01-Jan-2022

ସିନ୍ଧେକେଲା / ବଲାଙ୍ଗୀର ଜିଲ୍ଲା ସିନ୍ଧେକେଲା ପୋଲିସ ଗତ କିଛିମାସ ହେଲା ବେଶ ଚର୍ଚ୍ଚାରେ ରହିଛି। ଠିକ ବର୍ଷ ଶେଷ ଦିନରେ ସିନ୍ଧେକେଲା ପୋଲିସ ଷ୍ଟେସନ ରେ ଘଟିଛି ଏକ ଲଜ୍ଜାଜନକ ଘଟଣା । ସିନ୍ଧେକେଲା ପୋଲିସ ଷ୍ଟେସନ ରେ ଏଏସଆଇ ଥିବା ସୁମନ ମଲ୍ଲିକ ଓ କିଛି ଷ୍ଟାଫ ଥାନା ପରିସର କୁ ଚରିବା ପାଇଁ ଆସିଥିବା ଦୁଇ ଗୋଟି ଛେଳି କୁ ଭୋଜି ଭାତ କରି ଖାଇବା ପାଇଁ ଛେଳି କୁ  କାଟୁ ଥିବା ବେଳେ ଛେଳି ମାଳିକ ସଂକୀର୍ତ୍ତନ ଗୁରୁ ଛେଳି ଖୋଜି ଖୋଜି ଥାନା ପଛପଟେ ଥିବା ଷ୍ଟାଫ କ୍ବାଟର ଆଡକୁ ଗଲାବେଲେ ଛେଳି ଚିତ୍କାର କରୁଥିବା ଆବାଜ ଶୁଣି ଖୋଜି ଖୋଜି କଟା ଯାଉଥିବା ସ୍ଥାନ କୁ ଯାଇ ଦେଖି ଏଇଟା ମୋ ଛେଳି କାହିଁକି କାଟିଛନ୍ତି ଆପଣକୁ ମୋ ଛେଳି କାଟିବା ପାଇଁ କିଏ କହିଲା ବୋଲି କହିବାରୁ ଛେଲି ମାଳିକ କୁ ଧକ୍କା ମାରିବା ସହ କଳର ଧରି ଥାନାରେ ପୁରାଇ ଦେବି ବୋଳି ଏଏସଆଇ ସୁମନ ମଲ୍ଲିକ ଧମକ ଦେଇଥିବା

ଅଭିଯୋଗ ହୋଇଛି। ଏହି ଖବର ପ୍ରଚାରିତ ହେବାପରେ ସିନ୍ଧେକେଲା ଥାନା ସାମ୍ନାରେ ଉତ୍ତେଜନା ଦେଖାଦେବା ସହ ଲୋକେ ଏ ପ୍ରକାର କାର୍ଯ୍ୟର ନିନ୍ଦା କରିବାସହ ଦୋଷୀ ଉପରେ କାର୍ଯ୍ୟାନୁଷ୍ଠାନ ନେବାପାଇଁ ଉତ୍ତେଜିତ ଲୋକେ ଦାବି କରିଥିଲେ । ତେବେ ଆଜି ଆଇଆଇସି ଆଲୋକ ବେହେରା ବଲାଙ୍ଗୀର ଏସପି ଅଫିସ କୁ ମିଟିଙ୍ଗ ଯାଇଥିଲେ । ଥାନା ସାମ୍ନାରେ ଉତ୍ତେଜନା ହେଉଥିବା ଜାଣି ବଣିକସଂଘ ସଭାପତି ସୁବାସ ଜୈନ, ପୂର୍ବତନ ସରପଞ୍ଚ ନରେଶ ଅଗ୍ରବାଲ , ସମାଜ ସେବୀ ଅନିଲ କୁମାର ତ୍ରିପାଠୀ , ଜିଲ୍ଲା ବିଜେପି ସମ୍ପାଦକ ଅନିଲ ନାଏକ ,ସାମ୍ବାଦିକ ଦିନେଶ ଜୈନ ପ୍ରମୁଖ ପହଞ୍ଚି ଥାନାଧିକାରି ନାହାନ୍ତି ତାଙ୍କୁ ଫୋନରେ ଜଣାଇବା ପରେ ସେ ଦୋଷୀ ବିରୁଦ୍ଧ ରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପ୍ରତିଶୃତି ଦେଇଛନ୍ତି କହିବାରୁ ଉତ୍ତେଜନା କମିଥିଲା। ପରେ ଆଇଆଇସି ଶ୍ରୀ ନାଏକ ଥାନାକୁ ପହଞ୍ଚି ଛେଳି ମାଳିକ ସଂକୀର୍ତ୍ତନ ଗୁରୁ ଓ ତାଙ୍କ ପରିବାର ବର୍ଗଙ୍କ ସହ ଆଲୋଚନା କରିବାସହ ଦୋଷୀ କୁ ଆଇନ ଅନୁଯାଇ ପଦକ୍ଷେପ ନେବାର ଦୃଢ ପ୍ରତିଶୃତି ଦେଇଥିଲେ। ଏବଂ ପରିବାର ବର୍ଗ କିପରି ନ୍ୟାୟ ପାଇବାକୁ ଚାହୁଁଛନ୍ତି ବୋଳି ଆଇଆଇସି ପଚାରିଥିଲେ। ଛେଳି ମାଳିକ ଙ୍କ ପରିବାର ପକ୍ଷରୁ ଛେଳିର କ୍ଷତିପୂରଣ ଯୋଗାଇ ଦେବା ପାଇଁ ଦାବି କରିଥିଲେ । ତେବେ ଆଜି ଏହି ଘଟଣା ଉପରେ ବଲାଙ୍ଗୀର ଏସପି ନିତିନ କୁସଲକର ଏଏସଆଇ ସୁମନ ମଲ୍ଲିକ କୁ ନିଲମ୍ବିତ କରିଥିବା ଜଣାପଡିଛି।