06-May-2022

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକରେ ପଞ୍ଚାୟତ ସମିତିର ପ୍ରଥମ ବୈଠକ ଲୋଇସିଂହା ବ୍ଲକ ସ୍ଥିତ ସଭାଗୃହରେ ଅନୁଷ୍ଠିତ ହୋଇଯାଇଛି l  ଲୋଇସିଂହା ବ୍ଲକ ଗୋଷ୍ଠୀ ଉନ୍ନୟନ ଅଧକାରୀ ଶ୍ରୀଯୁକ୍ତ ରାମଚନ୍ଦ୍ର ଖାଡ଼ିଆ ଙ୍କ ଅଧ୍ୟକ୍ଷତାରେ ଅନୁଷ୍ଠତ ଏହି ବୈଠକରେ ଲୋଇସିଂହା ବିଧାୟକ ଶ୍ରୀଯୁକ୍ତ ମୁକେଶ ମହାଳିଙ୍ଗ ଯୋଗଦେଇ ଲୋଇସିଂହା ବ୍ଲକ ର ପ୍ରାଥମିକ ବିଦ୍ୟାଳୟ ଗୁଡିକରେ ଶ୍ରେଣୀଗୃହ ଅଭାବ ଥିବାରୁ ପାଠ ପଢ଼ାରେ ଅସୁବିଧା ସୃଷ୍ଟି ହେଉଥିବା ହେତୁ କ୍ଷୋଭ ପ୍ରକାଶ କରିବା ସହ ନୂତନ ଶ୍ରେଣୀଗୃହ ନିର୍ମାଣ ଦିଗରେ ପଦକ୍ଷେପ ନେବାକୁ ଗୋଷ୍ଠୀ ଶିକ୍ଷା ଅଧିକାରୀ ଓ ବ୍ଲକ ପ୍ରଶାସନକୁ ଅନୁରୋଧ କରିଥିଲେ l ପଂଚାୟତ ମାନଙ୍କରେ ପାର୍କ, କଲ୍ୟାଣ ମଣ୍ଡପ, ପୋଖରୀ କାମ ହାତକୁ ନେବାକୁ ସରପଂଚ ମାନଙ୍କୁ ବିଧାୟକ ଅନୁରୋଧ କରିଥିଲେ l ଲୋଇସିଂହା ପଂଚାୟତ ସମିତି ଅଧ୍ୟକ୍ଷ ଶ୍ରୀଯୁକ୍ତ ଯତୀନ୍ଦ୍ର ପଟେଲ ଯୋଗଦେଇ ଲୋଇସିଂହା ପଂଚାୟତ ସମିତିକୁ ରାଜ୍ୟର ଶ୍ରେଷ୍ଠ ପଞ୍ଚାୟତ ସମିତି ଗଢ଼ି ତୋଳିବା ପାଇଁ ଜନ ପ୍ରତିନିଧି ମାନଙ୍କୁ ଯତ୍ନବାନ ହୋଈ କାମ କରିବା ପାଇଁ ଅନୁରୋଧ କରିବା ସହ ସମସ୍ତଙ୍କ

ସହଯୋଗରେ ଅଞ୍ଚଳର ବିକାଶ ସମ୍ଭବ ବୋଲି କହିଥିଲେ l ବୁର୍ଡା ସମିତି ସଭ୍ୟ ସୁନିଲ୍ ଅଗ୍ରୱାଲ  ଲୋଇସିଂହା  ହସ୍ପିଟାଲରେ  ଅଲ୍ଟରାସନ୍ ମେସିନ ଥିବା ସତ୍ତ୍ବେ କାହିଁକି କାମରେ ଲାଗୁନି, ସେଥି ପାଇଁ ରୋଗୀ ମାନେ ବହୁତ ହନ୍ତସନ୍ତ ହେଉଛନ୍ତି l ସେଥିପ୍ରତି ବିଶେଷ ଧ୍ୟାନ ଦେବାକୁ ଗୋଷ୍ଠୀ ସ୍ବାସ୍ଥ୍ୟ ଅଧିକାରୀଙ୍କୁ ଅନୁରୋଧ୍ କରିଥିଲେ l ଅନ୍ୟ ମାନଙ୍କ ମଧ୍ୟରେ ବ୍ଲକ୍ ଗୋଷ୍ଠୀ ଶିକ୍ଷା ଅଧିକାରୀ ଉମାଶଙ୍କର ମିଶ୍ର, ଜନସ୍ବାସ୍ଥ୍ୟ ଯନ୍ତ୍ରୀ ଦେବାନନ୍ଦ ଦଳେଇ, ଗୋଷ୍ଠୀ ଶିକ୍ଷା ଅଧିକାରୀ ରିନା ବେହେରା ସମେତ ସମସ୍ତ ନିର୍ବାଚିତ ପ୍ରତିନିଧି ଯୋଗ ଦେଇ ନିଜର ମତାମତ ଦେଇଥିଲେ l