20-Jan-2022

ସୁବର୍ଣ୍ଣପୁର - କରୋନା କୁ ନଡରି ତାର ମୁକାବିଲା କରନ୍ତୁ। ଟୀକା ନିଅନ୍ତୁ।ସର୍ବଦା ମାସ୍କ ପରିଧାନକରି ସାମାଜିକ ଦୂରତା ରକ୍ଷା କରନ୍ତୁ।ଅଯଥା ଜନଗହଳି କୁ ଯାଆନ୍ତୁ ନାହିଁ ।ଅସୁସ୍ଥତା ଅନୁଭବ କଲେ ଡ଼ାକ୍ତର ଙ୍କପରାମର୍ଶ ନିଅନ୍ତୁ ଏପରି କିଛି ଜନହିତର ବାର୍ତ୍ତା ନେଇ ପ୍ରତିଦିନ ସକାଳ ହେଲେ ସାଇକେଲ କ୍ୟାରିଅରରେ ଖବର କାଗଜ ବଣ୍ଡିଲ ସହ ବାହାରିପଡନ୍ତି ଯୁଧିଷ୍ଠିର ସାହୁ। ସେ ପେଶାରେ ଜଣେ ହକର ଥିବା ବେଳେ  ନିୟମିତ କିଛି ଖବରକାଗଜ ର ଖବରଦାତା ର କାମ ମଧ୍ୟ ତୁଳାଇଥାନ୍ତି।ହେଲେ ସମାଜସେବୀ ଭାବରେ ମଧ ତାଙ୍କର ପରିଚୟ ରହିଛି। ବିଶେଷ କରି କରୋନା ର ପ୍ରଥମ ଦ୍ୱିତୀୟ ଲହର ଓ ଏବେ ତୃତୀୟ ଲହର ରେ ମଧ୍ୟ ସେ ତାଙ୍କର ସଚେତନତା ସେବାରେ ବ୍ରତୀ ରହି ସହରର ବିଭିନ୍ନ ଗଳିକନ୍ଦିବୁଲି ଖବରକାଗଜ ବିତରଣ କରନ୍ତି l ଜନସାଧାରଣ ଙ୍କମଧ୍ୟରେ କରୋନା ସଚେତନତା ସୃଷ୍ଟି କରାଇବା ସହ କାନ୍ଥରେ କରୋନା ସଚେତନତାର ପୋଷ୍ଟର ଛାପିବା ଓ ବିଭିନ୍ନ ବ୍ୟକ୍ତିଙ୍କୁ ମାସ୍କ ବଣ୍ଟନ ତଥା ସାନିଟାଇଜର ଦେଇ କରୋନା ସଚେତନତା କରାଇଥାନ୍ତି  ଯୁଧିଷ୍ଠିର l ତାଙ୍କର ଏପରି ସେବା ମନବୃତ୍ତିକୁ ଲୋକମାନେ ବେଶ ଖୁସିପ୍ରକଟ କରୁଥିବା ବେଳେ  ଗଣମାଧ୍ୟମ , ଜିଲ୍ଲା ପ୍ରଶାସନ ର ଅନେକ ଅଧିକାରୀ ଙ୍କ ସହ ଅନେକ  ସ୍ୱାସ୍ଥ୍ୟ ବିଶେଷଜ୍ଞ   ତାଙ୍କର ଏପରି ମହନୀୟତା କୁ ଖୁବ ପ୍ରଶଂସା କରିଛନ୍ତି l ରାସ୍ତା ଘାଟ ରେ ପ୍ରତ୍ୟହ ଶହ ଶହ ଲୋକ ଙ୍କୁ ହସି ହସି ଖବର କାଗଜ  ଓ  କିଛି ନୁଆଁ ନୁଆଁ ମେଗାଜିନ ବହି ଖଣ୍ଡେ ଖଣ୍ଡେ ଧରାଇ ଦିଅନ୍ତି l ହେଲେ କାହାକୁ ସେ କେବେ ପଇସା କଥା ଡିମାଣ୍ଡ କରନ୍ତି ନି l ଯିଏ ଯାହା ଦେଲା ହସି ହସି ଗ୍ରହଣ କରନ୍ତି l ଓଲଟା ଲୋକଙ୍କୁ ଚା  ପିଅନ୍ତୁ ବୋଲି ଚା ବି ଅଫର କରନ୍ତି l ବୟସ ରେ ଛୋଟ ଗରିବ ଶ୍ରେଣୀର ସେ ହେଲେ ହୃଦୟ ଟା  ପୁରା ଖୋଲା,  ଯୁଧିଷ୍ଠିର ର ଯାହାକି ଆଉ ଏକ ଭଲ ମଣିଷ ର ପରିଚୟ ତାଙ୍କର l