02-Jan-2022

 ବରଗଡ:-ପବିତ୍ର ସହିଦ ଦିବସ ଅବସରରେ ବରଗଡ ଜିଲ୍ଲା ୫୩ ନମ୍ବର ଜାତୀୟ ରାଜପଥ ବରଗଡ଼-ସମ୍ବଲପୁର ୱେ ଅତାବିରା ଅଗ୍ରସେନ ଭବନ ଠାରେ ରାଜ୍ ମିଡିଆ ଲକ୍ଷ୍ମୀ ଟେଲିଭିଜନ ନେଟୱର୍କ ଉଦ୍ୟମରେ ଭରଷା ପରିବାର ଓ ଭିମସାର ବୁର୍ଲା ରକ୍ତଭଣ୍ଡାରର ମିଲିତ ଆନୁକୁଲ୍ୟରେ ସ୍ୱେଚ୍ଛାକୃତ ରକ୍ତଦାନ ଏବଂ ସଚେତନତା ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ସର୍ବପ୍ରଥମେ ଜଗତର ନାଥ ମହାପ୍ରଭୁ ଜଗନ୍ନାଥ ଏବଂ ମାଁ ସମଲେଇ ଙ୍କ ଫଟୋଚିତ୍ର ରେ ଧୁପ ଦିପ,ପୁଷ୍ପମାଲ୍ୟ ଅର୍ପଣ ପୂର୍ବକ ସୁମଧୁର ଭଜନ ସଂଗିତ ଗାନ କରି କାର୍ଯ୍ୟକ୍ରମ ଟି ଆରମ୍ଭ କରାଯାଇଥିଲା।ରାଜମିଡିଆର ପଶ୍ଚିମ ଓଡିଶା ବ୍ୟୁରୋ ଚିଫ ନବିନ ଦାଶ ଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ମୁଖ୍ୟଅତିଥି ରୁପେ ଯୋଗ ଦେଇ ଥିଲେ ରାଜ ମିଡିଆର ନିର୍ଦେଶକ ରାଜେଶ କୁମାର ମହାନ୍ତି ,ସରୋଲା ପାଢି ସମାଜ ସେବୀ ତଥା ବିଦ୍ରୋହି କବି କୈଲାସ ମହାରଣା,ସମାଜସେବୀ ତଥା ଭରଷା ପରିବାରରୁ ନିହାଲ ସିଂ,ମାମିନା ଖାତୁନ,ଚୁମକି ପାଲ,ଲୋକସାହିତ୍ୟ ଗବେଷକ ତଥା ଅଧ୍ୟାପକ ଡ.ଅଜିତ କୁମାର ନାଥ,ଜେସିଆଇ ରୁ ସମାଜସେବୀ ଅମୃତ କୁମାର ବାରିକ,ସମାଜସେବୀ ଡକ୍ଟର ସୁଷମା ସାହୁ,ସଙ୍ଗୀତ ଶିକ୍ଷକ ଶଙ୍କର ବାରିକ,ଗିତିକାର ମନୋଜ ଭୋଇ, ସମାଜସେବୀ ବୀଣାପାଣି ପଣ୍ଡା,ଦୁର୍ଲ୍ଲଭ ଗଡତିଆ ପ୍ରମୁଖ ଉପସ୍ଥିତ ଥିଲେ।
ସହିଦ ପରିବାର ମାନଙ୍କୁ ଅର୍ପିତ ଆଜିର ଏହି ଅବସରରେ

ଅନୁଷ୍ଠିତ ଏକ ସାଂସ୍କୃତିକ କାର୍ଯ୍ୟକ୍ରମକୁ ପରିଚାଲନା କରିଥିଲେ ଅଧ୍ୟାପକ ଡକ୍ଟର ଅଜିତ କୁମାର ନାଥ।ଏହି ଅବସରରେ ନିର୍ଦ୍ଧାରିତ ଅନୁଯାୟୀ ତିନି ଜଣଙ୍କୁ ଯଥା ଯବାନ,କିଷାନ,ବିଦ୍ୱାନ ଙ୍କୁ ସମ୍ବର୍ଦ୍ଧିତ କରାଯାଇଥିଲା।କିଷାନ ବୃଷଭାନୁ ସାହୁ,ଯବାନ ଭୁବନ ବାରିକ୍ ଓ ବିଦ୍ୱାନ ଭୋଜରାଜ ସ୍ୱାଇଁ ଙ୍କୁ ଉପଢୌକନ ଏବଂ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧିତ କରା ଯାଇଥିଲା।ରାଜ ମିଡିଆର ନିର୍ଦେଶକ ରାଜେଶ ମହାନ୍ତି,ଏବଂ ସଭାପତି ନବିନ ଦାଶଙ୍କୁ ଉପଢୌକନ ସହ ପୁଷ୍ପଗୁଚ୍ଛ ଦେଇ ସମ୍ମାନିତକରାଯାଇଥିଲା।ଏହି ଅବସରରେ ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମକୁ ମନୋଜ ଭୋଇ ଏବଂ ଶଙ୍କର ବାରିକ ପରିଚାଲନା କରିଥିଲେ ଯେଊଁଥିରେ ଜିତେନ୍ଦ୍ରୀୟ ବଢେଇ ଏବଂ ମୁଗ୍ଧା ଦାଶ ସୁମଧୁର ଭଜନ ସଂଗିତ ଗାନକରି କାର୍ଯ୍ୟକ୍ରମ କୁ ଆଗକୁ ବଢାଇଥିଲେ ଏବଂ ସଚେତନତା କାର୍ଯ୍ୟକ୍ରମ ଏବଂ ରକ୍ତଦାନ ଶିବିର କୁ ଅମୃତ ବାରିକଙ୍କ ସହ ଭିମସାର ବୁର୍ଲା ରକ୍ତଭଣ୍ଡାର ର ସଦସ୍ୟ ମାନେ ସୁଚାରୁ ରୁପେ ପରିଚାଲନା କରିବା ସହ ଏଥିରେ   ସ୍ୱେଛ୍ଛାକୃତ ଭାବରେ ୩୬ଜଣ ରକ୍ତଦାତା ରକ୍ତଦାନ କରିଥିବାବେଲେ ୩୬ ୟୁନିଟ ରକ୍ତ ସଂଗ୍ରହ ହୋଇଥିଲା।ଶେଷରେ ଡକ୍ଟର ଅଜିତ କୁମାର ନାଥ ସମସ୍ତଙ୍କୁ ଧନ୍ୟବାଦ ଜ୍ଞାପନ କରିଥିଲେ।