09-Nov-2020

ପାଟଣାଗଡ଼  (ଗୋରେଖନାଥ ବରିହା)ବଲାଙ୍ଗୀର ଜିଲ୍ଲା ବେଳପଡା ବ୍ଲକ ଯୁବା ଗ୍ରା:ପ ର ଯୁବା ଗ୍ରାମରେ ଆଜି ସେବା ଚେରିଟେବୁଲ ଟ୍ରଷ୍ଟ ପହଞ୍ଚି ଗ୍ରାମରେ ଥିବା ଅନେକ ଅସହାୟ,ବୃଦ୍ଧ ବୃଦ୍ଧା ,ଭିନ୍ନକ୍ଷମ ଙ୍କୁ ଆର୍ଥିକ ସହାୟତା ସହ ଶାଢ଼ୀ ଓ ଲୁଙ୍ଗୀ ବଣ୍ଟନ କରିଥିଲେ । ସ୍ବାଧୀନତା ର ଦୀର୍ଘ ସାତ ଦଶନ୍ଧି ପୁରିଥିଲେ ସୁଦ୍ଧା ଯୁବା ପଞ୍ଚାୟତ ର ଅନେକ ଯୋଗ୍ୟ ବ୍ୟକ୍ତି ବିଶେଷ ସରକାରୀ ସୁବିଧା ସୁଯୋଗ ତଥା ଭତ୍ତା, ରାସନ କାର୍ଡ଼ ଓ ଆବାସ ଯୋଜନାରୁ ବଞ୍ଚିତ ଅଛନ୍ତି । ସେ ଭଳି ଯୋଗ୍ୟ ବିବେଚିତ ବ୍ୟକ୍ତି ବିଶେଷ ଙ୍କୁ ଚିହ୍ନଟ କରି ସରକାରୀ ସୁବିଧା ସୁଯୋଗ ପାଇବା ପାଇଁ ପ୍ରତିଶୃତି ଦେଲେ । ଆଜିର ଏହି ବଣ୍ଟନ କାର୍ଯ୍ୟକ୍ରମରେ ଟ୍ରଷ୍ଟ ର ସଭାପତି ଶ୍ରୀ ସୁନୀଲ ସିଂ, ଉପ ସଭାପତି ଶ୍ରୀ ଗିରିଧାରୀ ଭୋଇ, ସୁରେଶ ନାଗ,ଚୈତନ ବାଗ, ସିଲୁ ସାହୁ, ବନମାଳୀ ନାଏକ, ସିପୁନ ଖମାରୀ, ଚନ୍ଦ୍ରକାନ୍ତି ସେଟ, ନିରୂପମା ଧରୁଆ, ସନ୍ୟାସୀ ନାଏକ ସହ ଅନେକ ସଦସ୍ୟ ସଦସ୍ୟା ଯୋଗ ଦେଇଥିଲେ।