19-Feb-2022

ସୁବର୍ଣ୍ଣପୁର - ସୁବର୍ଣ୍ଣପୁର ସଦର ନିକଟସ୍ଥ   ପିପିଲିପାଲି  ସ୍ଥିତ ମୋଡେଲ ଡିଗ୍ରୀ କଲେଜ ରେ ଛାତ୍ର ଅଶାନ୍ତି ଦେଖା ଯାଇଥିବା ଜଣାପଡିଛି l ଛାତ୍ର ମାନେ ବିଭିନ୍ନ ଦାବି ପୂରଣ ପାଇଁ ରାଜ ରାସ୍ତା କୁ ଓହ୍ଲାଇ ଧାରଣାରେ ବସିଛନ୍ତି l ନଭେମ୍ବର ମାସ ଠାରୁ ପାଠ ପଢା ଆରମ୍ଭ ହୋଇଥିଲେ ମଧ୍ୟ ଜାନୁଆରୀ ମାସ ଠାରୁ ପୁଣି ଥରେ ଲକ ଡାଉନ ହୋଇଯାଇଥିଲା l ଏପରି ସ୍ଥଳେ କେତେକ ଛାତ୍ର ଅନଲାଇନ ପାଠ ସହ ଯୋଡିହେଲେ ଓ ଆଉକିଛି ଛାତ୍ର ଯୋଡି ହୋଇପାରିଲେ ନାହିଁ l ଏଭଳି ହେବା ଯୋଗୁଁ କୋର୍ସ ମଧ୍ୟ ସମ୍ପୂର୍ଣ୍ଣ ହୋଇ ପାରିଲା ନାହିଁ l  ଛଅ ମାସର କୋର୍ସ କୁ କେମିତି

ଦୁଇ ମାସରେ ସମ୍ପୂର୍ଣ୍ଣ କରି ନିଜ କୁ ପ୍ରସ୍ତୁତ କରିବୁ ବୋଲି ଛାତ୍ର ମାନେ ଅଭିଯୋଗ କରିଛନ୍ତି l ପୁଣି ଛଅଟି ସେମିଷ୍ଟାର କୁ ଆଉ ଦୁଇ ମାସ ରହିଥିବା ବେଳେ ଦୁଇ ମାସ ମଧ୍ୟରେ କେମିତି ପଢ଼ିବୁ ବୋଲି ଅଭିଯୋଗ କରିଛନ୍ତି l ଯେଉଁ ଛାତ୍ର ଅନ୍ୟ ବିଶ୍ୱବିଦ୍ୟାଳୟ କୁ ଯିବେ କେମିତି ନିଜକୁ ପ୍ରସ୍ତୁତ କରିବେ ସେ ନେଇ ମଧ୍ୟ ଛାତ୍ର ଙ୍କ ମଧ୍ୟରେ ସନ୍ଦେହ ଉପୁଜିଛି l ଅନଲାଇନ ମୋଡ଼ ରେ ପରୀକ୍ଷା କରାଇବାକୁ ଛାତ୍ର ମାନେ ଦାବି କରି ରାଜ ରାସ୍ତା ଅବରୋଧ କରିବା ସହ ଧାରଣା ରେ ବସିଛନ୍ତି l ଟାୟାର ଜାଳି ରାସ୍ତା ଅବରୋଧ କରିବା ସହ ପ୍ଲାକାର୍ଡ ଧରି ଧାରଣାରେ ବସିଛନ୍ତି l ସେହିପରି ସୋନପୁର ମହାବିଦ୍ୟାଳୟ ର ଛାତ୍ର ମାନେ ମଧ୍ୟ ଏହିସବୁ ଦାବୀ ନେଇ ରାଜରାସ୍ତା କୁ ଓଲ୍ହାଇ ଛନ୍ତି l ଶିକ୍ଷା ମନ୍ତ୍ରୀ ତୁରନ୍ତ ଏଥି ପ୍ରତି ଦୃଷ୍ଟି ଦେବାକୁ ଛାତ୍ର ମାନେ ଦାବି ଜଣାଇଛନ୍ତି l