19-Feb-2022

ବିନିକା:(ହିମାଂଶୁ ଶେଖର ପୁଟେଳ) ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଦ୍ଵିତୀୟ ପର୍ଯ୍ୟାୟ ଭୋଟରେ ବିନିକା ବ୍ଲକରେ ୮୫ ପ୍ରତିଶତ ମତଦାନ ହୋଇଥିବା ବେଳେ ୭ ଜିଲ୍ଲାପରିଷଦଙ୍କ ସମେତ ୭୫ ସରପଞ୍ଚ,୬୧ସମିତିସଭ୍ୟ ଓ ୨୫୩ଜଣ ୱାର୍ଡ ମେମ୍ବରଙ୍କ ଭାଗ୍ୟ ଭୋଟ ବାକ୍ସରେ ଲକଅପ ହୋଇଯାଇଛି । ନିର୍ବାଚନ ସକାଳ ୭ଟା ରୁ ଦିନ ୧ଘଣ୍ଟା ପର୍ଯ୍ୟନ୍ତ ଶାନ୍ତିପୂର୍ଣ୍ଣ ଭାବେ ଚାଲିଥିବା ବେଳେ ଆଉ କେତେକ ସ୍ଥାନରେ ସନ୍ଧ୍ୟା ପର୍ଯ୍ୟନ୍ତ ଭୋଟ ହୋଇଥିଲା ଭୋଟର ମାନେ ସ୍ୱତପ୍ରବୃତ ଭାବରେ ଶାନ୍ତି ଶୃଙ୍ଖଳା ରକ୍ଷା ସହ ଧାଡ଼ିରେ ଠିଆ ହୋଇ ତାଙ୍କର ମନ ପସନ୍ଦ ପ୍ରାର୍ଥୀ ପ୍ରାର୍ଥୀନୀଙ୍କୁ  ଭୋଟ ଦେଇଥିଲେ ଏହି ପରିପ୍ରେକ୍ଷୀରେ ୮୮ ବର୍ଷିଆ ଜଣେ ବୃଦ୍ଧା ଉଷା କର୍ଣ୍ଣ କିଛି କହିପାରୁ ନଥିବା କି ଚାଲି ପାରୁ ନଥିଲେ ମଧ୍ୟ ଭୋଟ ଦେବାର ଅଧିକାର ନାଗରିକ ର କର୍ତ୍ତବ୍ୟ ହୋଇଥିବାରୁ ଏବଂ ଉଚିତ ଜନ ପ୍ରତିନିଧି ବାଛିଲେ ଅଂଚକର ବିକାଶ ସମ୍ଭବ ଭାବି ସେ ଦୁଇ ସ୍ବେଚ୍ଛାସେବୀ ଙ୍କ ସହାୟତାରେ ଭୋଟ କେନ୍ଦ୍ରକୁ ଆସି ମତଦାନ କରିଥିଲେ ।ଆସନ୍ତା ୨୬ତାରିଖରେ ନିର୍ବାଚନ ଯୁଦ୍ଧରେ ଅବତୀର୍ଣ୍ଣ ହୋଇଥିବା ପ୍ରାର୍ଥୀ ପ୍ରାର୍ଥୀନୀଙ୍କ ହାରଜିତ

ନିର୍ଣ୍ଣୟ ହେବ । ସେଥିପାଇଁ ପ୍ରାର୍ଥୀଙ୍କ ଛାତି ଧଡ଼ ଧଡ଼ ଆରମ୍ଭ ହୋଇଯାଇଛି ।ମିଳିଥିବା ସୂଚନା ଅନୁସାରେ ବ୍ଲକର ସବୁଠାରୁ ଗୁରୁତ୍ତ୍ୱପୂର୍ଣ ପଞ୍ଚାୟତ ଚରଦା ଯେଉଁଠାରେ  ଦୁଇ ହେବିୱେଟ ପ୍ରାର୍ଥୀନୀଙ୍କ ମଧ୍ୟରେ କଡା ମୁକାବିଲା ହୋଇଥିଲା ସେହି ପଞ୍ଚାୟତରେ  ହାରାହାରି ୮୯ପ୍ରତିଶତ ମତଦାନ ହୋଇଥିବା ବେଳେ ମହାଦେବପାଲି,ସେଲେଡି,ବା ଉସୁନି,କଇଁନ୍ତରା, ମହଦା,ଜୁଲୁଣ୍ଡା,କୁଇଵାହାଲ,ସିଲାଟି,ମେଘେଲା,ଶଙ୍କରା , ଭଣ୍ଡାର ,ସିଙ୍ଗିଯୁଵା,ଵାଵୁପାଲି,ଵାଙ୍କିଘିରିଡି,ସିନ୍ଦୁରପୁର ପଞ୍ଚାୟତ ମାନଙ୍କରେ ମଧ୍ୟ ହାରାହାରି ୮୦ ପ୍ରତିଶତରୁ ଅଧିକ ମତଦାନ ହୋଇଥିବା ଜଣାପଡିଛି ।