02-Apr-2022

ବଲାଙ୍ଗିର,(ପ୍ରେରଣା ଖବର)ବଲାଙ୍ଗିର ସ୍ଥିତଏସ୍‌ବି ନିରତାଲ ତତ୍ତ୍ୱାବଧାନରେ ଚାଳିତ ସିଆରସି-ଏସ୍‌ଆରଇ -  ପୂର୍ନବାସ କେନ୍ଦ୍ର ଠାରେ ସ୍ୱପରାୟଣ (ଅର୍ଟିଜମ) ସଚେତନତା ଦିବସ ପାଳିତ ହୋଇଯାଇଛି । ସିଆରସି-ଏସ୍‌ଆରଇ ବଲାଙ୍ଗିର ର ନିର୍ଦ୍ଦେଶକ ସୂର୍ଯ୍ୟମଣୀ ପ୍ରସାଦଙ୍କ ତତ୍ତ୍ୱାବଧାନ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ଶିଶୁ ରୋଗ ବିଶେଷଜ୍ଞ ଡା. ସରୋଜ କୁମାର ତିହାଡି ଓ ଡା. ପୁଷ୍ପରଂଜନ ମିଶ୍ର ଯୋଗଦାନ ଦେଇଥିଲେ । ଅନ୍ୟାନ୍ୟ ଅତିଥିବୃନ୍ଦ ଭାବରେ  ରେଡକ୍ରସ କର୍ମୀ ରାମ ନାରାୟଣ ଦାଶ, ଯୁବ ରେଡକ୍ରସ ସଂଯୋଜକ ଡ. ଦୈତାରୀ ପୁଜାରି ଯୋଗଦାନ ଦେଇଥିଲେ । କୁତ୍ରିମ ଅଙ୍ଗ ପ୍ରତ୍ୟଙ୍ଗ ବିଶେଷଜ୍ଞ ସୁରେନ୍ଦ୍ର ଭୋଇ ଅତିଥି ପରିଚୟ ପ୍ରଦାନ କରିଥିଲେ । ସ୍ୱପରାୟଣର ରୋଗ ର କାରଣ, ଲକ୍ଷଣ ଓ ପ୍ରତିକାର ସମ୍ବନ୍ଧରେ ଅତିଥିମାନେ ମତବ୍ୟକ୍ତ ରଖିଥିଲେ । ଶିଶୁମାନଙ୍କର ସ୍ୱପରାୟଣ ସମସ୍ୟା ସମାଧାନର ବିଭିନ୍ନ ଦିଗ ବିଷୟରେ ଆଲୋଚନା କରିବା ସହ ଅଭିଭାବକମାନଙ୍କୁ ଉଦ୍‌ବୋଧନ ସମୟରେ ଶିଶୁ ଠାରୁ ମୋବାଇଲ ଓ ଦୂରଦର୍ଶନ ଠାରୁ ଦୂରେଇ ରଖିବା ପାଇଁ ଗୁରୁତ୍ୱ ପ୍ରଦାନ କରିଥିଲେ । କାର୍ଯ୍ୟକ୍ରମରେ ସିଆରସି-ଏସ୍‌ଆରଇ କର୍ମଚାରୀ ସ୍ୱତନ୍ତ୍ର ଶିକ୍ଷାଦାତ୍ରୀ ଡା. ମିନତିରାଣୀ ମହାପାତ୍ର,  ବାବୁଲା ସୁନା, ଆର୍ତ୍ତତ୍ରାଣ ପଟେଲ, ଗୀତାଞ୍ଜଳି ନାଏକ, ସୌମ୍ୟରଂଜନ ମିଶ୍ର, ଠାକୁର ଜଗଦିଶ ସିଂହ, ସଂଗୀତା ରାଉତ, ରିଙ୍କୁ ବାରିକ ପ୍ରମୁଖ ଉପସ୍ଥିତ ରହି ବିଶେଷ ସହଯୋଗ କରିଥିଲେ । କାର୍ଯ୍ୟକ୍ରମରେ ଆକ୍ୟୁପ୍ରସର ଥେରାପିଷ୍ଟ ରଞ୍ଜିତା ପଣ୍ଡା ଓ ଫିଜିଓଥରାପିଷ୍ଟ ସୁରଜ କୁମାର ବଡଜେନା ପରିଚାଳନା କରିଥିବା ବେଳେ ପୁର୍ନବାସ ଅଧିକାରୀ ସୌମ୍ୟ ଶେଖର ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ ।