01-Apr-2022

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) : ଆଜି ସୁବର୍ଣ୍ଣପୁର ଜ଼ିଲ୍ଲା ପୋଲିସ ପକ୍ଷରୁ ନିଉ ରିଜର୍ଭ ପୋଲିସ ପଡିଆ ଠାରେ ୮୭ ତମ ପୋଲିସ ପ୍ରତିଷ୍ଠା ଦିବସ ପାଳିତ ହୋଇ ଯାଇଛି l ମୁଖ୍ୟ ଅତିଥି ରୂପେ ସୁବର୍ଣ୍ଣପୁର ଏସପି ଶ୍ରୀ ଅମ୍ବରେଶ ପଣ୍ଡା ଯୋଗ ଦେଇ ପୋଲିସ ସବୁବେଳେ ଜନତାର ବନ୍ଧୁ ପରି କାର୍ଯ୍ୟ କରି ଆସିଛି l ଲୋକଙ୍କ ନିକଟତର ହେବାକୁ ପ୍ରୟାସ ଜାରି ରଖିଛି l ଏବଂ ପ୍ରତ୍ୟକ ସଙ୍କଟ ବେଳେ ପୋଲିସ ସଂଗଠିତ ହୋଇ ଦେଶର

ଗୁରୁ ଦାଇତ୍ୱ ବହନ କରି ଆସିଛି  ବୋଲି କହିଥିଲେ l  ଆରକ୍ଷୀ ଅଧିକ୍ଷକ ଶ୍ରୀ  ପଣ୍ଡା  ପ୍ୟାରେଡରେ ଅଭିବାଦନ ଗ୍ରହଣ କରିବା ସହିତ ମହାମହିମ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ବାର୍ତ୍ତା ପଠନ କରିବା ସହିତ ଜିଲ୍ଲାରେ ଥିବା ପୋଲିସ ମାନଙ୍କୁ ଉତ୍ସାହିତ କରିଥିଲେ I ବିଭିନ୍ନ କ୍ଷେତ୍ରରେ କୃତୀତ୍ବ ଅର୍ଜନ କରିଥିବା  ପୋଲିସ ଉପ ଆରକ୍ଷୀ ନିରୀକ୍ଷକ ପ୍ରଦୀପ ପ୍ରଧାନ, ସହ ଉପ ଆରକ୍ଷୀ ନିରୀକ୍ଷକ ଅରକ୍ଷିତ ମାଝୀ, ଏ ପି ଆର ହାବିଲଦାର ପ୍ରକାଶ ଚନ୍ଦ୍ର ବଡେଇ ଓ ଆର କନେଷ୍ଟବଳ ଦଣ୍ଡବତୀ କାଁଅର, ଟ୍ରାଫିକ କଲେଷ୍ଟବଲ  ସୁନିତା ପାତ୍ର, ରିଜର୍ଭ କନେଷ୍ଟବଳ  ସତ୍ୟ ନାରାୟଣ ବେହେରାଙ୍କୁ  ଏସପି ସମ୍ବର୍ଦ୍ଧିତ କରିଥିଲେ Iଏହି କାର୍ଯ୍ୟକ୍ରମରେ  ନିମନ୍ତ୍ରିତ ଅତିଥି ଭାବେ ଜ଼ିଲ୍ଲାପାଳ ଅବୋଲି ସୁନୀଲ ନର୍ଭଣେ ଓ ଅତିରିକ୍ତ ଜିଲ୍ଲାପାଳ ସୂର୍ଯ୍ୟନାରାୟଣ ଦାସ, ପିଡି ଡିଆରଡିଏ ଡୋଲାମଣୀ ପଟେଲ, ଉପ ଜ଼ିଲ୍ଲାପାଳଙ୍କ ସମତେ ଜିଲ୍ଲାର ବୁଦ୍ଧିଜୀବୀ, ମିଡ଼ିଆ  ଯୋଗଦେଇ ପୋଲିସଙ୍କୁ ଉତ୍ସାହିତ କରିଥିଲେ l ଏହା ପରେ ପରେ ରିଜର୍ଭ ଅଫିସ ଠାରେ ଏକ ଜିମ ଓ ରକ୍ତ ଦାନ ଶିବିରକୁ

ଅତିଥି ମାନେ ଉଦଘାଟନ କରି 50 ରୁ ଉର୍ଧ୍ଵ ରକ୍ତ ଦାତା ଙ୍କୁ ଉତ୍ସାହିତ କରିଥିଲେ l  ଅତିରିକ୍ତ ଏସପି ହେମନ୍ତ ପାଢ଼ୀ ସମ୍ବର୍ଦ୍ଧନା ସଭା କୁ ପରିଚାଳନା କରିଥିବା ବେଳେ ସର୍ଜନ ବିଶ୍ୱ ନାଥ ଜେନା, , ଆର ଆଇ  ପ୍ରଦ୍ୟୁମ୍ନ କୁମାର ପଟେଲ, କନେଷ୍ଟବଳ ସଂଘ ସଭାପତି କୁମୁଦ ରଞ୍ଜନ  ମେହେର, ସମ୍ପାଦକ ସୁଦାଂସୁ ଶେଖର ମେଣ୍ଡଳୀ, ରକ୍ତ ଦାତା ସଂଘ ରାଜ୍ୟ ସଦସ୍ୟ ମନୋଜ ପଣ୍ଡା ପ୍ରମୁଖ କାର୍ଯ୍ୟକ୍ରମ ରେ ସହଯୋଗ କରିଥିଲେ l