15-Apr-2022

କଂଟାବାଞ୍ଜି(ଆନନ୍ଦ ମୋଟେ) : ୧୪ ଅପ୍ରେଲ ସାରା ବିଶ୍ୱ ଭୀମ ରାଓ ରାମଜୀ ଆମ୍ବେଦକରଙ୍କ ୧୩୧ତମ ଜନ୍ମ ଜୟନ୍ତି ପାଳନ କରିଛି । କଂଟବାଞ୍ଜି ସହରରେ ମଧ୍ୟ ବିଭିନ୍ନ ସଂଗଠନ ପକ୍ଷରୁ ଏହି ଦିବସ ପାଳନ କରାଯାଇଛି । ତୁରେକେଲା ବ୍ଲକ ବେହେରେନସିଲେଟ ଗାଁ ଯୁବ ଆମ୍ବେଦକର ସଂଘ ପକ୍ଷରୁ ଗାଁରେ ଏହି ଦବଳ ପାଳନ କରଯାଇଛି । ସଂଘ ସଦସ୍ୟ ମାନେ ଏକତ୍ରିତ ହୋଇ ବାବା ସାହେବ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଅମର ରହେ ର ନାରା ଦେଇ ଗାଁ ପରିକ୍ରମା କରିଥିଲେ । ସଂଘ ସଭାପତି ରୋହନ କୁମାର ମହତ, ସଦସ୍ୟ ମୋହନ ସୁନା, ଭିଷ୍ମ ଜାଲ, ରାଜେଶ ମହାନନ୍ଦ, ସତ୍ୟ ମହାନନ୍ଦ, ସୁମନ ମହତ, ଦୁର୍ଗେ ତାଣ୍ଡି, ମିଳନ ସୁନା, ରାହୁଲ ମହତ, ଜଗନ୍ନାଥ ନାଗ, କାହ୍ନା ସୁନା, ଅଭି ଜାଲ, ଉଜଲ ସୁନା, ଦେବାର ତାଣ୍ଡି, ନିଲାମ୍ବର ସୁନା ସହ ଅନ୍ୟ ସଦସ୍ୟ ସାମିଲ ଥିଲେ । ସେହିପରି କଂଟାବାଞ୍ଜି ପ୍ରେସ କ୍‌ଲବ ପକ୍ଷରୁ ମଧ୍ୟ ଏହି ଦିବସ ପାଳନ କରାଯାଇଥିଲା  ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜା, କାର୍ଯ୍ୟକାରି ସଭାପତି ସୁରଦାସ ବାଗ, ପରାମର୍ଶଦାତା ଆଶିଷ ଖଇତାନ, ଆନନ୍ଦ ମୋଟେ, କାର୍ଯ୍ୟକାରି ସଦସ୍ୟ ଯୁଗଲ କିଶୋର ଶବର, ରୋହନ ମହତ ସହ ଅନ୍ୟ ସଦସ୍ୟ ଏନଏସି କାର୍ଯ୍ୟାଳୟ ପାଖରେ ଥିବା ଆମ୍ବେଦକର ମୃର୍ତିରେ ପୁଷ୍ପମାଲ୍ୟ ଅର୍ପଣ କରି ଜୟ ଭୀମ ନାରା ଲଗାଇଥିଲେ । କଂଟାବାଞ୍ଜି ଆମ୍ବେଦକାର ଜନ୍ମ ଜୟନ୍ତି ମହୋତ୍ସବ କମିଟି ପକ୍ଷରୁ ମଧ୍ୟ ଏହି ଦିବସ ପାଳନ କରାଯାଇଥିଲା । କମିଟି ସଦସ୍ୟ କଂଟାବାଞ୍ଜି ଡାକ୍ତରଖାନା ପହଂଚି ସେଠାରେ ରୋଗୀ ମାନଙ୍କୁ ଫଳ ବଂଟନ କରିଥିବା ବେଳେ କିଛି ସଦସ୍ୟ ରକ୍ତ ଭଣ୍ଡାରରେ ସ୍ୱେଚ୍ଚାକୃତ ଭାବେ ରକ୍ତଦାନ କରିଥିଲେ । ଜଗମୋହାନ ତାଣ୍ଡି, ଅମର ବାଗ,  ବବୃବାହାନ ନାଗ, ମାଧବ ବଏ, ରଶ୍ମି ରଂଜନ ନାଗ, ସଦାନନ୍ଦ ବାଗ, ବିଶାଲ ମଜଖଣ୍ଡ, ଅଭି ତାଣ୍ଡି, ପିତାମ୍ବର ବାଗ, ଦେବଦତ୍ତ ମଜଖଣ୍ଡ, ଜଗ ନାଗ, ଗୋବିନ୍ଦା ବିଭାର, ଗୋବିନ୍ଦ ତାଣ୍ଡି, ପ୍ରଶନ୍ନ ମହାନନ୍ଦ, ରାମପ୍ରସାଦ ବାଗ, ଜେନାରାମ ମାହାର, ଭୁଲେନ୍ଦ୍ର ମହତ, ନରହରି ଜାଲ, ଅରୁଣ ଛୁରା , ଯୋଗ ବାଗ, ସହ ଅନ୍ୟ ସଦସ୍ୟ ବାବା ସାହେବଙ୍କ ପ୍ରତିମୃର୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ପରେ ସଂନ୍ଧ୍ୟା ସମୟରେ ଶତାଧିକ ଯୁବକ ମହିଲା  ଏକ ଶୋଭାଯାତ୍ରା ସହର ମୁଖ୍ୟ ରାସ୍ତା ଦେଇ ନୁଆପଡା ସ୍ଥିତ ମଂଗଳ ଭବନ ପହଂଚି ସେଠାରେ ଏକ ସଭାର ଆୟୋଜନ କରାଯାଇଥିଲା । ସଭାରେ ବାବା ସାହେବଙ୍କ ଜୀବନି ଉପରେ ବକ୍ତା ମାନେ ଆଲୋପକପାତ କରିଥିଲେ । ଜିନ୍ଦାବାଦ ସଂଗଠନ ପକ୍ଷରୁ ଏହି ଦିବସ ପାଳନ କରାଯାଇଥିଲା । ସଂଗଠନର ସଦସ୍ୟ ମାନେ ସ୍ଥାନିୟ ଗୋରୁ ବଜାରରୁ ଏକ ଶୋଭାଯାତ୍ରା ସହର ମୁଖ୍ୟ ରାସ୍ତା ଦେଇ ଆମ୍ବେଦକର ଛକ ପହଂଚିଥିଲେ । ସେଠାରେ ବାବା ସାହେବଙ୍କ ପ୍ରତିମୃତିରେ ପୁଷ୍ପମାଲ୍ୟ ଅର୍ପଣ କରି ଏହି ଦିବସ ପାଳନ କରିଥିଲେ ।