08-Jan-2022

ବଲାଙ୍ଗିର(ସନ୍ତୋଷ କୁମାର ଠାକୁର) ଓଡିଶା ରାଜ୍ୟରେ ଆସନ୍ତା ଫେବୃଆରୀ ରେ ହେବାକୁ ଥିବା ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ ଆଦିବାସୀ ମାନଙ୍କ ପାଇଁ ସରପଞ୍ଚ ପଦବୀ ଏବଂ ପଞ୍ଚାୟତ ସମିତି ଅଧ୍ୟକ୍ଷ ପଦବୀରେ ସଂରକ୍ଷଣ ବ୍ୟବସ୍ଥାକୁ ସରକାର ଉଛେଦ କରିଦେଇଛନ୍ତି lରାଜ୍ୟ ସରକାରଙ୍କ ଅସାମ୍ବିଧାନିକ କାର୍ଯ୍ୟ ପ୍ରତିବାଦରେ ଜ଼ିଲ୍ଲା ଆଦିବାସୀ କଲ୍ୟାଣ ସଂଘ  ପ୍ରତିଦିନ ଆନ୍ଦୋଳନ କରୁଛି l ଚିଠା ସଂରକ୍ଷଣ ବିଜ୍ଞପ୍ତି ବିରୁଦ୍ଧରେ ଆଦିବାସୀ ମାନଙ୍କ ଆପତ୍ତି ଅଭିଯୋଗ ଗୁଡିକୁ ସରକାର ବିଚାର ନ କରି ସାମ୍ବିଧାନିକ ସଙ୍କଟ ସୃଷ୍ଟି କରିଥିବାରୁ ଆଦିବାସୀ ସଂଘ ହାଇକୋର୍ଟ ରେ ମାମଲା ଦାୟର କରିଛି

   ସୂଚନାଯୋଗ୍ୟ ଯେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ 2022 ସକାଶେ ଓଡିଶା ସରକାରଙ୍କ ପଞ୍ଚାୟତ ରାଜ ଏବଂ ପାନୀୟ ଜଳ ବିଭାଗ,ଓଡିଶା ଗ୍ରାମ ପଞ୍ଚାୟତ ଆଇନ 1964 ଏବଂ ଓଡିଶା ପଞ୍ଚାୟତ ସମିତି ଆଇନ 1959 ଅନୁସାରେ ତା 4.10.21 ରେ ତାଙ୍କ ଚିଠା ସଂରକ୍ଷଣ ତାଲିକାରେ ଆଦିବାସୀ ତଥା ଅନୁସୂଚିତ ଜନଜାତି ମାନଙ୍କ ପାଇଁ,ଆଦିବାସୀ ଜନସଂଖ୍ୟା ଶତକଡା ଅନୁପାତ ରେ  ଓଡିଶା ର 23 ଟି ଜ଼ିଲ୍ଲା,195 ଟି ବ୍ଲକ ଏବଂ 6794 ଗ୍ରାମପଞ୍ଚାୟତ ପାଇଁ ସମିତି ସଭ୍ୟ,ସରପଞ୍ଚ,ବ୍ଲକ ଚେୟାରମ୍ୟାନ,ଜ଼ିଲ୍ଲା ପରିଷଦ ସଭ୍ୟ,ଜ଼ିଲ୍ଲା ପରିଷଦ ଅଧକ୍ଷ ପଦବୀରେ ସଂରକ୍ଷଣ ତାଲିକା ବିଜ୍ଞପ୍ତି ସର୍ବସାଧାରଣ ଙ୍କ ଅବଗତି ପାଇଁ ପ୍ରକାଶନ କରିଥିଲେ. ବ୍ଲକ ୱାରୀ ଆଦିବାସୀ ଜନସଂଖ୍ୟା ଆଧାରରେ ସରପଞ୍ଚ,ସମିତି ସଭ୍ୟ ପଦବୀରେ ସଂରକ୍ଷଣ କରାଯାଇଥିବା ବେଲେ ଜ଼ିଲ୍ଲା ୱାରୀ ଆଦିବାସୀ ଜନସଂଖ୍ୟା ଅନୁପାତ ରେ ଜ଼ିଲ୍ଲା ପରିଷଦ ସଭ୍ୟ ଏବଂ ବ୍ଲକ ଅଧକ୍ଷ ପଦବୀରେ ସଂରକ୍ଷଣ ଥିଲା.ବଲାଙ୍ଗିର ଜ଼ିଲ୍ଲା ର 317 ଟି ଗ୍ରାମ ପଞ୍ଚାୟତ ମଧ୍ୟରୁ 72 ଟି ସରପଞ୍ଚ ଏବଂ ସମିତି ସଭ୍ୟ ପଦବୀ ଅନୁସୂଚିତ ଜନଜାତି ପାଇଁ ସଂରକ୍ଷିତ ଥିବା ବେଲେ 14 ଟି ବ୍ଲକ ରୁ 3 ଟି ବ୍ଲକ ଅଧ୍ୟକ୍ଷ ପଦବୀ ଆଦିବାସୀ ଙ୍କ ପାଇଁ ସଂରକ୍ଷିତ ଥିଲା.କିନ୍ତୁ ଓଡିଶା ସରକାର ଙ୍କ ସେହି ପଂଚାୟତରାଜ ବିଭାଗ ଦ୍ୱାରା ତା 24.12.21ରେ ଜାରିହୋଇଥିବା ଵିଜ୍ଞାପନ ରେ ଆଦିବାସୀ ପାଇଁ ସଂରକ୍ଷିତ ସରପଞ୍ଚ ଏବଂ ବ୍ଲକ ଅଧ୍ୟକ୍ଷ କୋଟା ସମ୍ପୂର୍ଣ ଉଛେଦ କରାଯାଇଥିଲା.ସେହିପରି ବଲାଙ୍ଗିର ଜ଼ିଲ୍ଲାପାଳ ଦ୍ୱାରା ତା 27.12.2021 ର ଚିଠା ସଂରକ୍ଷଣ ତାଲିକାରେ ଆଦିବାସୀ କୋଟା ସମ୍ପୂର୍ଣ ଉଛେଦ କରାଯାଇଥିଲା. ଭାରତୀୟ ସମ୍ବିଧାନ ର ଧାରା 243 ଡି ଉପଧାରା 1 ରୁ 5 ରେ ଗ୍ରାମ ପଞ୍ଚାୟତ,ବ୍ଲକ,ଜ଼ିଲ୍ଲା ପରିଷଦ ର ସରପଞ୍ଚ,ସଭ୍ୟ,ବ୍ଲକ ଅଧ୍ୟକ୍ଷ ପାଇଁ ସଂରକ୍ଷଣ ଆଇନ ରହିଛି,ସେହିପରି ଓଡିଶା ଗ୍ରାମ ପଞ୍ଚାୟତ ଆଇନ,ଓଡିଶା ପଞ୍ଚାୟତ ସମିତି ଆଇନ ରେ ଆଦିବାସୀ ମାନଙ୍କ ପାଇଁ ରାଜନୈତିକ ପଦ ରେ ସଂରକ୍ଷଣ  ନିୟମ କାନୁନ ବଳବତ୍ତର ରହିଛି,କିନ୍ତୁ ଵିଧି ଦ୍ୱାରା ପାରିତ ସମସ୍ତ ଆଇନ କାନୁନ ନିତୀ ନିୟମ ଗୁଡିକୁ ସରକାର ଉଲଂଘନ କରି ଆଦିବାସୀ କୋଟା କାଟି ଦେବା ଘଟଣା କୁ ବରଦାସ୍ତ ନ କରି ଆନ୍ଦୋଳନ ଚଳାଇବା ସହିତ ସମ୍ବିଧାନ ବିରୋଧୀ କାର୍ଯ୍ୟକଳାପ ବିରୁଦ୍ଧରେ ଆଦିବାସୀ ସଂଘ ତରଫରୁ ଓଡିଶା ହାଇକୋର୍ଟ ରେ ମାମଲା ଦାୟର କରାଯାଇଛି.ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ତରଫରୁ  ଆଇନଜୀବୀ ସରୋଜ କୁମାର ପାଢ଼ୀ, ଅର୍ଜୁନ ଚରଣ ବେହେରା ମାମଲା ପରିଚାଳନା କରୁଛନ୍ତି l