10-Feb-2022

ଉଲୁଣ୍ଡା (ଗୌରଚନ୍ଦ୍ର ପରିଛା) ଉଲୁଣ୍ଡା ବ୍ଲକ ଧର୍ମସାଳା ଠାରେ ବିଜେଡିର କର୍ମୀ ସମ୍ମିଳନୀ ଓ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ଅବଶରରେ ବିଭିନ୍ନ ଦଳରୁ ୫୦ ଜଣ ସଦସ୍ୟ ବିଜେଡିରେ ସାମିଲ ହୋଇଛନ୍ତି । ଯୁବ ନେତା କୃତିବାସ ମିଶ୍ରଙ୍କ ନେତୃତ୍ୱ ଏବଂ ଜିଲ୍ଲା ବିଜୁ ଯୁବ ଛାତ୍ର ଜନତା ଦଲର ଉପସଭାପତି ଅମିୟ ରଞ୍ଜନ ଦାସଙ୍କ ତତ୍ୱାବଧାନରେ ହୋଇଥିବା ଏହି କାର୍ଯ୍ୟକ୍ରମରେ ପରିବହନ ମନ୍ତ୍ରୀ ପଦ୍ମନାଭ ବେହେରା ମୁଖ୍ୟ ଅତିଥି ଭାବରେ ଯୋଗଦେଇ  ସମସ୍ତ କର୍ମୀ ଏକତ୍ରିତ ହୋଇ ଦଳକୁ ସୁଦୃଢ କରିବା ପାଇଁ ଆହ୍ୱାନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ଝସକେତନ ବଘାର, ସୋମନାଥ ପାଣିଗ୍ରାହୀ, ବିହାରୀଲାଲ ମିଶ୍ର, ରଞ୍ଜିତା ଭୋଇ ପ୍ରମୁଖ ମଂଚାସୀନ ହୋଇଥିଲେ । ଆୟୋଜିତ ମିଶ୍ରଣ ପର୍ବରେ ବରିଷ୍ଠ କଂଗ୍ରେସ ନେତା ଗୋବିନ୍ଦ ମିଶ୍ର, ନରସିଂହ ଦାସ, ଶଙ୍କର ମହାପାତ୍ର, ସନ୍ତୋଷ ମେଣ୍ଡିଲୀ, ପୁର୍ବତନ ସରପଂଚ କବିତା ଜଗଦଲା, ବରିଷ୍ଠ ବିଜେପି ନେତା ରବି ସେଠୀଙ୍କ ସମେତ ୫୦ ଜଣ ସଦସ୍ୟ ବିଜେଡିରେ ସାମିଲ ହୋଇଥିଲେ । ସମସ୍ତ ସଦସ୍ୟଙ୍କୁ ପରିବହନ ମନ୍ତ୍ରୀ  ଦଲୀୟ ଉପଢୌକନ ଦେଇ ସମ୍ବର୍ଦ୍ଧିତ କରି ସ୍ୱାଗତ କରିଥିଲେ । ବହୁ ଦଲୀୟ କର୍ମୀ ଯୋଗଦେଇଥିଲେ ।