15-Feb-2022

ବରଗଡ଼: - ପ୍ରଥମ ପର୍ଯ୍ୟାୟ ମତଦାନ ପାଇଁ ବରଗଡ଼ଜିଲ୍ଲା ଝାରବନ୍ଧ, ପାଇକମାଲ, ଭଟଲି ଓଅମ୍ବାଭନା ବ୍ଲକରେ ସୋମବାର ସନ୍ଧ୍ୟାରେ ପ୍ରଚାର ଶେଷ ସହ ପ୍ରଶାସନ ପ୍ରସ୍ତୁତି ଶେଷ ହୋଇ ଆସନ୍ତାକାଲି ବୁଧବାର ମତଦାନ ଆରମ୍ଭ ହେବାକୁ ଯାଉଅଛି । ବରଗଡ଼ ଜିଲ୍ଲାରେ ପାଞ୍ଚ ଟି ପର୍ଯାୟ ରେ ନିର୍ବାଚନ ପ୍ରକ୍ରିୟା ଶେଷ ହେଉଥିବାବେଳେ ଆସନ୍ତାକାଲି ପ୍ରଥମ ପର୍ଯାୟ ର ପ୍ରଥମ ଚରଣର  ନିର୍ବାଚନ ପ୍ରକ୍ରିୟା ହେବ । ପ୍ରଥମ ପର୍ଯ୍ୟାୟ ରେ  ୪ ବ୍ଲକ ଅନ୍ତର୍ଗତ ୬୭ ପଞ୍ଚାୟତର ୮୬୯ ମତଦାନ କେନ୍ଦ୍ରରେ ୨ ଲକ୍ଷ ୭୨ ହଜାର ୧୩୨ ଭୋଟର

୧୫୯୯ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ । ଏଥିପାଇଁ ୮ ଟି ପିଙ୍କ ବୁଥ ଓ ପ୍ରତି ବ୍ଲକ ମୁଖ୍ଯାଳୟ ଠାରେ ଗୋଟିଏ ଲେଖାଏଁ ୪ ଟି ବ୍ଲକ ରେ ୪ ଟି ମେଡେଲ ବୁଥରେ ମହିଳା ନିର୍ବାଚନ ଫୋଲିଙ୍ଗ ଅଧିକାରୀ ଓ ମହିଳା କର୍ମଚାରୀ ସମେତ ମହିଳା ପୋଲିସ ନିଯୁକ୍ତି ହୋଇ ନିର୍ବାଚନ ଅନୁଷ୍ଠିତ ହେବ । ଏଥିରେ ୧୧୦୨ ଜଣ ୱାର୍ଡ ମେମ୍ବର , ୨୯୧ ଜଣ ସରପଞ୍ଚ ପ୍ରାର୍ଥୀ , ୧୭୯ ଜଣ ସମିତି ସଭ୍ୟ ଓ ୨୭ ଜଣ ଜିଲ୍ଲା ପରିଷଦ ସଭ୍ଯ ସଭ୍ଯା ଅବତୀର୍ଣ୍ଣ ହୋଇ ତାଙ୍କ ଭାଗ୍ଯ ନିର୍ଦ୍ଧାରଣ ହେବ ।