30-Mar-2022

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ପଞ୍ଚାୟତ ଅନ୍ତର୍ଗତ ଟିକରାପଡା ଠାରେ ପ୍ରଥମ ଥର ପାଇଁ ଆଞ୍ଚଳିକ ଧନୁଯାତ୍ରା ମହୋତ୍ସବ ଆୟୋଜନ କରାଯାଉଛି।ଟିକରାପଡା ଦେମୂଳ ପୀଠ ଠାରେ ୭ ଟି ମନ୍ଦିର ପ୍ରତିଷ୍ଠା ଉପଲକ୍ଷେ ଆସନ୍ତା ୨ ତାରିଖରୁ ୮ ତାରିଖ ପର୍ଯ୍ୟନ୍ତ ଧନୁଯାତ୍ରା ଅନୁଷ୍ଠିତ ହେବ। ଏହି ଅବସରରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ ମୀନା ବଜାର ଅନୁଷ୍ଠିତ ହେବ। ଧନୁଯାତ୍ରା ସଫଳତା ନେଇ ଆୟୋଜକ କମିଟି ପକ୍ଷରୁ ବ୍ୟାପକ ପ୍ରସ୍ତୁତି ହୋଇଛି। ସେହିପରି ବୀରମହାରାଜପୁର ସ୍ଥିତ ହିଲୁଙ୍ଗ ଗ୍ରାମରେ ଏପ୍ରିଲ ମାସ ୩ ତାରିଖ ରୁ ୮ ତାରିଖ ଯାଏଁ ମାଁ ମାହେଶ୍ୱରୀ ଙ୍କ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ୩ ତାରିଖ ରେ ଅଙ୍କୁରରୋପଣ,୪ ରେ କଳସ ଯାତ୍ରା ଓ ସୁନ୍ଦକାଣ୍ଡ ପାରାୟଣ,୫ରୁ୨୪ ପ୍ରହରୀ ନାମ ଯଜ୍ଞ,୬ ମନ୍ଦିର ପ୍ରତିଷ୍ଠା,୭ରେ ମାଁ ମାହେଶ୍ୱରୀ ଙ୍କ ମନ୍ଦିର ପ୍ରବେଶ ଓ ୮ ତାରିଖ ରେ ପ୍ରତିଷ୍ଠା ଉତ୍ସବ ର ପୂର୍ଣ୍ଣାହୁତି କାର୍ଯ୍ୟକ୍ରମ ରହିଥିବା ନେଇ ଗ୍ରାମବାସୀ ଙ୍କ ପକ୍ଷରୁ ବ୍ୟାପକ ପ୍ରସ୍ତୁତି ହୋଇଛି।