06-Jan-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଳକ ଅନ୍ତର୍ଗତ ସିଲାଟି ପଞ୍ଚାୟତ ନନ୍ଦନମାଳ ମୌଜାରେ ଥିବା ୬୧ଏକର ପରିଧି ବିଶିଷ୍ଟ ଗୁଣସାଗର କଟାକୁ ଏକ ଜଳସଂରକ୍ଷଣ ପ୍ରକଳ୍ପରେ ପରିଣତ କରାଯିବା ସଙ୍ଗେ ସଙ୍ଗେ ଚୌକିନାଲାକୁ ଚିରସ୍ରୋତା କରିବା ନେଇ ଆଜି ବିନିକା ଶ୍ରୀଗଣେଶ ଆଞ୍ଚଳିକ କୃଷକ ସଙ୍ଗଠନ ପକ୍ଷରୁ ସ୍ଥାନୀୟ ତହସିଲଦାରଙ୍କ ଜରିଆରେ ସୁବର୍ଣ୍ଣପୁର ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି ।ସୂଚନା ଯୋଗ୍ୟଯେ,ଗୁଣସାଗର କଟାରୁ ସେଲେଡି ମହାନଦୀ ମୁହାଣ ପର୍ଯ୍ୟନ୍ତ ପ୍ରାୟ ୧୦ରୁ୧୫ କିମି ଦଘ୍ୟୈ ବିଶିଷ୍ଟ ଚୌକିନାଳ ର ଅବବାହିକାରେ ଅବସ୍ଥିତ ଶିଲାଟି,ଚରଦା,ଗୁଳୁଣ୍ଡା,ପିତେଇପାଲି,ଗଜବନ୍ଧ,ଜବଦା,ନୂଆଁପାଲି,ଫୁଲମୁଠି,ଉଲ୍ଲେ,କଇରାପାଲି,ଭମରପାଲି,ଜାମଛାପର,ସେଲେଡି ଆଦି ଗ୍ରାମ ଗୁଡ଼ିକର ଲୋଖଙ୍କ ଦୈନଦିନ ଜୀବନର ଆବଶ୍ୟକତା ପୂରଣ କରି ଆସୁଛି l ଏହି ନାଳ ଉପରେ ପ୍ରାୟ ୨୫୦୦ହେକ୍ଟର ଚାଷଜମି,୧୯୩ଗୋଟି ସେଚ ପଏଣ୍ଟ ଓ ୪ଗୋଟି ପାନୀୟ ଜଳପ୍ରକଳ୍ପ ଚାଲୁଥିବାରୁ ଏହି ପାଣିରେ କୃଷି କାର୍ଯ୍ୟ ସହିତ ବିଭିନ୍ନ ଗ୍ରାମର ପାନୀୟ ସମସ୍ୟାକୁ ଦୂରୀଭୂତ କରି ଆସୁଛି l କିଛିବର୍ଷ ହେଲା ଯାହାକି ମାର୍ଚ୍ଚ ମାସ ୨୫ ପରେ ଜଳଉତ୍ସ କମି ଯିବା ଫଳରେ ବିଶେଷ କରି ଚାଷ ଓ ଅନ୍ୟାନ୍ୟ କ୍ଷେତ୍ରରେ ପାଣିର ସଙ୍କଟ ସୃଷ୍ଟି କରିଥାଏ।ଅନ୍ୟପକ୍ଷରେ ବର୍ଷାରିତୁରେ ବନ୍ୟା ପରିସ୍ଥିତି ସୃଷ୍ଟି ହୋଇ ଜଳ ଅପଚୟ ହେଉଥିବା ବେଳେ ଡାଲୁଆ ଧାନ ଗର୍ଭଣା ସମୟରେ ଉକ୍ତ ନାଳରେ ପାଣି ଅଭାବ ଯୋଗୁଁ ଧାନ ଗଛ ବଞ୍ଚିଇବାରେ ମରୁଡି ପରିସ୍ଥିତି ସୃଷ୍ଟି କରେ ।ତେଣୁ ପୂର୍ଣ୍ଣକାଳୀନ ପ୍ରକଳ୍ପ ଯୋଜନା ଦୀର୍ଘ କାଳୀନ ହେଉଥିବାରୁ ବିଗତ ବର୍ଷରେ ହୋଇଥିବା କ୍ଷତିକୁ ଏଡାଉଇବା ପାଇଁ ମାଟି ବନ୍ଧ ନିର୍ମାଣ କରାଗଲେ ଚାଷୀକୁଳ ଓ ଜନସାଧାରଣ  ଉପକୃତ ହୋଇପାରନ୍ତି ।ସେହିପରି ଏହି ନାଲାରେ ଥିବା କେତୋଟି ଚ୍ୟାକଡେମ କିଛି ମାତ୍ରାରେ କାମରେ ଆସୁଥିବା ବେଳେ  ୩ ଶହରୁ ୪ସହ ମିଟର ବ୍ୟବଧାନରେ ଚେକଡେମ ନିର୍ମାଣ କରାଗଲେ ପଶୁ ପକ୍ଷୀଙ୍କ ଠୁ ଆରମ୍ଭ କରି ଚାଷୀକୁଳ ଉପକୃତ ହେବେ । ତେଣୁ ଏହି ଗୁଣସାଗର କଟା ରେ ଜଳ ସରଂକ୍ଷନ ପ୍ରକଳ୍ପ ନିର୍ମାଣ ସହ ଚୌକି ନାଲା କୁ ଚିର ଶ୍ରୋତା କରିବା ଦବିନେଇ ସଂଘର ସଭାପତି ଅଜିତ କୁମାର ପଣ୍ଡା, ସମ୍ପାଦକ ଆଶିଷ କୁମାର ମଲ୍ଲିକ ଙ୍କ ନେତୃତ୍ୱରେ ଚାଷୀମାନେ ବିନିକା ତହସିଲ କାର୍ଯ୍ୟକୁ ଆସି ତହସିଲଦାରଙ୍କ ଜରିଆରେ ସୁବର୍ଣ୍ଣପୁର ଜିଲ୍ଲା ପାଲଙ୍କୁ ଦାବିପତ୍ର ପ୍ରଦାନ କରିଥିଲେ ।