10-Nov-2020

ବଲାଙ୍ଗୀର/ଟିଟିଲାଗଡ଼(ପ୍ରେରଣା ଖବର) - ତାଲିକା ଭୁକ୍ତ ଥିବା ସତ୍ୱେ  ହିତାଧିକାରୀ ଙ୍କୁ ଉକ୍ତ  କାର୍ଡ଼ ପାଇବାରୁ ବଞ୍ଚିତ ହୋଇ ଦୁର୍ଦଶା ର ଶିକାର ହେଉଛନ୍ତି। ସୂଚନାଯୋଗ୍ୟ ଯେ,ଅସହାୟ, ଭିନ୍ନକ୍ଷମ, ଏଚ ଆଇ ଭି/ଏଡ୍ସ ଆକ୍ରାନ୍ତ,ଅତ୍ୟନ୍ତ ଗରିବଶ୍ରେଣୀୟ ଲୋକମାନଙ୍କ ନିମନ୍ତେ ସ୍ୱତନ୍ତ୍ର ଯୋଜନା ପ୍ରଣୟନ କରିଛନ୍ତି। ପୂର୍ବରୁ ଉକ୍ତ ହିତାଧିକାରୀ ଙ୍କୁ ପ୍ରଦାନ କରାଯାଇ ଥିବା କାର୍ଡ ବନ୍ଦ କରି ଦିଆଗଲା। ଯଦ୍ବାରା ଅନେକ ହିତାଧିକାରୀଙ୍କ ସରକାରୀ ଚାଉଳ ଯୋଗାଣ ବନ୍ଦ କରିଦିଆଯିବା ଓ ନୂତନ ଭାବେ ଉକ୍ତ ହିତାଧିକାରୀଙ୍କ ନିମନ୍ତେ ମାତ୍ର କିଛି ଲୋକଙ୍କ କାର୍ଡ଼ ପ୍ରଦାନ କରିଛନ୍ତି। ଏହି କାର୍ଡ଼ ନିମନ୍ତେ ଜିଲ୍ଲା ଯୋଗାଣ ବିଭାଗ ଅଧିକାରୀ ଙ୍କ ନିକଟରେ ସହ,ସହ ହିତାଧିକାରୀଙ୍କ ଆବେଦନ କରିଛନ୍ତି କିନ୍ତୁ ତାଙ୍କୁ ପ୍ରଦାନ କରାଯାଇ ନାହିଁ। କୋଭିଡ-୧୯ ନିୟମ ଅନୁଯାୟୀ ଅନ ଲାଇନ ବନ୍ଦ ରହୁ  ଥିବା କୁହାଯାଇଛି । ତେବେ ସରକାରୀ ନିୟମ ଅନୁଯାୟୀ ଅନେକ ହିତାଧିକାରୀଙ୍କ ଏହି କାର୍ଡ଼ ଦୀର୍ଘ ଦିନ ଧରି ଆବେଦନ, ନିବେଦନ କରି,କରି ନିରାଶ ହେବାକୁ ବାଧ୍ୟ ହେଉଛନ୍ତି। ଜିଲ୍ଲା ଯୋଗାଣ ଅଧିକାରୀ ଓ ଅନ୍ୟ ଯୋଗାଣ ବିଭାଗ କାର୍ଯ୍ୟାଳୟ କର୍ମଚାରୀ ମାନେ ବିଶେଷ କରି ଅନଲାଇନ କରୁଥିବା କର୍ମଚାରୀ ଙ୍କ ଅଭାବ ଯୋଗୁଁ ଏଭଳି ପରିସ୍ଥିତି ସୃଷ୍ଟି ହୋଇଥିବା ଜିଲ୍ଲା ପ୍ରଶାସନ ତରଫରୁ ପ୍ରକାଶ କରାଯାଇଛି । ବିଭାଗୀୟ କର୍ମଚାରୀ ଙ୍କ ଖାମ ,ଖିଆଲ ମନୋଭାବ ଯୋଗୁଁ ସାଧାରଣ ଦୁର୍ଦ୍ଦଶା ର ଶିକାର ହେଉଛନ୍ତି । ପ୍ରକାଶ ଯେ ଟିଟିଲାଗଡ଼ ଯୋଗାଣ ବିଭାଗ କାର୍ଯ୍ୟାଳୟ ତରଫରୁ ସ୍ଥାନୀୟ ୧୪ ନଂ ୱାର୍ଡ ର ରାଜୀବ ବାଗ ଙ୍କ ର ମୃତ୍ୟୁ ଘଟିଥିବା ବେଳେ ତାଙ୍କ କାର୍ଡ଼ ବନ୍ଦ କରିଦିଆଯାଇଥିଲା, ଏବେ ଉକ୍ତ ଅସହାୟ ବିଧବା ମହିଳା ଓ ତାଙ୍କର ଦୁଇଟି ଛୋଟ ସନ୍ତାନ ନେଇ ଦୁର୍ବିସହ ଜୀବନ ଯାପନ କରୁଛନ୍ତି। ଏହି ପରି ଅନେକ ହିତାଧିକାରୀ ଏ ସୁବିଧା ରୁ ବଞ୍ଚିତ ହୋଇ ରହିଛନ୍ତି । ଏ ଦିଗରେ ମୂଖ୍ୟ ବିଭାଗୀୟ ଶାସନ ସଚିବ ତୁରନ୍ତ ଦୃଷ୍ଟି ଦେବାକୁ ଜନସେବା ସଙ୍ଘ ତରଫରୁ ଦାବି କରିବା ସହ ଯଥାଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରା ନ ଯାଏ ତେବେ ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରାଯିବ ବୋଲି ଜନସେବା ସଙ୍ଘ ସଭାପତି ଲମ୍ବୁଧର ଛତ୍ରୀୟା ପ୍ରକାଶ କରିଛନ୍ତି।