12-Feb-2022

ପଦ୍ମପୁର:-ନିର୍ବାଚନ ପର୍ବ ପାଖେଇ ଆସିଲେ ନାନା କଥା ନାନାବ୍ୟଥା ସହ ଅନେକ ଆଶ୍ଚର୍ଯ୍ୟ ଜନକ ରୋଚକ ଘଟଣା ଆପେଆପେ ଲୋକଙ୍କ ମୁହଁରୁ ବାହାରେ ।୧୯୯୨ ମସିହାରେ ହୋଇଥିବା ସରପଞ୍ଚ ନିର୍ବାଚନ ଠାରୁ ଆରମ୍ଭ କରି ଆଜି ପର୍ଯ୍ୟନ୍ତ ପାହାଚ ପରେ ପାହାଚ ଅତିକ୍ରମ କରି ବରଗଡ଼ ଜିଲ୍ଲା ର ପାଇକମାଳ ନିବାସୀ ଶ୍ରୀମାନ ଧବଳେଶ୍ଵର ସାହୁ ଅଦ୍ୟାବଧି ପରାଜିତ ହୋଇନାହାନ୍ତି ।୧୯୯୨ ରେ ପ୍ରଥମେ ପାଇକମାଳ ଗ୍ରାମପଞ୍ଚାୟତ ସରପଞ୍ଚ ଭାବେ ବିପୁଳ ସମର୍ଥନ ରେ ଜିଣି ଲୋକଙ୍କ ଦୁଃଖ ସୁଖ ର ସାଥି ଭାବେ ଛିଡ଼ା ହୋଇ ପୁନଃ ଜନସାଧାରଣ ଙ୍କ ସମ୍ମାନ କୁ ଦୃଷ୍ଟିରେ ରଖି ୧୯୯୭ ମସିହାରେ ଏହି ପଞ୍ଚାୟତ ର ସରପଞ୍ଚ ଭାବେ ଦାୟିତ୍ଵ ବହନ କରି ଅନେକ ଗୁଡ଼ିଏ ଜନହିତକର କାର୍ଯ୍ୟ କରିଛନ୍ତି ।୨୦୦୨ ମସିହାରେ ରେ କେଛୋଦାଦର ଗ୍ରାମପଞ୍ଚାୟତ ର ଅଗଣିତ ଭୋଟର ଭାଇମାନଙ୍କ ନିମନ୍ତ୍ରଣ କ୍ରମେ ସମିତି ସଭ୍ୟ ଭାବେ ରଣାଙ୍ଗନରେ ଅବତୀର୍ଣ୍ଣ ହୋଇ ଏଠି ମଧ୍ୟ ବିଜୟ ଲାଭ କରି ଅନେକ ଉନ୍ନୟନ ମୂଳକ କାର୍ଯ୍ୟ କରି ବେଶ ପ୍ରଶଂସନୀତ । ନିକଟସ୍ଥ ଝିଟିକି ଗ୍ରାମପଞ୍ଚାୟତ ର ମା ଭଉଣୀ ଙ୍କ ସମ୍ମାନ କୁ ପାଥେୟ କରି ବିପୁଳ ଜନସମର୍ଥନ ରେ ୨୦୦୭ ମସିହାରେ ଝିଟିକି ଗ୍ରାମପଞ୍ଚାୟତ ରେ ସମିତି ସଭ୍ୟ ଭାବେ ପ୍ରାର୍ଥୀତ୍ୱ ଦାଖଲ କରି ଏଠି ମଧ୍ୟ ବିପୁଳ ଜନସମର୍ଥନ ରେ ବହୁ ସଂଖ୍ୟା ରେ ବିପୁଳ ଭୋଟ ରେ ବିଜୟୀ ହୋଇଥିଲେ ।୨୦୧୨ ମସିହା ନିର୍ବାଚନ ରେ  ଧବଳେଶ୍ଵର ଙ୍କ ସାନଭାଇ ମହେଶ୍ୱର ସାହୁ ସରପଞ୍ଚ ପ୍ରାର୍ଥୀ ଭାବେ ଛିଡ଼ା ହୋଇ ଜନସାଧାରଣ ଙ୍କ ସେବାକୁ ଏକ ବ୍ରତ ଭାବେ ଗ୍ରହଣ କରି ପାଇକମାଳ ଗ୍ରାମପଞ୍ଚାୟତ ସରପଞ୍ଚ ଭାବେ ବିଜୟୀ ହୋଇଥିଲେ । ବର୍ତ୍ତମାନ ମହେଶ୍ୱର ଙ୍କ ସୁପୁତ୍ର ଶ୍ରୀ ରବିନାରାୟଣ ସାହୁ ପାଇକମାଳ ବ୍ଳକ ଛାତ୍ର ଜନତା ଦଳ ର ସଭାପତି ଭାବେ ଦାୟିତ୍ଵ ନିର୍ବାହ କରୁଛନ୍ତି ।ପୁଣି ପାଞ୍ଚବର୍ଷ ଅତିବାହିତ ପରେ ଶ୍ରୀମାନ ଧବଳେଶ୍ଵର ସାହୁ ୨୦୧୭ ରେ ପାଇକମାଳ ଗ୍ରାମପଞ୍ଚାୟତ ସରପଞ୍ଚ ଭାବେ ବିପୁଳ ସଂଖ୍ୟାରେ ଭୋଟ ପାଇ ବିଜୟୀ ହୋଇ ସରପଞ୍ଚ ଚୈାକି ହାସଲ କରିପାରିଥିଲେ । ବର୍ତ୍ତମାନ ଚାଲିଛି ଓଡ଼ିଶାରେ ତ୍ରିସ୍ତରୀୟ ନିର୍ବାଚନ । ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ନାରୀ କୁ ସମ୍ମାନ ନାରା କୁ  ସମ୍ମାନ ଜଣାଇ ଚଳିତ ନିର୍ବାଚନ ରେ ଅନେକ ଆସନ ରେ ମା ଭଉଣୀ ମାନେ ପ୍ରତିଦ୍ବନ୍ଦିତା କରୁଛନ୍ତି ।ଏହାକୁ ଆଖି ଆଗରେ ରଖି ଶ୍ରୀମାନ ଧବଳେଶ୍ଵର ସାହୁ ତାଙ୍କ ପତ୍ନୀ ଶ୍ରୀମତୀ ଦମୟନ୍ତୀ ସାହୁ ଙ୍କୁ ପାଇକମାଳ ବ୍ଳକ ର ମାଣ୍ଡିଆଢିପା ଗ୍ରାମପଞ୍ଚାୟତ ରେ ସମିତି ସଭ୍ୟା ଭାବେ ଛିଡ଼ା କରିଛନ୍ତି ।ଏହା ଏକ ପ୍ରକାର ର ମ୍ୟାଜିକ ନୁହେଁ ତ ଆଉ କ'ଣ ବୋଲି ଲୋକେ ପ୍ରଶଂସା କରିବାରେ ଲାଗିଛନ୍ତି ।ଆସନ୍ତା ୧୬.୦୨.୨୦୨୨ ରେ ପାଇକମାଳ ବ୍ଳକ ଅଞ୍ଚଳ ରେ ନିର୍ବାଚନ ହେବ ।ଦେଖାଯାଉ କଣ ହେଉଛି ଖେଳ । ରାଜନୀତି ଗୋଟି ଚାଳନାରେ ମାହିର୍ ଥିବା ଧବଳେଶ୍ଵର ସାହୁ ସଦାବେଳେ ଚ୍ୟାଲେଞ୍ଜ କୁ ଆପଣାଇ ଆଜି ପର୍ଯ୍ୟନ୍ତ ପାଇକମାଳ ରେ ହାରି ନାହାନ୍ତି । ଏହାହିଁ ପାଇକମାଳ ବ୍ଳକ ଅଞ୍ଚଳ ପାଇଁ ଗର୍ବ ଓ ଗୈାରବ କହିଲେ ଅତ୍ୟୁକ୍ତି ହେବନାହିଁ ।