30-Dec-2021

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା କଂଗ୍ରେସ ବ୍ଲକ ସଭାପତି ଅରବିନ୍ଦ ସାହୁଙ୍କ ନେତୃତ୍ୱରେ ଓବିସି ଏବଂ ଅନୁସୂଚିତ ଜନଜାତିଙ୍କୁ ଚଳିତ ପଂଚାୟତ ନିର୍ବାଚନରେ ସ୍ଥାନ ସଂରକ୍ଷଣକୁ ବଂଚିତ ସକାଶେ ବିଡ଼ିଓ, ଲୋଇସିଂହାଙ୍କ ଜରିଆରେ ମହାମହିମ ରାଜ୍ୟପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି l ଦୀର୍ଘଦିନ ଧରି ଉପେକ୍ଷିତ ଓବିସି ସମ୍ପ୍ରଦାୟ ଓଡ଼ିଶାରେ 50% ରୁ ଅଧିକ ଓ ବହୁଳ ପରିମାଣରେ ଅନୁସୂଚିତ ଜନଜାତି ସମ୍ପ୍ରଦାୟ ଅଛନ୍ତି l ଚଳିତ ତ୍ରିସ୍ତରୀୟ ପଂଚାୟତ ନିର୍ବାଚନରେ ତାଙ୍କପାଇଁ ସ୍ଥାନ ସଂରକ୍ଷଣ ମଧ୍ୟ ହୋଇଥିଲା କିନ୍ତୁ ଏବେ ସେହି ସଂରକ୍ଷଣ ବ୍ୟବସ୍ଥାରୁ ଓବିସି ଓ ଅନୁସୂଚିତ ଜନଜାତି ସମ୍ପ୍ରଦାୟକୁ ସଂରକ୍ଷଣରୁ ସମ୍ପୂର୍ଣ ଉଛେଦ କରିଦିଆଯାଇଛି l ଓବିସି ମାନଙ୍କ ପାଇଁ ଦରଦି ସାଜିଥିବା ଓଡିଶା ସରକାର ଓବିସିଙ୍କ ରାଜନୈତିକ ଅଧିକାରରୁ ବଂଚିତ କରିବା ଏବଂ ଅନୁସୂଚିତ ଜନଜାତି ସମ୍ପ୍ରଦାୟକୁ ଶରକ୍ଷଣରୁ ବାଦଦେବା ଏହି ସରକାରର ଅସଲି ଚେହେରା ସାମ୍ନାକୁ ଆସିଛି ବୋଲି ପ୍ରକାଶ କରିଛି ଲୋଇସିଂହା କଂଗ୍ରେସ କମିଟି l ଏହା ସହିତ ଓବିସି ଓ ଅନୁସୂଚିତ ଜନଜାତି ସମ୍ପ୍ରଦାୟକୁ ସଂରକ୍ଷଣ ଲାଗି ଚଳିତ ତ୍ରିସ୍ତରୀୟ ପଂଚାୟତ ନିର୍ବାଚନରେ ସ୍ଥାନ ସଂରକ୍ଷଣ କରାଯିବା ସହ ରାଜନୈତିକ ଅଧିକାର ଦିଆଯାଉ ବୋଲି କଂଗ୍ରେସ କମିଟି ଦାବୀ ରଖିଛି l ଦାବୀ ସମୟରେ ଅରୂପାନନ୍ଦ ସାହୁ, ଶିବ କୁମାର ଅଗ୍ରୱାଲ, ସରୋଜ ବିଶ୍ୱାଳ, ଭାଗବତିଆ ଭୋଇ, ସୋମନାଥ ପଟେଲ, ବିରଞ୍ଚି ମହାପାତ୍ର, ବିଭୁ ପଧାନ, ବୀରବର ପଧାନ ପ୍ରମୁଖ ଉପସ୍ଥିତ ଥିଲେ l