31-Dec-2021

ବିନିକା(ହିମାଂଶୁ ଶେଖର ପୁଟେଲ)// ଦୁନିଆକୁ ଯୋଗାଉଥିବା ଆହାର ଚାଷୀଙ୍କ ପାଇଁ ପ୍ରାକୃତିକ ବିପର୍ଯ୍ୟୟ ଚାଷୀର ମେରୁଦଣ୍ଡକୁ ଭାଙ୍ଗିଦେଇଛି ।ଯାହା ଫଳରେ ଚାଷୀକୁ ତାର ଝାଲବୁହା ପରିଶ୍ରମ ମିଳିବା ତ ଦୂରର କଥା ବରଂ କ୍ଷତିର ସମ୍ଭୂଖୀନ ହେବାକୁ ପଡୁଛି । ଅମଳ ଧାନକୁ ବିକ୍ରି ପାଇଁ ନେଲେ ମିଲରଙ୍କ କଟଣୀ ଛଟଣୀ ଯୋଗୁଁ ସରକାରୀ ଧାର୍ଯ୍ୟ ମୂଲ୍ୟ ପାଇବାରୁ ଚାଷୀ ଵଞ୍ଚିତ ହେବା ସହ ବହୁ ଦୁଃଖ କଷ୍ଟରେ ଧାର ଉଧାର ସାହୁକାରକୁ ପରିଶୋଧ କରୁଥିବା ବେଳେ ବର୍ଷ ତମାମ ପରିବାର ପରିପୋଷଣ ପାଇଁ ଦାନା ମୁଠିଏ ଜେନେତେଣେ

ପ୍ରକାରରେ ସାଇତି ରଖିବାକୁ ପ୍ରୟାସ କରୁଛି ।ସୂଚନା ଯୋଗ୍ୟଯେ ଚଳିତ ଖରିଫ ଋତୁରେ ଧାନ ଅମଳ ସମୟରେ ଅଦିନିଆ ବର୍ଷା ଯୋଗୁଁ ଚାଷୀର ମେରୁଦଣ୍ଡକୁ ଓଲଟ ପାଲଟ କରିଥିବା ବେଳେ ଅନ୍ୟପଟେ ଉଲୁଣ୍ଡା ଜଙ୍ଗଲରୁ ଖାଦ୍ୟ ଅନ୍ବେଷଣରେ ମହାନଦୀ ପାରି ହୋଇ ବଣୁଆ ହାତୀପଲ ବିନିକା ଅଞ୍ଚଳକୁ ଚାଲି ଆସି ଚାଷ ଜମିର ଧାନ ଖାଇଜିବା ସହ ପାଦରେ ଦଳି ଚକଟି ନଷ୍ଟ କରି ପୁନର୍ବାର ଗନ୍ତବ୍ୟ ସ୍ଥଳକୁ ଚାଲିଯିବା ଘଟଣା ଗତ୧୫ରୁ୨୦ ଦିନ ହେଲା ଲାଗି ରହିଛି । ଅଦିନିଆ ବର୍ଷା ପରେପରେ ଓ ହାତୀଙ୍କ ଦାଉରୁ ରକ୍ଷା ପାଇବା ପାଇଁ ନିଜର କଷ୍ଟପାର୍ଜିତ ଧାନକୁ ତରବରିଆ ଭାବେ ଚାଷ ଜମିରୁ କାଟି ଆଣି ବିଭିନ୍ନ ଖଳାରେ ଶୁଖାଇଥିବା ବେଳେ ଗତକାଲି  ଅଦିନିଆ ବର୍ଷା ଓ କୁଆପଥର ମାଡ଼ ଯୋଗୁଁ ବ୍ୟାପକ ମାତ୍ରାରେ ଧାନ ଭିଜି ଯାଇଥିବାରୁ ଚାଷୀ କ୍ଷତିଗ୍ରସ୍ତ ହେବାର ଆଶଙ୍କା ରହିଛି ।ଯଦି ମେଘୁଆ ପାଗ ଲାଗି ରୁହେ ତେବେ ଭିଜି ଥିବା ଗଜା ହେବାର ସମ୍ଭାବନା ରହିଛି । ଫଳରେ ବିକିବା ସମୟରେ ଚାଷୀ ନାହିଁ ନଥିବା ସମସ୍ୟାର ସମ୍ମୁଖିନ ହେଵ ଏଥିରେ ସନ୍ଦେହ ନାହିଁ ।ସେହିପରି ଗତ ଦୁଇଦିନ ହେଲା ଡେରା ପକାଇ ଥିବା ଜଙ୍ଗଲି ହାତୀପଲ ବିନିକା ଅଞ୍ଚଳର ଯେଉଁ ଆଡ଼କୁ ଯାଉଛନ୍ତି ହାବୁଡ଼ରେ ପଡୁଥିବା ଖଳାରେ ଥିବା ଧାନ ଖାଇ ଝିଣ୍ଟି ଦେଉଥିବା ବେଳେ ଡାଲୁଆ ଚାଷ ପାଇଁ ପ୍ରସ୍ତୁତ ଚାଷୀଙ୍କ ପଲ୍କାଘାରି ମଧ୍ୟ ନଷ୍ଟ କରି ଦେଉଛନ୍ତି । ସୂଚନା ଥାଉକି

ଉଲୁଣ୍ଡା ଜଙ୍ଗଲରୁ ମହାନଦୀ ପାରି ହୋଇ ବଣୁଆ ହାତୀପଲ ବିନିକା ଅଞ୍ଚଳର ସେଲେଡି, କର୍ତଙ୍ଗ,ଝରାପଡ଼ା, ଗରିଆପାଲି,ତୁଲୁଣ୍ଡୁପାଳି, ମନିଗାଁ ଝରାପଡ଼ା ପ୍ରଭୃତି ନଦୀକୁଳ ଗ୍ରାମ ମାନଙ୍କ ଚାଷ ଜମିର ଧାନ ଫସଲ ନଷ୍ଟ କରି ଥିବା ବେଳେ ଉଲ୍କେ ଗ୍ରାମର ୫ଜଣ ଚାଷୀଙ୍କ ପ୍ରାୟ ୧୭ ଏକର ପଲ୍କା ଘାରି ମାଡ଼ି ନଷ୍ଟ କରିଦେଇଛନ୍ତି ।ସେହିପରି ଗତକାଲି ରାତିରେ ଏହି ହାତୀପଲ ବିନିକା ବ୍ଲକର ଭଣ୍ଡାର, ଚୁଲିମାଲ ଜଙ୍ଗଲ ଅଭିମୁଖେ ଯିବା ବେଳେ ବାଟରେ ଥିବା ସିଲାଟି,ଗୁଲୁଣ୍ଡା,ପିତେଇପାଲି,ମହୁଳପାଲି ଆଦି ଗ୍ରାମର ଅନେକ ଚାଷୀଙ୍କ ଖଳାରେ ଥିବା ଗଚ୍ଛିତ ଧାନ ଖାଇ ନଷ୍ଟ କରି ଦେଇଥିବା ସୁଚନା ମଳିଛି । ଅନ୍ୟପଟେ ନିକଟସ୍ଥ ସିଂହିଯୁବା ଜଙ୍ଗଲରୁ ପ୍ରତିଦିନ ରାତିରେ ବାରହା ପଲ ନିକଟସ୍ଥ ଚାଷ ଜମି ମାନଙ୍କରେ ଆତଙ୍କ ଖେଳାଉ ଥିବାରୁ ଚାଷୀ   ନାହିଁ ନଥିବା କ୍ଷତିର ସମ୍ମୁଖୀନ ହେଉଛି ।