10-Nov-2020

ଧର୍ମଗଡ଼(ତ୍ରିନାଥ ବେଶ୍ରା ): କଳାହାଣ୍ଡି ଜିଲ୍ଲା ଧର୍ମଗଡ଼ ଜାତୀୟ କଂଗ୍ରେସ ତରଫରୁ ବରିଷ୍ଠ କଂଗ୍ରେସ ନେତା ଶ୍ରୀଯୁକ୍ତ ଦିଗାମ୍ବର ଦୁରିଆ ଙ୍କ ନେତୃତ୍ୱରେ ବିଦ୍ୟାଳୟ ବନ୍ଦ ଓ SC,ST,ମାନଙ୍କ ପ୍ରାକ ମାଟ୍ରିକ ଛାତ୍ରବୃତି ୫୦%ରୁ ୮୦% ପର୍ଯ୍ୟନ୍ତ କାଟ ନିଷ୍ପତିର ପ୍ରତ୍ୟାହାର ଓ ବନ୍ଦ ହେଉଥିବା ବିଦ୍ୟାଳୟର ପୁନଃ ଖୋଲିବା ନିମନ୍ତେ ଧର୍ମଗଡ଼ ଉପ ଜିଲ୍ଲାପାଳଙ୍କ ଜରିଆରେ ମହାମହିମ ରାଜ୍ୟପାଳ ଓଡିଶା ଙ୍କ ଉଦେଶ୍ୱରେ ଏକ ଦାବିପତ୍ର ପ୍ରଦାନ କରିଛନ୍ତି ।ସୂଚନା ମୁତାବକ ଗଣଶିକ୍ଷା ବିଭାଗ ଓଡିଶା ସରକାର ଙ୍କ ନିଷ୍ପତି ଅନୁସାରେ କଳାହାଣ୍ଡି ଜିଲ୍ଲା ଧର୍ମଗଡ଼ ଉପଖଣ୍ଡ ରେ ୨୦ରୁ କମ ଉପସ୍ଥାନ ଥିବା ସ୍କୁଲ ଗୁଡିକ ବନ୍ଦ ହେବ ଫଳରେ ଧର୍ମଗଡ଼ ଉପଖଣ୍ଡର ୧୦୦ପ୍ରାଥମିକ ସ୍କୁଲ ବନ୍ଦ ହେବା ଆଶଙ୍କା ଦେଖାଦେଇଛି।ଧର୍ମଗଡ଼ ଉପଖଣ୍ଡରେ ୧୦୦ଟି ସ୍କୁଲ ବନ୍ଦ ତାଲିକାରେ ରହିଛି । ଧର୍ମଗଡ଼ ବ୍ଲକ ର ଘଣ୍ଟିଗୁଡା ,ସାଗରପଡା, ମଝେଂନପଦର,ଟେମରିପଡା,ବେହେରାପଡା,ଗୋର୍ଲା ପଡା ,ପିପଲପଡା,ହୀରାପୁର, ଭରୁଆମୁଣ୍ଡା,ବାରିକପଡା,କେନ୍ଦୁମୁଣ୍ଡିପଡା,କଲେଜପଡାର ନା ରହିଛି ।

ସରକାର ଶିକ୍ଷାକୁ ସାର୍ବଜନୀନ କରିବା ପାଇଁ ଆରମ୍ଭ କରିଛନ୍ତି ସର୍ବ ଶିକ୍ଷାଅଭିଜାନ/ଶିକ୍ଷାଆଇନ ଏଥିରେ ୬ରୁ୧୪ବର୍ଷ ବୟସର ପିଲାଙ୍କପାଇ ମାଗଣା ଶିକ୍ଷା ବ୍ୟବସ୍ଥା କରାଯାଇଛି । ଏପରିକି ଘର ଓ ସ୍କୁଲ ମଧ୍ୟରେ କମ ଦୂରତା ରହିବା ବ୍ୟବସ୍ଥା କରାଯାଇଛି ।ଏଥିପାଇଁ ସରକାର ଗାଁ ଗାଁ ରେ ସର୍ବଶିକ୍ଷା ଅଭିଯାନ ମାଧ୍ୟମରେ ଲକ୍ଷ ଲକ୍ଷ ଭକ୍ତ ବ୍ୟୟରେ ସ୍କୁଲ କୋଠା ଗୁଡିକ ନିର୍ମାଣ କରିଛନ୍ତି ।

ଏବେ ସ୍କୁଲ ବନ୍ଦ ହେଲେ ଏସବୁ କୋଠାବାଡ଼ି ଅସାମାଜିକ ବ୍ୟକ୍ତିଙ୍କ ଆଡା ସ୍ଥଳୀ ପାଲଟିବ ଓ ଗ୍ରାମଞ୍ଚଳର ପିଲାମାନେ ବହୁତ ଅସୁବିଧାର ସମ୍ମୁଖୀନ ହେବେ ।

ତେଣୁ ସରକାର ଏଥିପ୍ରତି ଦୃଷ୍ଟି ଦେଇ ବନ୍ଦ ହେଉଥିବା ବିଦ୍ୟାଳୟକୁ ପୁନଃ ଖୋଲିବା ଓ SC, ST ଛାତ୍ରମାନଙ୍କ ଛାତ୍ର ବୃତି ୫୦ରୁ ୮୦%କାଟ ପ୍ରତ୍ୟାହାର କରିବା ପାଇଁ ଧର୍ମଗଡ଼ ଜାତୀୟ କଂଗ୍ରେସ ତରଫରୁ ଦାବି ହେଉଛି । 

ଆଗାମୀ ଦିନରେ ଏହି ସମସ୍ୟାର ସମାଧାନ କରା ନ ଗଲେ ଉପ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଗଣ ଧାରଣା ଦିଆ ଯିବ ବୋଲି ବରିଷ୍ଠ କଂଗ୍ରେସ ନେତା ଦିଗାମ୍ବର ଦୁରିଆ କହିଛନ୍ତି ।

ଏହି କାର୍ଯ୍ୟକ୍ରମ ରେ ସନ୍ତୋଷ ପାଢ଼ୀ,ପ୍ରତାପ ସୁନାନୀ,ଗଙ୍ଗାଧର ମଙ୍ଗରାଜ,ଅଶ୍ୱିନ ପଣ୍ଡା,ଵିନୋଦ ମେହେର ,ଜ୍ୟୋସ୍ନା ପାଣିଗ୍ରାହୀ, ତପସ୍ୱିନୀ ଦୁର୍ଗା ପ୍ରମୁଖ ସହଯୋଗ କରିଥିଲେ ।