16-Mar-2022

ବୌଦ୍ଧ(ପ୍ରେରଣା ଖବର) ଆଜି ପୂର୍ବାହ୍ନରେ ଅତିରିକ୍ତ ଜିଲ୍ଲାପାଳ ବବିତାରାଣୀ ଦଳବେହେରାଙ୍କ ଅଧ୍ୟକ୍ଷତାରେ ଏକ ଟିମ୍ ବୁଟୁପାଲିସ୍ଥିତ ସ୍ୱଧାର ଗୃହ ପରିଦର୍ଶନ କରିଥିଲେ । ସେଠାରେ ସ୍ୱଧାର ଗୃହର ଅନ୍ତେବାସୀଙ୍କ ସହିତ ଆଲୋଚନା କରି ବିଭିନ୍ନ ସୁବିଧା ଅସୁବିଧା ସଂପର୍କରେ ପଚାରି ବୁଝିଥିଲେ । ଅତିରିକ୍ତ ଜିଲ୍ଲାପାଳ ଶ୍ରୀମତୀ ଦଳବେହେରା ଛାତ୍ରଛାତ୍ରୀମାନେ ଭଲ ପାଠ ପଢି ଭଲ ମଣିଷ ହେବା ସହିତ ସ୍ୱାବଲମ୍ବୀ ହେବାକୁ ପରାମର୍ଶ ଦେଇଥିଲେ ।  ମାନସିକ ଅନଗ୍ରସର ପିଲାମାନଙ୍କୁ ଚିକିତ୍ସା କରାଯିବା ସଂପର୍କରେ ଜିଲା ମୁଖ୍ୟ ଚିକିତ୍ସାଧିକାରୀ ଡା.

ଅଭୟ କୁମାର ଦାଶ ମନ୍ତବ୍ୟ ପ୍ରଦାନ କରିଥିଲେ । ପିଲାମାନଙ୍କ ଚକ୍ଷୁ ପରୀକ୍ଷା ପରେ ଭୁବନେଶ୍ୱରସ୍ଥିତ ଏଲଭି ପ୍ରସାଦ ଚିକିତ୍ସାଳୟକୁ ପଠାଯିବା,ଶ୍ରବଣବାଧିତ ପିଲାଙ୍କୁ ଶ୍ରବଣ ଯନ୍ତ୍ର ଯୋଗାଇଦେବା ଏବଂ ଏକ ଡାକ୍ତରୀ ଟିମ୍ ଆସି ସମସ୍ତଙ୍କ ସ୍ୱାସ୍ଥ୍ୟ ପରୀକ୍ଷା କରିବାକୁ ପ୍ରକାଶ କରିଥିଲେ । ସ୍ୱଧାର ଗୃହର ଅନ୍ତେବାସୀଙ୍କ ସହ ଆଲୋଚନା ସମୟରେ ବିଭିନ୍ନ ତାଲିମ ମାଧ୍ୟମରେ ସ୍ୱାବଲମ୍ବି କରାଇବା ପାଇଁ ପରାମର୍ଶ ଦେଇଥିଲେ । ଭିନ୍ନକ୍ଷମ ବିଦ୍ୟାଳୟର ଛାତ୍ରଛାତ୍ରୀଙ୍କ ସହିତ ଅତିଥିମାନେ ଆଲୋଚନା କରିବା ସହିତ ସେମାନଙ୍କର ଶିକ୍ଷା ଓ ଦକ୍ଷତା ସଂପର୍କରେ ଅନୁଧ୍ୟାନ କରିଥିଲେ । ସ୍ୱଧାର ଗୃହର ପରିଷ୍କାର,ପରିଛନ୍ନତା,ରୋଷେଇଘର,ଶ୍ରେଣୀଗୃହ,ଛାତ୍ରାବାସ,ଶୌଚାଳୟ ଏହି ଟିମ ପରିଦର୍ଶନ କରିଥିଲେ । ଏହୌି ଟିମ୍‌ରେ ଅନ୍ୟମାନଙ୍କ ମଧ୍ୟରେ ଜିଲା ଜନସ୍ୱାସ୍ଥ୍ୟ ଅଧିକାରୀ,ଡିଏସପି ସାଲେଷ୍ଟିନ ଟିଗା,ଜିଲା ସମାଜ ମଙ୍ଗଳ ଅଧିକାରୀ ଲକ୍ଷପତି ଭୋଇ,ପ୍ରୋଗ୍ରାମ ଅଧିକାରୀ ଶମିଷ୍ଠା ହୋତା,ସିଡିପିଓ ହରଭଙ୍ଗା

ନିରୂପମା ପାଣି ଏବଂ ଜିଲା ସୂଚନା ଓ ଲୋକସଂପର୍କ ଅଧିକାରୀ ରିତାକାନ୍ତି ବଳିୟାରସିଂହ ପ୍ରମୁଖ ସାମିଲ ହୋଇଥିଲେ । ସ୍ୱଧାର ଗୃହର ସୁପରିଟେଣ୍ଡେଣ୍ଟ୍ ଯମୁନା ବରାଳ, ଅଧ୍ୟକ୍ଷ ସ୍ପେଶାଲ ସ୍କୁଲ,କାଉନସିଲର ସବିତା ହୋତା ,ବବିତା ଗାଇଗୌରିଆ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।