19-Apr-2022

ବରଗଡ଼:-ଚାଷୀଙ୍କଠାରୁ ଅଣ୍ଡରରେ ଧାନ କିଣି ବ୍ୟବସାୟୀ ମାଲେ ମାଲ୍ ହେବାରେ ଲାଗିଥିବାବେଳେ ଦୁର୍ନୀତି ର ପଚାପଚା ଗନ୍ଧ ସ୍ପଷ୍ଟ ଭାବରେ ବାରି ହେଇ ଯାଉଛି ବରଗଡ ଜିଲ୍ଲାରେ । ଏହି ଧାନରେ ପ୍ରସ୍ତୁତ ବିଭିନ୍ନ କିସମର  ଚାଉଳ ଓ ତା’ର କାରବାର ସଂପର୍କରେ ବରଗଡ଼ ଜିଲ୍ଲା ଯୋଗାଣ ଅଧିକାରୀଙ୍କ କାର୍ଯ୍ୟାଳୟର ପ୍ରଥମ ଆପିଲେଟ୍‌ ଅଥୋରିଟିଙ୍କ ଠାରେ ଚାଷୀ ନେତା ଶ୍ରୀମାନ ରମେଶ ମହାପାତ୍ର ଆର୍‌ଟିଆଇ ଜରିଆରେ ତଥ୍ୟ ମାଗିଥିଲେ । କିନ୍ତୁ ବିଭିନ୍ନ କିସମର ଚାଉଳ ବିକ୍ରି ଏବଂ ପ୍ରସ୍ତୁତି ବାବଦରେ ଯୋଗାଣ ବିଭାଗ କାର୍ଯ୍ୟାଳୟରେ କୌଣସି ସୂଚନା ନାହିଁ ବୋଲି   ଜଣାଇ ଦିଆଯାଇଥିଲା । ପରେ ଏହାର ଉଚ୍ଚସ୍ତରୀୟ ତଦନ୍ତ ପାଇଁ  ଶ୍ରୀମାନ ଏକ ପତ୍ର ଓଡ଼ିଆ ର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ଉଦ୍ଦେଶ୍ୟରେ ଶ୍ରୀମାନ ମହାପାତ୍ର ବରଗଡ଼ ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋଙ୍କୁ ପ୍ରଦାନ କରିଛନ୍ତି । ଏଠାରେ ସୂଚେଇଦେବାକୁ ଚାହୁଁ ଯେ ବରଗଡ଼ ଜିଲ୍ଲାର ଚାଷୀ ଧାନ ବିକ୍ରି ପାଇଁ ଦହଗଞ୍ଜ  ହେଉଥିବାବେଳେ, ଏଭଳି ହଇରାଣ ହରକତ ରୁ ମୁକ୍ତି ପାଇଁ ଚାଷୀ ଅଣ୍ଡର ରେଟରେ କ୍ୟୁଇଟାଲ ପ୍ରତି ୧୧୦୦ ଟଙ୍କା/

୧୨୦୦ ଟଙ୍କାରେ  ଖୋଲା ବଜାରରେ ବିକ୍ରି କରିବାକୁ ବାଧ୍ୟ ହେଉଛି । ଖୋଲା ବଜାରରେ ଅସାଧୁ ବ୍ୟବସାୟୀମାନେ କମ ଦରରେ ଧାନ କିଣି ସେଥିରୁ ଉଷୁନା, ଅରୁଆ ଚାଉଳ, ମୁଢ଼ି ଚାଉଳ, ଚୁଡ଼ା, ଗୋ- ଖାଦ୍ୟ ତିଆରି କରି ଖୋଲା ବଜାରରେ ଖୁଲମଖୁଲା ବିକ୍ରି କରି ବେଶ ମାଲାମାଲ । ଏ ସବୁ ପ୍ରସଙ୍ଗକୁ ଲୋକଲୋଚନକୁ ଆଣିବା ପାଇଁ ସୂଚନା ଅଧିକାର ଆଇନ ବଳରେ ଜିଲ୍ଲା ଯୋଗାଣ ବିଭାଗରେ ଶ୍ରୀମାନ ମହାପାତ୍ର ଆରଟିଆଇ ରେ ତଥ୍ୟ ମାଗି ଶେଷ ରେ ନିରାଶ ହୋଇଛନ୍ତି । ତେବେ ବରଗଡ ଯୋଗାଣ ବିଭାଗ କାର୍ଯ୍ୟାଳୟରେ ଏପରି କୌଣସି ତଥ୍ୟ ନଥିବା ହାକିମ ବାବୁ ରୋକଠୋକ  ସୂଚନା ଦେଇଛନ୍ତି । ଏଭଳି ତଥ୍ୟ ବିହିନ ପ୍ରସଙ୍ଗ କୁ କେନ୍ଦ୍ର କରି  ଏହାର ଏକ ଉଚ୍ଚସ୍ତରୀୟ ତଦନ୍ତ କରିବା ପାଇଁ ଚାଷୀ ନେତା ରମେଶ ମହାପାତ୍ର ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଏକ ପତ୍ର ବରଗଡ଼ ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପ୍ପୋ ଙ୍କ ଜରିଆରେ  ପ୍ରଦାନ କରିଛନ୍ତି