21-Feb-2022

ବରଗଡ:-ବରଗଡ଼ ଜିଲ୍ଲା ସ୍ଥିତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଜମଲା, ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବୁକୁରାମୁଣ୍ଡା ଏବଂ ବରଗଡ ଜିଲ୍ଲା ମୁଖ୍ୟ ଚିକିତ୍ସାଳୟ ର ଷ୍ଟାଫ୍ ଙ୍କ ମଧ୍ୟରେ ଜମଲା ଠାରେ ଏକ ଦିବସୀୟ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ପ୍ରତ୍ୟେକ ଦଳ ଗୋଟିଏ ଲେଖାଏଁ ବିଜୟ ହାସଲ କରିଥିଲେ ।ତେଣୁ ନେଟ ରନରେଟ ଭିତ୍ତିରେ ଜମଲା ଏବଂ ବରଗଡ ଦଳ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ଫାଇନାଲ ରେ ପ୍ରଥମେ ବ୍ୟାଟିଂ କରି ବରଗଡ ନିର୍ଦ୍ଧାରିତ ୮ ଓଭରରେ ୭୨ ରନର ବିଜୟ ଲକ୍ଷ ଦେଇଥିଲେ ।ଏହିକୁ ଜମଲା ଦଳ ଗୋଟିଏ ଓଭର ବାକିଥାଇ ହାସଲ କରିବାରେ ସଫଳତା ହାସଲ କରିଥିଲେ ।ଏହି ଟୁର୍ଣ୍ଣାମେଣ୍ଟରେ ମ୍ୟାନ ଅଫ ଦି ମ୍ୟାଚ ଭାବେ ସଞ୍ଜୟ ବଢ଼େଇ ଏବଂ ସିରିଜ ପ୍ରିତମ ତ୍ରିପାଠୀ ଙ୍କୁ ବିବେଚିତ କରାଯାଇଥିଲା । ବିଜୟୀ ଦଳକୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ଜମଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ମେଡିକାଲ ଅଫିସର ବିଜୟୀ କପ୍ ପ୍ରଦାନ କରିଥିଲେ । ସମ୍ମାନୀତ ଅତିଥି ଭାବେ ସର୍ବଶ୍ରୀ:-ମନୋରଞ୍ଜନ ସାହୁ, ସତ୍ୟନାରାୟଣ ସାହୁ, ଜିଲ୍ଲା ଆଶା କୋଡିନେଟର ସୈାଭାଗ୍ୟ କୁମାର ମିଶ୍ର,ଶିବ ପ୍ରସାଦ ବେହେରା, ପ୍ୟାରିମୋହନ ନାଏକ ପ୍ରମୁଖ ଉପସ୍ଥିତ ହୋଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ରାଜିବ ପୁରୋହିତ ଏବଂ ସୁବ୍ରତ ବିଶ୍ୱାଳ ଖେଳ ପରିଚାଳନା କରିଥିବାବେଳେ, ସୁଶାନ୍ତ ପାତ୍ର ଧାରାବିବରଣୀ ପ୍ରଦାନ କରିଥିଲେ ।ଏହି ଟୁର୍ଣ୍ଣାମେଣ୍ଟ ରେ ବେଦ,ପଞ୍ଚା, ଗୋବିନ୍ଦ, ଦିନ, ଜିତେନ୍ଦ୍ର,ପିଣ୍ଟୁ ପ୍ରମୁଖ ସମସ୍ତ ପ୍ରକାର  ସହଯୋଗ କରିଥିଲେ ।