23-Dec-2021

ପଦ୍ମପୁର:- ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ରୋଗୀ କଲ୍ୟାଣ ସମିତି ର ବାର୍ଷିକ ଅଧିବେଶନ ସ୍ଥାନୀୟ ଡାକ୍ତରଖାନା ପରିସରରେ ଥିବା ସଭାଗୃହ ଠାରେ ଅନୁଷ୍ଠିତ ହୋଇଯାଇଅଛି lପ୍ରାରମ୍ଭେ ଆଗତ ଅତିଥି ମାନଙ୍କୁ ତଥା ରୋଗୀ କଲ୍ୟାଣ ସମିତି ରେ ଜଡିତ ସଭ୍ୟ ସଭ୍ୟା ମାନଙ୍କୁ ଡାକ୍ତରଖାନାରେ କାର୍ଯ୍ୟରତ ବିପିଏମ ଶ୍ରୀ ରେବତୀ ମୋହନ ଜେନା ସ୍ୱାଗତ ସମ୍ବର୍ଦ୍ଧନା ସହ ସଭାଗୃହ କୁ ପାଛୋଟି ନେଲାପରେ ସ୍ୱାଗତ ଭାଷଣ ପ୍ରଦାନ କରିଥିଲେ lଏହି ଅଧିବେଶନ ରେ ପଦ୍ମପୁର ନିର୍ବାଚନ ମଣ୍ଡଳୀ ର ବିଧାୟକ ଶ୍ରୀମାନ ବିଜୟ ରଞ୍ଜନ ସିଂ ବରିହା ଙ୍କ ନିର୍ଦ୍ଦେଶ କ୍ରମେ ପାଇକମାଳ ବ୍ଳକ ବିଜୁଜନତା ଦଳ ର ସଭାପତି ଶ୍ରୀମାନ ରାଜେନ୍ଦ୍ର ରାଉତ, ପାଇକମାଳ ବ୍ଳକ ଅଧ୍ୟକ୍ଷ ଅଲତାପ ମହମ୍ମଦ, ବିଧାୟକ ଙ୍କ ପ୍ରତିନିଧି ଶ୍ରୀମାନ ହୃଦାନନ୍ଦ ବାରିକ,ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ମେଡିକାଲ ଅଫିସର ଡାକ୍ତର ସୈାମ୍ୟରଞ୍ଜନ ଦାସ ଯୋଗଦେଇ  ବର୍ଷ ତମାମ ର ଖସଡ଼ା ପ୍ରସ୍ତୁତି ସହ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ସାମୁହିକ ବିକାଶ ଦିଗରେ

ଆଗାମୀ ଦିନରେ ଅନେକ କିଛି ଉନ୍ନୟନ ମୂଳକ କାର୍ଯ୍ୟ କରାଯିବ ବୋଲି ଉପସ୍ଥିତ ଅତିଥି ମାନେ ମତବ୍ୟକ୍ତ କରିଥିଲେ lଏହି ଅଧିବେଶନ ରେ ଅନ୍ୟମାନଙ୍କ ମଧ୍ୟରେ ପାଇକମାଳ ସି.ଡି.ପି.ଓ କାନ୍ତିଲତା ସାହୁ, ମହିଳା ପରିଦର୍ଶିକା ମେରିୟମ କୁଲୁ,ରୋଗୀକଲ୍ୟାଣ ସମିତି ର ସଭ୍ୟ କୁମୁଦ ବାଗ, ଆଶିଷ ନାଏକ,କ୍ଷୀତି ସାହୁ,ଉଗ୍ରେସନ ସାହୁ, ଗୋଷ୍ଠୀ ତଥ୍ୟ ପରିଚାଳକ ଶ୍ରୀମାନ ସଞ୍ଜିବ କୁମାର ମେହେର,ଏକାଉଟେନ୍ ସୁବ୍ରତ ବିଶ୍ୱାଳ, ଫାର୍ମାସିଷ୍ଟ ଚିତ୍ତରଞ୍ଜନ ଦାଶ ପ୍ରମୁଖ ଆଲୋଚନା ରେ ଅଂଶଗ୍ରହଣ କରି ଡାକ୍ତରଖାନା ର ଅଭାବ ଅସୁବିଧା ସମ୍ପର୍କରେ ମତାମତ କରିଥିଲେ l