14-Nov-2020

ବଲାଙ୍ଗିର, (ପ୍ରେରଣା ଖବର) - ବଲାଙ୍ଗିର ଜିଲ୍ଲାର ପଥରଚେପାସ୍ଥିତ ‘ଓଡ଼ିଶା ମଡେଲ ସ୍କୁଲ ’ ଭାରତର ପଂଚମ ଶ୍ରେଷ୍ଠ ସରକାରୀ ଆବାସିକ ସ୍କୁଲ ତାଲିକାରେ ସ୍ଥାନିତ ହେବା ସମଗ୍ର ରାଜ୍ୟ ପାଇଁ ଗୌରବର ବିଷୟ। ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଡ୍ରିମ୍ ପ୍ରୋଜେକ୍ଟ ‘ଓଡ଼ିଶା ମଡେଲ ସ୍କୁଲ’ରେ ଉନ୍ନତମାନର ଶିକ୍ଷା ଭିତ୍ତିଭୂମି ଓ ଗୁଣାତ୍ମକ ମାନର ଶିକ୍ଷାଦାନକୁ ଏହା ସଫଳତାର ସ୍ୱୀକୃତି ଦେଇଛି।
ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ ଅଧ୍ୟକ୍ଷା ଶ୍ରୀମତୀ ଶ୍ରୀମୟୀ ମିଶ୍ର ଆଜି ଏହି ସ୍କୁଲ ଗସ୍ତରେ ଯାଇ ସ୍କୁଲର ପ୍ରିନ୍ସିପାଲ କ୍ଷମାନିଧି  ଝାଙ୍କର  ଓ ଦଶମ ଶ୍ରେଣୀରେ ସମଗ୍ର ରାଜ୍ୟରେ ‘ଓଡ଼ିଶା ମଡେଲ୍ ସ୍କୁଲ’ ଟପ୍ପର ସଂସ୍କୃତି ଖମାରୀ ଙ୍କୁ ସମ୍ବର୍ଦ୍ଧିତ କରିଛନ୍ତି। ଛାତ୍ରଛାତ୍ରୀଙ୍କ ପାଇଁ ଅତ୍ୟାଧୁନିକ ଶିକ୍ଷା ଭିତ୍ତିଭୂମି ସହ ଗୁଣାତ୍ମକ ଶିକ୍ଷା ପ୍ରଦାନ ସମଗ୍ର ଦେଶରେ ଓଡ଼ିଶାକୁ ଏକ ସ୍ୱତନ୍ତ୍ର ପରିଚୟ ଦେଇପାରିଛି