12-Jan-2022

ଢେଙ୍କାନାଳ (ତାପସ ଦାସ) // ଢେଙ୍କାନାଳ ଜିଲ୍ଲା ଶଢଙ୍ଗୀ ବନଖଣ୍ଡ ଅଧିନସ୍ଥ ରତନପୁର ଗ୍ରାମପଞ୍ଚାୟତ ଅନ୍ତର୍ଗତ  ଚଣ୍ଡିଆ ଗ୍ରାମର ଏକ ପରିତ୍ୟକ୍ତ କୂଅ ମଧ୍ୟରେ ଏକ ଜଙ୍ଗଲୀ ବାରର୍ହା ଆଜି ସକାଳୁ ପଡି ଯାଇଥିଲା lଏହାର ଓଜ଼ନ ପ୍ରାୟ ଏକ କ୍ୱିଣ୍ଟାଲ ରୁ ଅଧିକ ହେବ l  

ଏ ବିଷୟରେ  ସଂଗେ ସଂଗେ ଶଢଙ୍ଗୀ ବନଖଣ୍ଡ ଅଧିକାରୀଙ୍କୁ ଜଣାଇ ଦିଆଯାଇଥିଲା l ବନ ବିଭାଗ ଆସିବା ପୂର୍ବରୁ ଗ୍ରାମର ଯୁବ ସଂଗଠନ ବାରର୍ହା ଟିକୁ ବଞ୍ଚେଇ ରଖିବା ପାଇଁ କଦଳୀ ଗଛ କୂଅ ମଧ୍ୟରେ ପକାଇ ଥିଲେ lଯଦ୍ୱାରା ବାରର୍ହାଟି ଗଛ ଉପରେ ବସି ଭାସି ଥିଲା l ପ୍ରାୟ ତିନି,ଚାରି ଘଣ୍ଟା ବିଳମ୍ବରେ ଖଙ୍କିରା ଫରେଷ୍ଟ ବିଟ ରୁ ଫରେଷ୍ଟ ଗାର୍ଡ ଦୁଷ୍ମନ୍ତ ସିଂ ଙ୍କ

ତତ୍ବାବଧାନରେ  ଜଙ୍ଗଲ ବିଭାଗ କର୍ମଚାରୀ ଓ ଗ୍ରାମବାସୀଙ୍କ ସହଯୋଗରେ ଜଙ୍ଗଲୀ ବାରର୍ହା ଟିକୁ ସୁରକ୍ଷିତ ଭାବେ ଉଦ୍ଧାର କରାଯାଇ ନିଶ୍ଚନ୍ତା ସଂରକ୍ଷିତ ଜଙ୍ଗଲରେ ଛଡା ଯାଇଥିଲା l ଏହି ଉଦ୍ଧାର କାର୍ଯ୍ୟରେ ୟୁନାଇଟେଡ଼ ଫ୍ରେଣ୍ଡଷ୍ କ୍ଲବ ର ସଦସ୍ୟ ମାନେ ସହଯୋଗ କରିଥିଲେ l ସୂଚନା ଅନୁଯାୟୀ ରତନପୁର  ପଂଚାୟତ ଟି ନିସ୍ଚନ୍ତା ସଂରକ୍ଷିତ ଜଙ୍ଗଲ କୁ ଲାଗି ରହିଥିବାରୁ ଜଙ୍ଗଲୀ ଜନ୍ତୁ ମାନେ  ଅବାଧରେ ପ୍ରବେଶ କରି ଗ୍ରାମରେ ଅନେକ କ୍ଷତି ଘଟାଇ ଥାନ୍ତି l ଜଙ୍ଗଲର ଚତୁଃପାର୍ଶ୍ୱରେ ଟ୍ରେଞ୍ଚ କରା ଯିବାପାଇଁ ବାରମ୍ବାର ଦାବି ସତ୍ତ୍ୱେ ଜଙ୍ଗଲ ବିଭାଗ ପଦକ୍ଷେପ ନ ନେବା ଗ୍ରାମବାସୀଙ୍କ ପାଇଁ ଚିନ୍ତାର କାରଣ ହୋଇଛି l