06-Jan-2022

ଲୋଇସିଂହା,  ଲୋଇସିଂହା ବ୍ଲକ ଝାରମୁଣ୍ଡା ପଂଚାୟତ ଠାରେ ନେହେରୁ ଯୁବକେନ୍ଦ୍ର ବଲାଙ୍ଗୀର ଓ ଏଥଲେଟିକ ଏସୋସିଏସନ ଝାରମୁଣ୍ଡା ଆନୁକୂଲ୍ୟରେ ଝାରମୁଣ୍ଡା ମିନି ଷ୍ଟାଡିୟମ ଠାରେ ଜିଲ୍ଲା ଯୁବ ସମ୍ମିଳନୀ ଅନୁଷ୍ଠିତ  ହୋଇଯାଇଛି l ନେହେରୁ ଯୁବକେନ୍ଦ୍ର ଜିଲା ସଂଯୋଜକ ଏ.ଭି.ନରସିଂହା କୁମାରଙ୍କ ସଭାପତିତ୍ୱରେ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବଲାଙ୍ଗୀର ସାଂସଦ ସଂଗୀତା କୁମାରୀ ସିଂଦେଓ ଯୋଗ ଦେଇଥିଲେ l ମୁଖ୍ୟବକ୍ତା ଭାବେ କୁଶଙ୍ଗ ଆଞ୍ଚଳିକ ଡିଗ୍ରୀ ମହାବିଦ୍ୟାଳୟର ଓଡ଼ିଆ ଅଧ୍ୟାପକ ଲକ୍ଷ୍ମଣ ମେହେର ଏବଂ ସମ୍ମାନିତ ଅତିଥି ଭାବେ ନେହେରୁ ଯୁବକେନ୍ଦ୍ର ଲେଖାପାଳ ବିପିନବିହାରୀ ଜେନା ଯୋଗଦାନ ଦେଇଥିଲେ l ଉକ୍ତ ଅବସରରେ ବିଭିନ୍ନ 

ଅନୁଷ୍ଠାନକୁ ଖେଳ ଉପକରଣ ବଣ୍ଟନ କାର୍ଯ୍ୟକ୍ରମ ହୋଇଥିଲା l ଏଥଲେଟିକ ଏସୋସିଏସନର ସଭାପତି ଶ୍ୟାମସୁନ୍ଦର ମେହେର କାର୍ଯ୍ୟକ୍ରମକୁ  ସଂଯୋଜନା କରିଥିବା ବେଳେ ସମ୍ପାଦକ ସଚ୍ଚିଦାନନ୍ଦ ସାହୁ ଧନ୍ୟବାଦ ଅର୍ପଣ କରିଥିଲେ l ବିନୋଦ ଧରୁଆ, ମନୋଜ ଧରୁଆ, ଗୌର କୁମ୍ଭାର, ଆନନ୍ଦ ଧରୁଆ, କାଳିଚରଣ ବଗର୍ତ୍ତି, କାର୍ତ୍ତିକ କର୍ତ୍ତି ପ୍ରମୁଖ ଯୁବ ସମ୍ମିଳନୀରେ ସହଯୋଗ କରିଥିଲେ ।