10-Jan-2022

ସୁବର୍ଣ୍ଣପୁର- କୋଭିଡ ସଂକ୍ରମଣ ଆରମ୍ଭ ରୁ ଏହାକୁ ରୋକିବା,  ପ୍ରଥମେ ଆଗ ଧାଡିର ଯୋଦ୍ଧା ମାନଙ୍କୁ ସୁରକ୍ଷିତ ରଖିବା  ଓ ଏହା ର ସୁ -ପରିଚାଳନା ପାଈଁ  ରାଜ୍ୟ ସରକାର ରାଜ୍ୟ  ଓ ଜ଼ିଲ୍ଲା ସ୍ତରରେ ସମୀକ୍ଷା ଉପରେ ସମୀକ୍ଷା କରୁଛି l  ହଜାର ହଜାର କୋଟି ଖର୍ଚ୍ଚ ବି କରୁଛି l ହେଲେ  କେଉଁଠି ବେଡ଼ ଅଭାବ ତ କେଉଁଠି ଡାକ୍ତର, କେଉଁଠି ୭୨ ଘଣ୍ଟା ପରେ ଆସୁଛି  'ଆର ଟି ପି ସି ଆର" ରିପୋର୍ଟ ତ  କେଉଁଠି  ଅଚଳ ଓ ଅଭାବ  ଅକ୍ସିମିଟର l ପରିଚାଳନା ଗତ ତ୍ରୁଟି  ହେଉ କି  ବିଭାଗୀୟ କର୍ତ୍ତୃପକ୍ଷଙ୍କ  ଅପାରଗତା, ଏମିତି ଏକ ଉଦାହରଣ ଦେଖିବାକୁ ମିଳିଛି ଗତକାଲି  ରବିବାର ଦିବା ୩ ଘଣ୍ଟା ବେଳେ l  ସମ୍ବଲପୁର  ବିକାଶ  ଓ  ଜି ଏମ କଲେଜ ରୁ  ହଷ୍ଟେଲ ଛାଡି ସୋନପୁର ଆସିବା ପରେ  ନିଜ ପୁଅ ଝିଅ ଙ୍କୁ ପ୍ରଥମେ  ସୁବର୍ଣ୍ଣପୁର ମେଡିକାଲ ରେ  ଉଭୟ ଙ୍କୁ କୋଭିଡ ଟେଷ୍ଟ କରାଇଵାକୁ  ଓ  ଅଧିକ ଅସୁସ୍ଥତା ଅନୁଭବ ଯୋଗୁଁ ପୁଅ ସୁମିତ ର ଅକ୍ସିଜେନ ଲେବେଲ  ମାପିବା ପାଈଁ ଡିଉଟି ରେ ଥିବା ଡାକ୍ତର ମେଡମଙ୍କୁ  ସହରର ବରିଷ୍ଠ ସାମ୍ବାଦିକ ମନୋରଞ୍ଜନ ତ୍ରିପାଠୀ ଅନୁରୋଧ କରିଥିଲେ l ହେଲେ  ଆଉଟଡୋର ର ଅକ୍ସିମିଟର  ଟି  କାମ କରୁନି  ବୋଲି ଅସହାୟତା ପ୍ରକାଶ କରି ଆପଣ ମାନେ ହେଲ୍ପ ଡେ଼କ୍ସ ର ସହାୟତା ନେଇପାରିବେ କହିଥିଲେ ଓ  ଫ୍ଲୁ କୋନର  ରେ  ଅକ୍ସିଜେନ ମାପିବା ମଧ୍ୟ ସୁବିଧା ରହିଛି ବୋଲି ଡାକ୍ତର ମେମ ପ୍ରେସକାଇବ କଲେ  l ଏ ସମୟରେ  ଉପସ୍ଥିତ ଥିବା ଆଉ ଜଣେ ଯୁବ ସାମ୍ବାଦିକ ସୁଶାନ୍ତ ସାହୁ ମଧ୍ୟ ଏ କଥା ଶୁଣି ଆଶ୍ଚର୍ଯ୍ୟ ହୋଇଥିଲେ l ରବିବାର ଛୁଟି ରେ ଥିବାରୁ ସି ଡିଏମ ଓ  ଙ୍କୁ  ହଠାତ  ଯୋଗାଯୋଗ ହୋଇ ପାରିନଥିଲା ଏ ଅଭିଯୋଗ ପାଈଁ, ହେଲେ  ସୋମବାର  ଦିବା୧୧.୪୦ ରେ ମୁଖ୍ୟ ହସ୍ପିଟାଲ ମ୍ୟାନେଜରଙ୍କୁ ଏ ବିଷୟରେ ଅଭିଯୋଗ କଲା ପରେ ଅକ୍ସିମିଟର ସବୁ ଆମକୁ ସପ୍ଲାଇ ହୁଏ ତଥାପି କଣ ହୋଇଛି ସେ କଥା ସାର ମୁଁ ଆଜି ସମାଧାନ କରୁଛି କହିଲେ l କିନ୍ତୁ ସୋମବାର ଦିନ ବି ଦିବା ୧୧.୩୦ ରେ ସାମ୍ୱାଦିକ ଶ୍ରୀ ତ୍ରିପାଠୀ ଓ ମହାଦେବ ମଲ୍ଲିକ ଆଉଟଡୋର ପହଂଚି ଡିଉଟି ରେ ଥିବା ଡାକ୍ତର ମାନଙ୍କୁ  ପଚାରିଥିଲେ ଯେ, ସାର ଅକ୍ସିମିଟର ଏବେ କାମ କରୁଛି ତ  ? ସେମାନେ କହିଲେ କାଲି ତ ଆପଣ ଦେଖିଥିଲେ  ଆଜି ସେ ଅଚଳ ଅକ୍ସିମିଟର ବି ଟେବୁଲ ରେ ନାହିଁ l ଦିବା ୪ ଘଣ୍ଟା ବେଳେ ଏ ଘାଟଣା କୁ ଫୋଲୋଅପ କରି ବରିଷ୍ଠ ସାମ୍ବାଦିକ ଦିଲ୍ଲୀପ ପାତ୍ର ମ୍ୟାନେଜର ଙ୍କୁ ପଚାରିଵା ରୁ ସେ କହିଲେ ସାର ଏମିତି ଅଭିଯୋଗ ଆସିଛି ଆଜି,  ହେଲେ ଅକ୍ସିମିଟର ତ ଚାଲୁଛି କାଲି କେମିତି କହିଲେ ଡାକ୍ତର ତାହା ଚାଲୁନି ବୋଲି କହି ଘଟଣା ଟି କୁ ହଲକା ଭାବେ ନେଇ ଡାକ୍ତର ଙ୍କ ଆଡେ ଦୋଷ ଲଦି ଦେଇ ଥିଲେ l  ଗତ ୩୦ ତାରିଖରେ  ସେମ୍ପୁଲ ନେଇ  ୨ ତାରିଖରେ ବଡ଼ ହଇରାଣ ହେବା ପରେ ୭୨ ଘଣ୍ଟା ପରେ  ଅନେକ କଲେଜ ଛାତ୍ରଛାତ୍ରୀଙ୍କୁ କୋଭିଡ rtpcr ରିପୋର୍ଟ ଦେବl, ରୋଗୀ ସୁରକ୍ଷା, ସାନିଟେସନ  ଅବ୍ୟବସ୍ଥା ଭଳି ଏମିତି   ଆହୁରି  ଅନେକ ଅଭିଯୋଗ ର ପ୍ରମାଣ ଭରି ରହିଛି  l ଏଠି ପ୍ରଶ୍ନ ଉଠେ ଯେ ଯଦି ଏମାନେ ସହର ର ଶିକ୍ଷିତ ସମାଜ  ଓ ମିଡ଼ିଆ ଵାଲାଙ୍କୁ ଏଭଳି ସ୍ୱାସ୍ଥ୍ୟ ସେବାରେ ଅବହେଳା କରିବେ ତାହେଲେ ଗ୍ରାମାଞ୍ଚଳର ସାଧାରଣ ଓ ନିରୀହ ଲୋକଙ୍କୁ କିଭଳି ସେବା ଦେଉଥିବେ l ଜ଼ିଲ୍ଲାପାଳ ତୁରନ୍ତ ଏଭଳି ସମ୍ବେଦନଶୀଳ ଘଟଣା ପ୍ରତି ଦୃଷ୍ଟି ଦେଇ କୋଭିଡ ର ମିସମେନେଜମେଣ୍ଟ ସବୁକୁ ସୁଧାରିବାକୁ ଓ କଡା  ପଦକ୍ଷେପ  ନେବାକୁ ଜ଼ିଲ୍ଲାର ଗଣମାଧ୍ୟମ ଓ ବୁଦ୍ଧିଜୀବୀ ଦାବୀ କରିଛନ୍ତି l