09-Jan-2022

ବଲାଙ୍ଗିର,- ନାରୀ ନିର୍ଯ୍ୟାତନା, ହିଂସା, ଅଶ୍ଲୀଳତା, ନଗ୍ନତା, ଅପରାଧ ଓ ମଦ ମାଦକ ଦ୍ରବ୍ୟର ପ୍ରଚାର ପ୍ରସାର ବିରୁଦ୍ଧରେ ଏଆଇଡିଏସ୍‌ଓ, ଏଆଇଡିୱାଇଓ, ଏଆଇଏମ୍‌ଏସ୍‌ଏସ୍ ବଲାଙ୍ଗିର ଶାଖା ପକ୍ଷରୁ ବଲାଙ୍ଗିର ସହର ସ୍ଥିତ ଯାଦବ ଭବନରେ ଅନୁଷ୍ଠିତ ହୋଇଯାଇଛି । ଏହି ଏନ୍‌ଭେନ୍‌ସନରେ ମୁଖ୍ୟବକ୍ତା ଭାବେ ଏଆଇଡିଏସ୍ ଓ ସର୍ବ ଭାରତୀୟ ଉପସଭାପତି ଅଶୋକ ମିଶ୍ର, ମୁଖ୍ୟ ଅତିଥି ଭାବେ ଏଆଇଏମ୍‌ଏସ୍‌ଏସ୍ ରାଜ୍ୟ ସଂପାଦକ ମଣ୍ଡଳୀ ସଦସ୍ୟା ମନ୍ଦୋଦରୀ ରାଉଳଙ୍କ ସହ ଏଆଇଏମ୍‌ଏସ୍‌ଏସ୍ ବଲାଙ୍ଗିର ଆବାହିକା ସୀମା ପ୍ରଧାନ, ଏଆଇଡିୱାଇଓ ଜିଲ୍ଲା ସଂପାଦକ ତାମସ ବେହେରା ମଞ୍ଚାସିନ ହୋଇଥିଲେ । ଏଆଇଡିଏସ୍‌ଓ ବଲାଙ୍ଗିର ଜିଲ୍ଲା ସଭାପତି ରାଜେନ୍ଦ୍ର ରଣା ଏହି କନ୍‌ଭେନସନ ସଭାପତିତ୍ୱ କରିଥିଲେ । ମହିଳା - ଛାତ୍ରୀଙ୍କ ସୁରକ୍ଷା କୁ ସୁନିଶ୍ଚିତ କରିବା ପାଇଁ ବଲାଙ୍ଗିର ଜିଲ୍ଲାରେ ବଢିଚାଲିଥିବା ନିଶା କାରବାର ତଥା ଅଶ୍ଲିଳତା, ନଗ୍ନତା, ହିଂସା ଓ ମଦ ମାଦକ ଦ୍ରବ୍ୟ ପ୍ରଚାର ପ୍ରସାର ବିରୁଦ୍ଧରେ ଶକ୍ତିଶାଳି  ଗଣ ଆନ୍ଦୋଳନ ଗଢି ତୋଳିବା ପାଇଁ ମୁଖ୍ୟବକ୍ତା  ଶ୍ରୀ ମିଶ୍ର ଉପସ୍ଥିତ ଜନଗଣଙ୍କୁ ଆହ୍ୱାନ ଦେଇଥିଲେ । ସରକାର ଏବଂ ପ୍ରଶାସନ ଅପରାଧିମାନଙ୍କୁ ଘଣ୍ଟ ଘୋଡାଉଛନ୍ତି ଏବଂ ଘଟିଚାଲିଥିବା ଅପରାଧର ନିରବ ଦ୍ରଷ୍ଟା ସାଜି ଥିବାରୁ ଏଭଳିି ଘଟଣା ବାରମ୍ବାର ଘଟି ଚାଲିଛି ବୋଲି ମୁଖ୍ୟ ଅତିଥି ରାଉଳ ବକ୍ତବ୍ୟ ରଖିଛନ୍ତି । ଏଆଇଡିଏସ୍‌ଓ ବଲାଙ୍ଗିର ଜିଲ୍ଲା ସଂପାଦକ ମଧୁ ସୁଦନ ବାଗ, ଏଆଇଏମ୍‌ଏସ୍‌ଏସ୍ ଆବାହିକା ସୀମା ପ୍ରଧାନ ଏବଂ ଏଆଇଡିୱାଇଓ ଜିଲ୍ଲା ସଂପାଦକ ତାମସ ବେହେରାଙ୍କ ନେତୃତ୍ୱରେ ଏହି କନ୍‌ଭେନସନ ଅନୁଷ୍ଠିତ ହୋଇଥିବା ବେଳେ ଏଥିରେ ଜିଲ୍ଲାର ବିଭିନ୍ନ ଅଂଚଳରୁ ବହୁ ବୁଦ୍ଧିଜିବୀ, ଛାତ୍ର, ଯୁବକ ଏବଂ ମହିଳା ଯୋଗ ଦେଇଥିଲେ ।