28-Feb-2022

ପଦ୍ମପୁର(ନିରଞ୍ଜନ ତ୍ରିପାଠୀ)ସଂପ୍ରତି ଦିର୍ଘବର୍ଷ ହେବ ସାରା ବିଶ୍ବ କୁ ମହାମାରୀ କରୋନା ଗ୍ରାସ କରିଥିବାବେଳେ ଆମ ସରକାର କୁନିକୁନି ଶିଶୁ ମାନଙ୍କ ଠାରୁ ଆରମ୍ଭ କରି ସମସ୍ତ ଛାତ୍ରଛାତ୍ରୀ ମାନଙ୍କ ଅମୁଲ୍ୟ ଜୀବନ କୁ ସୁରକ୍ଷିତ ରଖିବା ପାଇଁ ଲକଡାଉନ ସମେତ ସମସ୍ତ ଶିକ୍ଷାନୁଷ୍ଠାନ ବନ୍ଦ କରି ଦେବା ଫଳରେ ଅନେକ ଧନଜୀବନ ରକ୍ଷା କରିବାରେ ବେଶ ସହାୟକ ହେଲେ । କିନ୍ତୁ ପିଲାଙ୍କ ପାଠପଢା ଡୋରି ବନ୍ଦ ହେବା ଦ୍ୱାରା ପିଲା ମାନଙ୍କ ଭବିଷ୍ୟତ ଅନିଶ୍ଚିତା ମଧ୍ୟରେ ଗତି କରୁଥିଲା ।ଯାହା ଦୃଦୟଙ୍ଗମ କରି କରୋନା ପ୍ରକୋପ ଟିକିଏ କମିବା ଫଳରେ ପିଲାଙ୍କ ଉଜ୍ଜ୍ୱଳ ଭବିଷ୍ୟତ କୁ ଦୃଷ୍ଟିରେ ରଖି ଆଜି ରାଜ୍ୟ ରେ ଥିବା ସମସ୍ତ ସ୍କୁଲ କୁ ଖୋଲିବାକୁ ନିର୍ଦ୍ଦେଶ ଦେଇଛନ୍ତି ।ଏ ପରିପ୍ରେକ୍ଷୀରେ ପାଇକମାଳ ବ୍ଳକ ଅନ୍ତର୍ଗତ ଲଖମରା ସ୍ଥିତ ସର୍ବପୁରାତନ ଜଗନ୍ନାଥ ହାଇସ୍କୁଲ ଠାରେ ପିଲାମାନଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା । ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ ତଥା ଅଭିଭାବକ କମିଟି ଙ୍କ ଆୟୋଜନ କ୍ରମେ ପ୍ରବେଶ ଉତ୍ସବ ପାଳନ କରାଯାଇଛି ।