09-Feb-2022

ବଙ୍ଗୋମୁଣ୍ଡା ବ୍ଲକ ଝରିଆଲ ପଞ୍ଚାୟତ ଅନ୍ତର୍ଗତ ବୁଢିପଦର ଗ୍ରାମର ବିଷ୍ଣୁ ମହାନନ୍ଦ ଙ୍କ ଦୁଇଟି ବଳଦ ତାଙ୍କ ନବ ନିର୍ମିତ ଘର ପାହାଚ ଦେଇ ଛାତ ଉପରକୁ ଚଢ଼ି ଜିବାରୁ ତାଙ୍କୁ ଛାତ ଉପରୁ ତଳକୁ ଓହ୍ଲାଇବାକୁ ବହୁ ହଇରାଣ ହରକତ ହୋଇଥିବା ଦେଖାଯାଇଛି। ଘଟଣାନୁଯାଇ ସୋମବାର ସଂନ୍ଧ୍ୟାରେ ଘର ଭିତରୁ ପାହାଚ ଦେଇ ଦୁଇ ବଳଦ ଛାତ ଉପରକୁ ଚଢି ଯାଇଥିବା ବିଷ୍ଣୁ ଦେଖିଥିଲେ। ଦୁଇ ବଳଦକୁ ତଳକୁ ଆଣିବାପାଇଁ ବହୁ ଚେଷ୍ଟା କରିଥିଲେ ହେଁ ବିଫଳ ହୋଇଥିଲେ ପରେ ପଡୋଶୀଙ୍କ ସାହାଯ୍ଯରେ ମଧ୍ଯ ଚେଷ୍ଟା କରା ଯାଇଥିଲେ ହେଁ ରାତି ହେବାରୁ ତଳକୁ ଓହ୍ଲାଇ ଆଣିବା ମୁସ୍କିଲ ହୋଇଥିଲା। ତେବେ ମଙ୍ଗଳବାର ସକାଳୁ ବହୁ ଉଦ୍ୟମ କରି ବଳଦ ମାଳିକଙ୍କ ସହ ଗ୍ରାମବାସୀ ଗୋଟିଏ ବଳଦ କୁ ପାହାଚ ଦେଇ ଓଲ୍ଲାଇବାରେ ସମର୍ଥ ହୋଇଥିଲେ। କିନ୍ତୁ ଆଉ ଗୋଟିଏ ଗାଇ ଓହ୍ଲାଇବାରେ ବାରମ୍ବାର ବିଫଳ ହୋଇଥିଲେ। ଗୋଟିଏ ପଟେ ଅଧିକ ହୋହଲ୍ଲା କିମ୍ବା ବଳଦ ଡରିଗଲେ ଛାତ ଉପରୁ ତଳକୁ ଡେଇଁବ କିମ୍ବା ଛାତ ଉପରେ ଥିବା ଲୋକଙ୍କୁ ଗୋଡାଇ ଗୋଡାଇ ମାରିବ ଏହାକୁ ନଜରରେ ରଖି ଗ୍ରାମବାସୀ ପୁଣୀ ଅପେକ୍ଷା କରିଥିଲେ । ହେଲେ ବଳଦ ଛାତ ଉପରେ ହିଁ ରହି ଯାଇଥିବା ଫୋନ ଯୋଗେ ସମାଜସେବୀ ଅନିଲ କୁମାର ତ୍ରିପାଠୀଙ୍କୁ ଜଣାଇଥିଲେ ଓ କିଛି ଉପାୟ କରିବାପାଇଁ

ଅନୁରୋଧ କରିଥିଲେ । ଶ୍ରୀ ତ୍ରିପାଠୀ ତୁରନ୍ତ ବଙ୍ଗୋମୁଣ୍ଡା ଅଗ୍ନିସମ ବିଭାଗ କୁ ଜଣାଇ ଘଟଣା ବିଷୟରେ ଅବଗତ କରାଇବାରୁ ଅଗ୍ନିସମ ବିଭାଗ କର୍ମଚାରୀ ପହଞ୍ଚି ବହୁ ଚେଷ୍ଟା ଆରମ୍ଭ କରିଥିଲେ। ପରେ ଅଗ୍ନିସମ ବିଭାଗର କର୍ମଚାରୀ ଗ୍ରାମବାସୀଙ୍କ ସହଯୋଗ ରେ ଚାରି ହାତଗୋଡ ବାନ୍ଧି ଏକ ଜେସିବି ମେସିନ ସାହାଯ୍ଯରେ ଜେସିବି ର ବଡ ବକେଟ କୁ ଛାତ ରେ ଲଗାଇ ବଳଦ କୁ ବକେଟ ଉପରେ ଲଦି ତଳକୁ ଅଣା ଯାଇଥିଲା । ତେବେ ଦୁଇ ବଳଦକୁ ଶେଷରେ ସୁରକ୍ଷିତ ତଳକୁ ଆଣିବାରେ ସମର୍ଥ ହୋଇଥିଲେ। ଉଦ୍ଧାର କାର୍ଯ୍ଯରେ ଅଗ୍ନିସମ ବିଭାଗ ରୁ ଏଲଏଫଏମ ପିତବାସ ବଢେଇ, ଡିକେଏଫଏମ ରାଜକୁମାର ସାହୁ , ଏଫଏମ ଧର୍ମେନ୍ଦ୍ର ମହାକୁଡ, ସୁଶାନ୍ତ ସାହୁ, ସୁଦର୍ଶନ ଭୋଇ, ବିଜୟ ସୁନା ପ୍ରମୁଖଙ୍କ ସହ ଗ୍ରାମବାସୀ ପହଲେଶ୍ବର ପୁଟେଲ , ଗନ୍ଧର୍ବ ମହାନନ୍ଦ, ପ୍ରସନ୍ନ ମହାନନ୍ଦ, ଗୋକୁଳ ବଗର୍ତ୍ତୀ, ଗୌରାଙ୍ଗ ମହାନନ୍ଦ, ଘାସିରାମ ମହାନନ୍ଦ, ଗଜବନ ମହାନନ୍ଦ ଉଦ୍ଧାର କାର୍ଯ୍ଯରେ ସାମିଲ ହୋଇ ଦୁଇ ବଳଦର ଜିବନ ବଞ୍ଚାଇବାରେ ସଫଳ ହୋଇଥିଲେ।