02-Apr-2022

ବରଗଡ଼ (ପ୍ରେରଣା ଖବର) ସ୍ଥାନୀୟ ନେହେରୁ ଏସୋସିଏସନ ପକ୍ଷରୁ ଆଜି ସ୍ବର୍ଗତ ବେଣୁଧର ରାଓଙ୍କ ଶ୍ରାଦ୍ଧବାର୍ଷିକୀ ଅବସରରେ ଏକ ଶ୍ରଦ୍ଧାଞ୍ଜଳି ସଭାର ଆୟୋଜନ କରାଯାଇଥିଲା। ଉକ୍ତ ଶ୍ରଦ୍ଧାଞ୍ଜଳି ସଭାରେ ଏସୋସିଏସନର ସଭାପତି ଆନନ୍ଦ ପ୍ରଧାନ ସଭାପତିତ୍ବ କରିଥିବା ବେଳେ ବରିଷ୍ଠ ସଦସ୍ଯ ପ୍ରେମାନନ୍ଦ ଭୋଇ ସ୍ବର୍ଗତ ବେଣୁଧର ରାଓଙ୍କ ସ୍ମୃତି ଚାରଣ କରି କହିଥିଲେ ଯେ, ସ୍ବର୍ଗତ ରାଓଙ୍କ ଅବଦାନ ଆମ ଏ ଅଞ୍ଚଳବାସୀଙ୍କ ପ୍ରତି ଅତୁଳନୀୟ। ଗରିବ ଖଟିଖିଆ ମଜୁରିଆ ଙ୍କ ପାଇଁ ତାଙ୍କର ବହୁ ଦରଦ ରହିଥିଲା। ଅତ୍ଯନ୍ତ ମେଳାପି ମଧୁର ଭାଷୀ ହୋଇଥିବାରୁ ସମସ୍ତଙ୍କୁ ସହଜରେ ଆପଣେଇ ନେଉଥିଲେ। ଏହି ଅବସରରେ ନେହେରୁ ଏସୋସିଏସନର କାର୍ଯ୍ୟକାରୀ  ସଭାପତି ରାଜ କେନେଡି ମଧ୍ଯ କହିଲେ ସେ ଜଣେ ସର୍ବଧର୍ମ ସମନ୍ବୟ ମଣିଷ ଥିଲେ। ଏହି ଅବସରରେ ସମସ୍ତ ସଦସ୍ଯ ଉପସ୍ଥିତ ଥିଲେ।