28-Dec-2021

ଇଲାଙ୍ଗୀର(ପ୍ରେରଣା ଖବର)-ପଣ୍ଡିତ ଫକୀର ମୋହନ ନନ୍ଦ ସ୍ମୃତି ସଂସଦ ବଲାଙ୍ଗୀର ଦ୍ୱାରା ସ୍ଥାନୀୟ ଯାଦବ ଭବନ ଠାରେ ମଦନ ମୋହନ ରଥ ଙ୍କ ସଭାପତିତ୍ୱରେ ପଣ୍ଡିତ ଫକୀର ମୋହନ ନନ୍ଦଙ୍କ ୮୮ ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି । ସ୍ମୃତି ସଂସଦର ଆବାହକ ସରସ୍ୱତୀ ନନ୍ଦଙ୍କ ସଂଯୋଜନାରେ ଆୟୋଜିତ ଏହି ଜୟନ୍ତୀ ସଭାରେ ଶ୍ରୀ ତପୋବନମ୍ ର ସଂସ୍ଥାପକ ସ୍ୱାମୀ ତେଜୋମୟାନନ୍ଦ ସରସ୍ୱତୀ ଓ ମାଲଗାଁ କଳାହାଣ୍ଡି ଆଶ୍ରମର ମୁଖ୍ୟ ସ୍ୱାମୀ ପରମାହଂସାନନ୍ଦ ସରସ୍ୱତୀ ଅତିଥି ଭାବରେ ଆସୀନ ହୋଇ ଭାରତୀୟ ସଂସ୍କୃତିରେ ପୂଜ୍ୟ ପୂଜା ର ପରଂପରା ଏବଂ ମହତ୍ତ୍ୱ ବିଷୟରେ ବର୍ଣ୍ଣନା କରିଥିଲେ । ବିଶ୍ୱ ହିନ୍ଦୁ ପରିଷଦର ଅଧ୍ୟକ୍ଷ ଗୋବିନ୍ଦ ମିଶ୍ର ଅତିଥି ପରିଚୟ ପ୍ରଦାନ କରିଥିବା ବେଳେ ଶ୍ରାବଣୀ ମେହର ପ୍ରାରମ୍ଭିକ ସଂଗୀତ ଗାନ କରିଥିଲେ । ଉକ୍ତ ସଭାରେ ରାଜେନ୍ଦ୍ର ବିଶ୍ୱ ବିଦ୍ୟାଳୟର ଅବସର ପ୍ରାପ୍ତ ପ୍ରଧ୍ୟାପକ ଡ. ଫାଲଗୁନି ମହାନନ୍ଦିଆ ମୁଖ୍ୟ ବକ୍ତା ଭାବରେ ମଞ୍ଚାସୀନ ହୋଇ ପଣ୍ଡିତ ନନ୍ଦ ଙ୍କ ଜୀବନୀ ତଥା ଭାରତୀୟ ସଂସ୍କୃତିରେ କର୍ମକାଣ୍ଡ ଓ ଜ୍ୟୋତିଷ ବିଦ୍ୟାର ମହତ୍ତ୍ୱ ବିଷୟରେ ଆଲୋଚନା କରିଥିଲେ । ବିଶେଷ ଅତିଥି ଭାବରେ ଅବସର ପ୍ରାପ୍ତ ଶିକ୍ଷକ ଦୟାମୟ ମିଶ୍ର ପୁସ୍ତକ ଉନ୍ମୋଚନ ସମୟରେ ଉପସ୍ଥିତ ଥିଲେ । ସଭା ପ୍ରାରମ୍ଭରେ ଭଜନ କାର୍ଯ୍ୟକ୍ରମ ପରିବଷଣ କରାଯାଇଥିଲା । ଏହି ଅବସରରେ ଫଟାବାହାଲ ନୋଡାଲ ଉତ୍ତ ପ୍ରାଥମିକ ବିଦ୍ୟାଳୟର ବରିଷ୍ଠ ଶିକ୍ଷୟିତ୍ରୀ ପ୍ରଭାତୀ ନନ୍ଦଙ୍କ ପୁସ୍ତକ “କାଠୁରିଆ କଥା” ଅତିଥି ବୃନ୍ଦ ଉନ୍ମୋଚନ କରିଥିଲେ । ଅନବରତ ଗୀତା ପାଠକୁ ୟୁଟୁବ, ଫେସବୁକରେ ସ୍ୱାଧ୍ୟାୟ କରିଥିବା ସୁଶ୍ରୀ ତପସ୍ୱିନୀ ନାଏକଙ୍କୁ ଏହି ଅବସରରେ ସର୍ମଦ୍ଧିତ କରାଯାଇଥିଲା । ସାଇ ପ୍ରଶାନ୍ତି ମହାପତ୍ର ମାନପତ୍ର ପାଠ କରିଥିଲେ । ପରିଶେଷରେ ଧନ୍ୟବାଦ ଅର୍ପଣ କରିଥିଲେ ସସ୍ମିତା ନେପାକ । ଏହି କାର୍ଯ୍ୟକ୍ରମରେ ସହଯୋଗ କରିଥିଲେ  ସଇ ପ୍ରଶାନ୍ତି ମହାପାତ୍ର, ସାଇ ଶ୍ରୀରାମ ମିଶ୍ର, ସାଇ ବିନାୟକ ମିଶ୍ର, ଅଭୟ ମିଶ୍ର, ହରିଶ୍ଚନ୍ଦ୍ର ମହାପାତ୍ର , ସବ୍ୟସାଚୀ ମିଶ୍ର, ପୂର୍ଣ୍ଣମାସୀ ରାଉତ, ଅଲକାନନ୍ଦା ସାହାଣୀ, ଶିବାନନ୍ଦ ଦାସ,. ପ୍ରଶାନ୍ତ ମହାକୁଡ, ଲକ୍ଷ୍ମୀ ନାରାୟଣ ସାହୁ, କରୁଣା କର ଖୁଆସ, ଆଶିଷ ଶ୍ରରାମ ମିଶ୍ର ଓ ବାବୁଲାଲ ମିଶ୍ର ।