16-Jan-2022

ନୟାଗଡ଼,(ପ୍ରଦୀପ କୁମାର ପଣ୍ଡା): ନୟାଗଡ଼ ଟାଉନଥାନା ଅଞ୍ଚଳରେ ଜୁଆଖେଳକୁ ନେଇ ଜଣେ ଅଟୋ ଚାଳକଙ୍କୁ ବିଭତ୍ସ ହତ୍ୟା କରାଯାଇଥିବା ଅଭିଯୋଗ ହୋଇଛି । ଅଟୋ ଚାଳକ ହେଲେ ଲେଙ୍କୁଡ଼ିପଡ଼ା ଗ୍ରାମର ସରୋଜ କୁମାର ମହାନ୍ତି । ଗତକାଲି ରାତିରେ ସେ ଅଟୋ ନେଇ ଘରକୁ  ଆଉ ଫେରିନଥିଲେ । ଆଜି ସକାଳୁ ରତନପୁର ଗାଁ ନିକଟରେ ଅମୁଲ୍ୟ ବାଇଙ୍କ ନିର୍ମାଣଧିନ ଘର ପାଇଖାନା ଟାଙ୍କିରୁ  ମୃତଦେହ  ଉଦ୍ଧାର କରାଯାଇଛି । ଶରୀରର ବିଭିନ୍ନ ସ୍ଥାନରେ କ୍ଷତ ଏବଂ ଏବଂ ଆଖପାଖରେ ରକ୍ତ ପଡ଼ିଥିବାରୁ ଏହା ଏକ ହତ୍ୟାକାଣ୍ଡ ବୋଲି ପରିବାର ପକ୍ଷରୁ ଅଭିଯୋଗ ହୋଇଛି । ମୃତଦେହକୁ  ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିବା ପୋଲିସ ସୂତ୍ରରୁ ଜଣାପଡିଛି | ଜୁଆଖେଳରୁ ହତ୍ୟାକାଣ୍ଡ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି । ଘଟଣାସ୍ଥଳରେ ଟାଉନଥାନା ଅଧିକାରୀ ପ୍ରଜ୍ଞାପରମିତା ଜେନା ଏବଂ ପୁଲିସ ଟିମ୍ ଘଟଣାର ଛାନଭିନ୍ କରୁଥିବା ଦେଖାଯାଇଛି ।