20-Feb-2022

ଗଞ୍ଜାମ (ଉମା ମହାରଣା) : ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ ଛତ୍ରପୁର ବ୍ଳକ ଅନ୍ତର୍ଗତ ଅଗସ୍ତି ନୂଆଁ ଗ୍ରାମରେ ପ୍ରତିଷ୍ଠା ଲାଭ କରିଥିବା ସ୍ବାମୀ ଚିଦାନନ୍ଦ ଦିବ୍ୟ ଧାମର ଜରା ଆଶ୍ରମରେ ଆଶ୍ରୟ ନେଇଥିବା ଅନ୍ତେବାସୀଙ୍କ ପାଇଁ ୧୯ ତାରିଖ ଦିନ ମାଗଣା ଦନ୍ତ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି ।ରୋଟାରୀଆନ୍ ରବିନ୍ଦ୍ର କୁମାର ସାହୁ ଓ ମଣିମାଳା ସାହୁଙ୍କ ୩୪ ତମ ବିବାହ ବାର୍ଷିକୀ ପାଳନ ଅବସରରେ ଆୟୋଜିତ ଏହି ଶିବିରରେ ବ୍ରହ୍ମପୁର କୋର୍ଟପେଟା ସ୍ଥିତ ସ୍ମାଇଲ୍ ଡିଜାଇନର ଡାକ୍ତର ସୌରଭ କୁମାର ସାହୁ ଓ ଡାକ୍ତର ଅର୍ପିତା ମହାନ୍ତି ଉପସ୍ଥିତ ରହି

ଅନ୍ତେବାସୀଙ୍କର ଦନ୍ତ ପରୀକ୍ଷା କରି ଉପଯୁକ୍ତ ପରାମର୍ଶ ଦେଇଥିଲେ ।କ୍ଳବର ସଭାପତି କାମରାଜୁ ମହାରଣା ଙ୍କ ନେତୃତ୍ଵରେ ପରିଚାଳିତ ଏହି ଶିବିରରେ ପୂର୍ବତନ ସଭାପତି ଅରୁଣ ଚାନ୍ଦ ଦାଶ, ଅଜିତ କୁମାର ପୃଷ୍ଟି, ଅସିତ୍ କୁମାର ଦତ୍ତ, ସଂପାଦକ ଜୟନ୍ତ କିଶୋର ପାତ୍ର, କୋଷାଧ୍ୟକ୍ଷ ଦୁର୍ଗା ରାଓ, ରୋଟାରୀ ଜୋନ୍ ୬ ର ସଂଯୋଜିକା ରୋଟାରିଆଅନ ରେଖା ମହାନ୍ତି, ବାଉରୀବନ୍ଧୁ ସାହୁ ପ୍ରମୁଖ ଉପସ୍ଥିତ ରହି ଶିବିର ପରିଚାଳନା କରିଥିଲେ ।ଦିବ୍ୟ ଧାମର ମୁଖ୍ୟ ଟ୍ରଷ୍ଟି ରୋଟାରୀଆନ୍ ବିପ୍ରଚରଣ ପାତ୍ରଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଶିବିର ଆୟୋଜିତ ହୋଇଥିଲା ।ରୋଟାରୀଆନ୍ ରବିନ୍ଦ୍ର କୁମାର ସାହୁ ଓ ମଣିମାଳା ସାହୁ ଙ୍କ ତରଫରୁ ଅନ୍ତେବାସୀଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା ।