10-Nov-2020

ବଲାଙ୍ଗିର, (ପ୍ରେରଣା ଖବର) - ଆଜି  ଓଡିଶା ର ପୂର୍ବତନ ମନ୍ତ୍ରୀ ତଥା ରାଜ୍ଯସଭା ସାସଂଦ ବର୍ଷୀୟାନ ନେତା ଶ୍ରଯୁକ୍ତ ଅନଙ୍ଗ ଉଦୟ ସିଂହଦେଓ ଙ୍କ ୭୫ତମ ଜନ୍ମ ଦିନ  । ଅନଙ୍ଗ ଙ୍କ ପ୍ଲାଟିନମ୍ ଜନ୍ମ ଦିନ କୁ ବଲାଙ୍ଗିର ଜିଲ୍ଲା ଓ ସୋନପୁର ଜିଲ୍ଲାର ବିଜେଡି କର୍ମ କର୍ତ୍ତା ମାନେ ଆନନ୍ଦ ଉଲ୍ଲାସ ରେ ସପ୍ତାହ ବ୍ଯାପି ଗତ ରବିବାର ୦୮ ତାରିଖ ରୁ ପାଳନ କରୁଛନ୍ତି। ୦୮ ତାରିଖରେ ବଲାଙ୍ଗିର ଛାତ୍ର ବିଜେଡି ତରଫରୁ ରାଜେନ୍ଦ୍ର ୟୁନିଭରସିଟିଠାରେ ମାକ୍ସ୍ ବଣ୍ଟନ ୦୯ ତାରିଖ ସୋମବାର ମହିଳା ବିଜେଡି ତରଫରୁ ବଲାଙ୍ଗିର ପୌରସଂସ୍ଥା ର ମେହେନ୍ତର  କରୋନା ଯୋଦ୍ଧା ମାନଙ୍କୁ ମହାମାରୀ ପାଇଁ ସତର୍କ ରହିବା ପାଇଁ ସଚେତନ କରାଯାଇ ମାକ୍ସ୍ ବଣ୍ଟନ କରାଯାଇ ଥିବା ବେଳେ ଛାତ୍ର ବିଜେଡି ତରଫରୁ ବଲାଙ୍ଗିର ର ସମସ୍ତ ମହାପୁରୁଷ ମାନଙ୍କ ପ୍ରତିମୁର୍ତ୍ତି କୁ ସଫେଇ କରି ମାଲ୍ଯାର୍ପଣ କରାଯାଇଛି। ୧୦ ତାରିଖ ମଙ୍ଗଳବାର ଦିନ ବଲାଙ୍ଗିର ରାଜେନ୍ଦ୍ର ସ୍ପୋର୍ଟ୍ସ କମ୍ପ୍ଲେକ୍ସ ଠାରେ ପୁର୍ବତନ ଲୋକସଭା ସାସଂଦ କଳିକେଶ ନାରାୟଣ ସିଂହଦେଓ ଓ ଯୁବନେତା ଅର୍କେଷ ନାରାୟଣ ସିଂହଦେଓ ଙ୍କ ଦ୍ବାରା  ବ୍ରୁକ୍ଷ ରୋପଣ କରାଯାଇଥିବା ବେଳେ ଆସନ୍ତାକାଲି ସକାଳ ୮ ଘଣ୍ଟା ସମୟରେ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲ ରେ ଫଳ ବଣ୍ଟନ ସହିତ ବଲାଙ୍ଗିର ଜିଲ୍ଲା ଓ ସୋନପୁର ଜିଲ୍ଲା ଓଡିଶା ମୋ ପରିବାର ବିଜୁ ଜନତା ଦଳ ଆନୁକୂଲ୍ୟରେ ଜିଲ୍ଲା ର ସମସ୍ତ ନିର୍ବାଚନ ମଣ୍ଡଳୀ ରେ ଯଥା ବଲାଙ୍ଗିର , ଲୋଇସିଂହା , ପାଟଣାଗଡ଼  , ଟିଟିଲାଗଡ଼  , କଣ୍ଟାବାଞ୍ଜି  , ସୋନପୁର  , ବୀରମହାରାଜପୁର ନିର୍ବାଚନ ମଣ୍ଡଳୀ ରେ ରକ୍ତଦାନ ଶିବିର ଅନୁଷ୍ଠିତ ହେବ  । ଏହା ସହିତ ଆଗାମୀ ୧୨ ତାରିଖ ରୁ ୧୪ ତାରିଖ ପର୍ଯ୍ୟନ୍ତ ବିଭିନ୍ନ କାର୍ଯ୍ୟକ୍ରମ ସ୍ଥିରୀକୃତ ହୋଇଥିବାର ସୁଚନା ବଲାଙ୍ଗିର ବିଜୁ ଜନତା ଦଳ ତରଫରୁ ଦିଆଯାଇଛି  ।