସଂକେତ ଓ ମଣିଷପଣିଆର ଉଦାହରଣ ଅଟେ l  ଏକ ଦୁଶରେ କୋ ମଦତ କରନା ହାମରା ଫର୍ଜ ହୋନା ଚାହିଁହେ ବୋଲି ମତ ରଖି ଶ୍ରୀ ସିଂହ ଖୁସି ପ୍ରକଟ କରି ଏମ ପି  ଡ୍ରାଇଭର  ଶ୍ରୀ ବିନ୍ଦ୍ରା, ସମାଜସେବୀ ମନୋଜ ପଣ୍ଡା ଓ ସୁବର୍ଣ୍ଣପୁର ଡ୍ରାଇଭର ସଂଘ ର ଉତ୍ସାହ, ଏକତା ଓ ସହାୟତା ପାଇଁ  କୃତଜ୍ଞତା ଜଣାଇଥିଲେ l