16-Jan-2022

ବିନିକା(ହିମାଂଶୁ ଶେଖର ପୁଟେଲ) ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଆଦର୍ଶ ଆଚରଣ ବିଧି ଲାଗୁ ହୋଇସାରିଛି । ଏନେଇ ରାଜ୍ୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି । ନିର୍ବାଚନକୁ ନେଇ ବିଭିନ୍ନ ଗ୍ରାମରେ ନିର୍ବାଚନୀ ଉଷ୍ଣତା ବଢିବାରେ ଲାଗିଛି ।ଚୁଡାନ୍ତ ଭୋଟର ତାଲିକା ମଧ୍ୟ ପ୍ରକାଶ ପାଇଛି ।ପୂର୍ବ ନିର୍ବାଚନ ଅପେକ୍ଷା ଏଥର ଭୋଟର ସଂଖ୍ୟା ପ୍ରାୟ ୩ହଜାରରୁ ଅଧିକ ବଡ଼ିଛି ।ମିଳିଥିବା ସୂଚନା ଅନୁସାରେ ବିନିକା ବ୍ଲକର ସର୍ବମୋଟ ୧୬ଗୋଟି ପଞ୍ଚାୟତ ପାଇଁ ୯୧ହଜାର୧୧୮ଜଣ ଭୋଟର ଏଥର ନିଜର ମନପସନ୍ଦ ପ୍ରାର୍ଥୀଙ୍କୁ ବାଛିବେ ।ତେବେ ବ୍ଲକର ସିଙ୍ଗିଯୁବା ପଞ୍ଚାୟତରେ ସବୁଠାରୁ ୮୧୮୮ଜଣ ଭୋଟର ଥିବା ବେଳେ ମେଘେଲା ପଞ୍ଚାୟତରେ ସବୁଠାରୁ କମ ୩୨୪୨ଭୋଟର ଅଛନ୍ତି ।ସେହିପରି କଇଁନ୍ତରା ପଞ୍ଚାୟତରେ ୪୫୩୬,କୁହିବାହାଳ ୩୭୪୭,ଚରଦା ୪୬୬୪,ଜୁଲୁଣ୍ଡା ୫୦୩୫,ବାଊଁଶୁଣି ୩୯୧୭, ବାଙ୍କିଘିରିଡି ୭୮୩୨,ବାବୁପାଳି ୭୩୭୯,ଭଣ୍ଡାର ୭୬୫୪,ମହଦା ୫୮୦୨,ମହାଦେବପାଲି ୬୫୩୮,ଶଙ୍କରା ୪୭୨୪,ସିନ୍ଦୁରପୁର ୮୧୦୬,ସିଲାଟି ୪୬୯୭,ସେଲେଡି ୫୦୫୭ ଭୋଟର ମତଦାନ କରିବେ ବୋଲି ଜଣାପଡିଛି ।