10-Nov-2020

  ନୟାଗଡ଼, (ପ୍ରଦୀପ କୁମାର ପଣ୍ଡା) (ଓଡିଶା କୁ ସ୍ୱତନ୍ତ୍ର ରାଜ୍ୟ ମାନ୍ୟତା ଦାବିରେ ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ର ସତ୍ୟବ୍ରତ ଦାଶ ପଦଯାତ୍ରା ମାଧ୍ୟମ ରେ 374 ଟି ବ୍ଲକ ର ବି ଡି ଓ ଙ୍କୁ ଭେଟି ବାର ପ୍ରୟାସ ଜାରି ରଖିଛନ୍ତି | ସେ 2019 ଜୁଲାଇ 10 ତାରିଖରେ ସେ ବଡ଼ଚଣା ବ୍ଲକ ରୁ ଏହି ଅଭିନବ ପଦଯାତ୍ରା ଆରମ୍ଭ କରି 490 ଦିନରେ 271ତମ ବ୍ଲକ ଭାବେ ଆଜି ଗଣିଆ ବ୍ଲକ ରେ ପଂହଁଞ୍ଚିଛନ୍ତି | ଶ୍ରୀଯୁକ୍ତ ଦାସ ଗଣିଆ ବ୍ଳକରେ ପଂହଁଚିବା ପରେ କନ୍ଧମାଳ ସାଂସଦ ଙ୍କ ନୟାଗଡ ଜିଲ୍ଲା ପ୍ରତିନିଧି ତଥା କିଶୋର ପ୍ରସାଦ ପଞ୍ଚାୟତ ର ସମିତି ସଭ୍ୟ ସଦାଶିବ ମିଶ୍ର, ଗଣିଆ ପଞ୍ଚାୟତ ସରପଞ୍ଚ ଙ୍କ ପ୍ରତିନିଧି ଅଜୟ କୁମାର ଲେଙ୍କା, ଗଣିଆ ବ୍ଲକ ର ଅନେକ ସମିତି ସଭ୍ୟ, ସମାଜସେବୀ ,  ଶିକ୍ଷକ ଏବଂ ସାମ୍ବାଦିକ ମାନେ ସ୍ବାଗତ ସମ୍ବର୍ଦ୍ଧନା ଜଣାଇବା ସହିତ ପୁଷ୍ପମାଲ୍ୟ ଏବଂ ଉତ୍ତରିୟ ପ୍ରଦାନ କରି ବ୍ଲକ କୁ ପାଛୋଟି ନେଇଥିଲେ | ଗଣିଆ ବଜାରସ୍ଥିତ ଗାନ୍ଧୀ ମୂର୍ତ୍ତି ରେ ଶ୍ରୀଯୁକ୍ତ ଦାସ ପୁଷ୍ପମାଲ୍ୟ ଅର୍ପଣ କରିବାପରେ ବିଡିଓ ସିରିୟାଲ ପଟେଲ ଙ୍କୁ ଭେଟି ନିଜର ଦାବିପତ୍ର ପ୍ରଦାନ କରିଥିଲେ | ତାପରେ ସେ ଗଣିଆ ସ୍ଥିତ ଡାକ ବଙ୍ଗଳା ରେ ମାଧ୍ୟାର୍ହ୍ନ ଭୋଜନ କରିଥିଲେ | ଏହି ପଦଯାତ୍ରା ସେ ସେ ପର୍ଯ୍ୟନ୍ତ ବଜାୟ ରଖିବେ ଯେ ପର୍ଯ୍ୟନ୍ତ ଓଡିଶା ସ୍ୱତନ୍ତ୍ର ରାଜ୍ୟ ମାନ୍ୟତା ଲାଭ ନକରିଛି ବୋଲି ଶ୍ରୀଯୁକ୍ତ ଦାଶ କହିଛନ୍ତି