28-Jan-2022

ବରଗଡ:-ଆଜିର ଶିଶୁ ଦେଶର ଭବିଷ୍ୟତ ନାଗରିକ ।ତେଣୁ ସେମାନଙ୍କ ଭିତରେ ଲୁଚି ରହିଥିବା ପ୍ରତିଭା କୁ ଉନ୍ମୋଚିତ କରିପାରିଲେ ତାଙ୍କର ଭବିଷ୍ୟତ ଉଜ୍ଜ୍ୱଳ  ହେବ ,ବିକଶିତ ହେବ।ଏହି ମହତ ଉଦ୍ଦେଶ୍ୟ ନେଇ ନିଶିଗନ୍ଧା ସାହିତ୍ୟ ସଂସଦ ପକ୍ଷରୁ ରାଜ୍ୟ ସ୍ତରୀୟ ମେଧା ଅନ୍ଵେଷଣ ପ୍ରତିଯୋଗିତା  କରାଯାଇଛି।ପ୍ରତ୍ୟେକ ଜିଲ୍ଲା  ସ୍ତରରେ ରହିଥିବା କର୍ମକର୍ତ୍ତା ମାନେ ଏହାକୁ ପ୍ରଥମେ ନିଜ ନିଜ ଜିଲ୍ଲାରେ ଆୟୋଜନ କରିଥିଲେ।ଏହି ପରିପ୍ରେକ୍ଷୀରେ ବରଗଡ଼ ଜିଲ୍ଲା ରେ ମଧ୍ୟ ଏହି ପ୍ରତିଯୋଗିତା ମାନ କରାଯାଇଥିଲା।ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ପିଲାମାନେ ଏଥିରେ ଭାଗ ନେଇଥିଲେ।ପ୍ରଥମରୁ ତୃତୀୟ ଶ୍ରେଣୀ ପର୍ଯ୍ୟନ୍ତ  ଉପ କନିଷ୍ଠ ବିଭାଗ ପାଇଁ ଚିତ୍ରାଙ୍କନ,ଚତୁର୍ଥ ଓ ପଞ୍ଚମ ଶ୍ରେଣୀ କନିଷ୍ଠ ବିଭାଗ ୧ ପାଇଁ ପ୍ରବନ୍ଧ ଲିଖନ,ଷଷ୍ଠ ଓ ଶ୍ରେଣୀ କନିଷ୍ଠ ବିଭାଗ ୨ ପାଇଁ ଦେଶାତ୍ମବୋଧକ କବିତା ଆବୃତ୍ତି ଏବଂ  ଅଷ୍ଟମରୁ ଦଶମ ଶ୍ରେଣୀ ପର୍ଯ୍ୟନ୍ତ ବରିଷ୍ଠ ବିଭାଗ ପାଇଁ ବକୃତା ପ୍ରତିଯୋଗିତା   ଆଭାସି ମାଧ୍ୟମରେ କରାଯାଇଥିଲା।ପ୍ରତ୍ୟେକ ବିଭାଗରୁ ପ୍ରଥମ ,ଦ୍ଵିତୀୟ ଓ ତୃତୀୟ ସ୍ଥାନ ରଖିଥିବା କୃତି ଛାତ୍ର ଛାତ୍ରୀଙ୍କୁ ମନୋନୀତ କରାଯାଇଥିଲା।ଏହି ମନୋନୀତ କୃତି ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରିବା ପାଇଁ ଅତାବିରା କଳା ସଂସ୍କୃତି ଭବନ ଠାରେ ସଂସଦ ର ଜିଲ୍ଲା ସଂଯୋଜକ ଶ୍ରୀ ନିତ୍ୟାନନ୍ଦ ପ୍ରଧାନ ଙ୍କ ସଭାପତିତ୍ବରେ ଏକ ପୁରସ୍କାର ବିତରଣୀ ଉତ୍ସବର ଆୟୋଜନ ହୋଇଥିଲା। ଏଥିରେ ଭାରତୀୟ ଷ୍ଟେଟ୍ ବ୍ୟାଙ୍କ ର  ଅବସର ପ୍ରାପ୍ତ ପ୍ରଶାସନିକ ଅଧିକାରୀ  ଶ୍ରୀ କୁମୁଦ ଚନ୍ଦ୍ର ମହାନନ୍ଦ ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ଅଞ୍ଚଳର ବିଶିଷ୍ଟ ସମାଜ ସେବୀ ତଥା ସଂସଦର ଆଜୀବନ ସଦସ୍ୟ  କୃଷ୍ଣ ଚନ୍ଦ୍ର ପ୍ରଧାନ, ଅବସର ପ୍ରାପ୍ତ ପ୍ରଧାନ ଶିକ୍ଷକ ଶିବାଜି ବିଶି ,ଜିଲ୍ଲା  ବିଚାରକ ଧର୍ମରାଜ ପ୍ରଧାନ ସମ୍ମାନିତ ଅତିଥି ରୂପେ  ମଞ୍ଚାସିନ ହୋଇଥିଲେ ।  ନିଶିଗନ୍ଧା ରାଜ୍ୟ ସଂଗଠନ ସମ୍ପାଦିକା ତଥା ଜିଲ୍ଲା ସଭାନେତ୍ରୀ ଅନୁସୂୟା ଦେବତା ସମସ୍ତ କାର୍ଯ୍ୟକ୍ରମ କୁ ପରିଚାଳନା କରିଥିଲେ। କୃତି ପ୍ରତିଯୋଗୀ ମାନଙ୍କୁ  ମଞ୍ଚାସୀନ ଅତିଥି ମାନଙ୍କ ଦ୍ଵାରା ମାନପତ୍ର ସହ ପୁରସ୍କାର ପ୍ରଦାନ କରାଯାଇଥିଲା।ବରଗଡ଼ ଜିଲ୍ଲା ସ୍ତରୀୟ ପ୍ରତିଯୋଗିତାରେ 
ବରିଷ୍ଠ ବିଭାଗର ବକୃତା ପ୍ରତିଯୋଗୀତାରେ  ସିଦ୍ଧି ଗଡତିଆ ପ୍ରଥମ ,  ତ୍ରିବିକ୍ରମ ମେହେର ଦ୍ଵିତୀୟ  ଏବଂ,ବିବେକ ସୁସାରି ଓ ଡାଫୋଡ଼ିଲ ପତି ତୃତୀୟ , ଦେଶାତ୍ମବୋଧକ  କବିତା ଆବୃତ୍ତି ରେ କ୍ରିଷ୍ଣା ପଣ୍ଡା ପ୍ରଥମ,ଅନୁଷ୍କା ଘୋଷାଲ ଦ୍ଵିତୀୟ ଓ ଶ୍ରିଶୋର୍ୟା ଗାର୍ଗୀ ପଣ୍ଡା ତୃତୀୟ ସ୍ଥାନ ଅଧିକାର କରିଥିଲେ । ପ୍ରବନ୍ଧ ରେ  ରସ୍ମିରେଖା ସାହୁ ପ୍ରଥମ,ଅର୍ପିତା ମଲ୍ଲିକ ଦ୍ଵିତୀୟ ଓ  ଥାବିର ସା ତୃତୀୟ ସ୍ଥାନ ଅଧିକାର କରିଥିବା ବେଳେ ଚିର୍ତ୍ରାଙ୍କନ ପ୍ରତିଯୋଗିତାରେ ମାମିନା ଦେବତା ପ୍ରଥମ, ତେଜସମାନ ମେହେର ଦ୍ଵିତୀୟ  ଏବଂ ଶ୍ୱେତା ମେହେର ଓ ଦୀପକ ଭୋଷାଗର ତୃତୀୟ ସ୍ଥାନ ଅଧିକାର କରିଥିଲେ। ଏହି କୃତି ଛାତ୍ର ଛାତ୍ରୀ ଙ୍କ ସଫଳତା ପଛରେ ତାଙ୍କ ଅଭିଭାବକ ଓ ଅଭିଭାବିକା ମାନଙ୍କ ଗୁରୁତ୍ଵ ପୂର୍ଣ୍ଣ ଭୂମିକା ରହିଛି ଓ ଆଗକୁ ମଧ୍ୟ ସେମାନେ ଏମିତି ଶିକ୍ଷା ସହ ପିଲାଙ୍କ ଅନ୍ତର୍ନିହିତ ପ୍ରତିଭାକୁ ବିକଶିତ କରିବାରେ ସାହାଯ୍ୟ କରନ୍ତୁ ବୋଲି ମୁଖ୍ୟ ଅତିଥି କହିଥିଲେ।ଶେଷରେ ଶିବାଜି ବିଶି ଧନ୍ୟବାଦ ଅର୍ପଣ କରିଥିଲେ । ଛାତ୍ର ଛାତ୍ରୀ ଓ ଉପସ୍ଥିତ  ଅଭିଭାବକ ଓ ଅଭିଭାବିକା  ମାନଙ୍କ ପାଇଁ ଜଳଯୋଗ ବ୍ୟବସ୍ଥା ମଧ୍ୟ ରହିଥିଲା।