30-Dec-2021

ବରଗଡ/ରେଙ୍ଗାଲିକ୍ୟାମ୍ପ: ରାସ୍ତା,ପାନୀୟ ଜଳ ଓ ବିଦ୍ୟୁତ୍ ସଂଯୋଗ ଆଦି ଲୋକଙ୍କର ମୌଳିକ ସୁବିଧା ,ଏହି ସୁବିଧା ପାଇବା ପ୍ରତ୍ୟେକ ଜନ ସାଧାରଣଙ୍କର ଅଧିକାର ରହିଛି ବୋଲି ସରକାର ଘୋଷଣା କରିଛନ୍ତି।  କିନ୍ତୁ ୱାର୍ଡ ନଂ ୮  ରେ ଜମିରହିଛି ଆଣ୍ଠୁଏ  ପାଣି ।ଅଦିନିଆ ସାମାନ୍ୟ ବର୍ଷାରେ ରାସ୍ତା ରେ ଗମନା ଗମନ କଷ୍ଟକର ହେବା ସହ ଘରୁ ପଡ଼ାକୁ ବାହାରିବା ମୁସ୍କିଲ ହୋଇପଡିଛି। ୱାର୍ଡ ରେ ରହିଥିବା ନଳକୂଅ ମୂଳେ ମଇଳା ପାଣି ଜମି ରହି ଭୂଇଁ ତଳକୁ ପଶୁଛି।ଏହି ନଳକୂଅ ଟିର ପାଣି ୱାର୍ଡ ର ଲୋକେ ପାନୀୟ ରୂପେ ବ୍ୟବହାର କରିଥାନ୍ତି।ତେବେ ଏହି ପାନୀୟ ଜଳ ମଧ୍ୟ ଦୂଷିତ ହୋଇ ସାମ୍ପ୍ରତିକ କରୋନା ମହାମାରୀ  ସମୟରେ ବିକଟ ପରିସ୍ଥିତି ସୃଷ୍ଟି କରୁଛି। ଅଶୋକl ୱିଲକାନ୍ ର ଅଧାପନ୍ତରିଆ କାମ ଯୋଗୁ ଆଜି  ଏଭଳି ଏହିସ୍ଥିିତି ଦେଖl ଦେଇଛି। 
ନାଳ ର ଦୁଇପଟ ବନ୍ଦ ରହି ବା ଫଳରେ ପାଣି ଡ୍ରେନ ଭିତରେ ଜମି ରହି ଯାଉଛିଏବଂ  ଏହି ୱାର୍ଡ ର ଗଲି ରାସ୍ତାଟି ଗଡାଣିଆ ଥିବାରୁ ଜାତୀୟ ରାଜପଥର ପାଣି ମଧ୍ୟ ଗଲି ରାସ୍ତାକୁ ପଶି ଜମି ରହୁଛି। ଏ ନେଇ ୱାର୍ଡ ବାଦି ଅନେକ ଥର ଏନ୍ ଏ ସି କୁ  ଅଭିଯୋଗ କରି ଆସିଛନ୍ତି।ହେଲେ ଆଜି ଯାଏ ତାର କିଛି ସମାଧାନ ହୋଇନଥିବା ନେଇ ୱାର୍ଡ ବାସୀ  କ୍ଷୋଭ ପ୍ରକାଶ କରିଛନ୍ତି। ତେବେ ବର୍ଷା ଋତୁରେ  ଏହି ରାସ୍ତାର ଅବସ୍ଥା କଣ ହେଉନଥିବ ? ଏହି ରାସ୍ତାର ଶୋଚନୀୟ ଅବସ୍ଥା ଯୋଗୁଁ ଲୋକଙ୍କ ସ୍ବାସ୍ଥ୍ୟ ରେ ମଧ୍ୟ ପ୍ରଭାବ ପଡ଼ୁଛି। ମଶା ମାଛିଙ୍କ ପାର୍ଦୂର୍ଭlବ ବଢୁଛି।ତେବେ ଯଥା ଶୀଘ୍ର ଏହି ସମସ୍ୟାର ସମାଧାନ କରିବା ପାଇଁ ୱାର୍ଡ ବାସୀ ଦାବି ଜଣାଇଛନ୍ତି ।