28-Dec-2021

ପଦ୍ମପୁର:-ସଦାବେଳେ ଆଲୋଚ୍ୟ କୁ ଆସେ ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ବ୍ଳକ ର କଥା lଗାଇସିଲେଟ ବ୍ଳକ ଯୋଗାଣ ବିଭାଗ ର ମନମୁଖୀ କାରବାର ନେଇ ଗ୍ରାମ୍ୟ ଉନ୍ନୟନ କମିଟୀ ଭାଙ୍ଗମୁଣ୍ଡା ଗ୍ରାମବାସୀ ବାଧ୍ୟ ହୋଇ ଏକତ୍ରିତ ଭାବେ ପଦ୍ମପୁର ଉପଜିଲ୍ଲାପାଳ ଙ୍କ ଦ୍ବାରସ୍ଥ ହୋଇ, ତାଙ୍କ ମାଧ୍ୟମରେ ମାନ୍ୟବର ଓଡ଼ିଶାର ଲୋକପ୍ରିୟ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ, ମାନ୍ୟବର  ଖାଦ୍ୟ ଓ ଯୋଗାଣ ମନ୍ତ୍ରୀ ଓଡିଶା ସରକାର, ଜିଲ୍ଲାପାଳ ବରଗଡ,ଯୋଗାଣ ଅଧିକାରୀ ବରଗଡ ଙ୍କ ସମେତ ଗାଇସିଲେଟ ବ୍ଳକ ଙ୍କ ଉଦ୍ଦେଶ୍ୟ ଲିଖିତ ଭାବେ ଜଣାଇଛନ୍ତି ଯେ, ବର୍ତ୍ତମାନ ପରିପ୍ରେକ୍ଷୀରେ କେନ୍ଦ୍ର ଓ ରାଜ୍ୟ ଉଭୟ

ସରକାର ଜନସାଧାରଣ ଙ୍କ ହିତ କୁ ଆଖି ଆଗରେ ରଖି ଅନେକ ଯୋଜନା ପରେ ଯୋଜନା ପ୍ରଣୟନ କରିବାରେ ଲାଗିଛନ୍ତି lତନ୍ମଧ୍ୟରୁ ଅନ୍ତୋର୍ଦୟ ଅନ୍ନ ଯୋଜନା ମଧ୍ୟ ଗରିବ ଖଟିଖିଆ ଦିନ ମଜୁରିଆ ମାନଙ୍କ ପାଇଁ ଉଦ୍ଦିଷ୍ଟ ହୋଇଥିଲେ ସୁଦ୍ଧା ଗତ ପାଞ୍ଚବର୍ଷ ହେବ ଆମ ଗ୍ରାମପଞ୍ଚାୟତ ଜଗଲପାଟ ରେ ଯେଉଁ ଲୋକପ୍ରତିନିଧି ମାନେ କ୍ଷମତାସୀନ ହେଲେ ଏବଂ ତାହା ସହିତ ଯେଉଁ ସରକାରୀ କର୍ମଚାରୀ ମାନେ ଏହି ଗ୍ରାମପଞ୍ଚାୟତ କାର୍ଯ୍ୟଭାର ଗ୍ରହଣ କଲେ ଉଭୟେ ଏବଂ ଯୋଗାଣ ଅଧିକାରୀ କେଉଁ ସ୍ୱାର୍ଥରେ ୧୦/୧୫ ଏକର ଜମିରୁ ଅଧିକା, ବ୍ୟାଙ୍କ ବେଲେନ୍ସ,ଧନୀଶ୍ରେଣୀ ର ବ୍ୟକ୍ତି ବିଶେଷ ମାନଙ୍କୁ ଉପରୋକ୍ତ ଯୋଜନା ରେ ସାମିଲ କରି ୩୫ କିଲୋ ର ଅନ୍ତୋର୍ଦୟ ଯୋଜନା ର ରାସନ କାର୍ଡ ପ୍ରଦାନ କରିଛନ୍ତି lଜଗଲପାଟ ଗ୍ରାମପଞ୍ଚାୟତ ର ଲୋକେ ତାଙ୍କ ରାସନ୍ କାର୍ଡରେ ନାମ ଯୋଡିବା ପାଇଁ ପଞ୍ଚାୟତ ଓ ଗାଇସିଲେଟ ଯୋଗାଣ ବିଭାଗ ରେ କାର୍ଯ୍ୟରତ ଥିବା ଅଧିକାରୀ ମାନଙ୍କୁ ବାରମ୍ବାର ବର୍ଷ ବର୍ଷ ଧରି ଆଧାର ର ଫଟୋ କପି ଦେଇ ଆସିଥିଲେ ମଧ୍ୟ ରାସନ୍ କାର୍ଡ ରେ ଯୋଡିଦେବୁ କହି ଆଇନ ଶୋଇଛି ଫାଇଲ ଭିତରେ ଭଳି ଫାଇଲ ଭିତରେ ପଡ଼ିରହିଛି lଆବେଦନକାରୀ ଙ୍କୁ ବାରମ୍ବାର ହଇରାଣ ହରକତ କରିଚାଲିଛନ୍ତି lଏହା ତଦନ୍ତ ସାପେକ୍ଷ lଏଣୁ ଉପରୋକ୍ତ ବିଷୟ ପ୍ରତି ଧ୍ୟାନ ଦେଇ ସରଜମିନ୍ ତଦନ୍ତ କରିବାକୁ ଗ୍ରାମ୍ୟ ଉନ୍ନୟନ କମିଟୀ ଭାଙ୍ଗମୁଣ୍ଡା ର ସଭାପତି ବିପିନ ସାହୁ,ଗ୍ରାମ ର ୱାର୍ଡ ମେମ୍ବର ଫାଲଗୁନୀ ମହାଲିଙ୍ଗ, ଗଜପତି ସାହୁ ପ୍ରମୁଖ ଆମ ପ୍ରତିନିଧି ଙ୍କୁ ଜଣାଇବା ସଙ୍ଗେ ସଙ୍ଗେ ପ୍ରଶାସନ ଏଦିଗରେ ତୁରନ୍ତ ହସ୍ତକ୍ଷେପ କରି ଉଚିତ ନ୍ୟାୟ ଦେବାକୁ ଜଣାଇଛନ୍ତି l