21-Dec-2021

ଜଗତସିଂହପୁର: ଆଜି କଟକ ଦକ୍ଷିଣ ଡାକମଣ୍ଡଳ ପ୍ରଶାସନିକ ପରିସରଭୁକ୍ତ ଜଗତସିଂହପୁର ଜିଲ୍ଲାରେ ଥିବା ସରସ୍ଵତୀ ଶିଶୁ ବିଦ୍ୟା ମନ୍ଦିର(କୋର୍ଟଛକ) ପ୍ରାଙ୍ଗଣରେ ଜଗତସିଂହପୁର ଉପ ଡାକମଣ୍ଡଳ ତରଫରୁ ସହକାରୀ ଡାକ ଅଧିକ୍ଷକ ଶ୍ରୀଯୁକ୍ତ ଗୋପବନ୍ଧୁ ସାହୁଙ୍କ ଅଧକ୍ଷତାରେ ଏକ ୨୦୨୧-୨୨ ବିତ୍ତୀୟ ବର୍ଷର ଡାକମେଳା ଅନୁଷ୍ଠିତ ହୋଇଯାଇଛି।ଏହି ମେଳାରେ ମୁଖ୍ୟ ଅତିଥି ଭାବେ ଓଡିଶା ପରିମଣ୍ଡଳର ନିର୍ଦ୍ଧେଶକ(DPS) ଶ୍ରୀଯୁକ୍ତ ଆଦିତ୍ୟ କୁମାର ନାୟକ ଯୋଗଦାନ କରିଥିଲେ | ତାଙ୍କ ସହ ସମ୍ମାନିତ ଅତିଥିଭାବେ କଟକ ଦକ୍ଷିଣ ଡାକମଣ୍ଡଳର ଡାକ ଅଧିକ୍ଷକ ଶ୍ରୀଯୁକ୍ତ ଗଜେନ୍ଦ୍ର ପ୍ରସାଦ କର ସଭାମଣ୍ଡନ କରିବା ସହିତ IPPB ର ଆସିଷ୍ଟାଣ୍ଟ ମ୍ୟାନେଜର ଶୁଭଙ୍କର ମହାପାତ୍ର ଏବଂ ଜଗତସିଂହପୁର ଉପ ଡାକମଣ୍ଡଳ ଅଧୀନରେ ଥିବା ସମସ୍ତ ଶାଖା ଡାକଘରର କର୍ମଚାରୀବୃନ୍ଦ ଉପସ୍ଥିତ ଥିଲେ |ପ୍ରଥମେ ଅତିଥିମାନଙ୍କୁ ପୁଷ୍ପଗୁଚ୍ଛ ଦ୍ୱାରା ସ୍ୱାଗତ ସମ୍ବର୍ଦ୍ଧନା କରାଯାଇଥିଲା | ଶ୍ରୀଯୁକ୍ତ ନାୟକ ପ୍ରଥମେ ପ୍ରଦୀପ ପ୍ରଜ୍ବଳନ କରି ସଭା ଆରମ୍ଭ କରିଥିଲେ ଏବଂ ଶ୍ରୀଯୁକ୍ତ  ସାହୁ ସଭାକୁ ଆଗେଇ ନେଇଥିଲେ   । ପଳସାର ସହକାରୀ ଶାଖା ଡାକପାଳ ଶ୍ରୀ ଅଟଳ ବିହାରୀ ପଣ୍ଡା ସଭାକୁ ସଂଯୋଜନା କରିଥିଲେ | ପୋଷ୍ଟ ଅଫିସରେ ଜୀବନବୀମା ଯଥା PLI ଓ RPLI ସହିତ ବିଭିନ୍ନ ସଞ୍ଚୟ ଖାତା ଯେପରିକି ସୁକନ୍ୟା ସମୃଦ୍ଧି ଆକାଉଣ୍ଟ,ସିନିଅର ସିଟୀଜେନ ସ୍କିମ, ରିକରିଙ୍ଗ ଡିପୋଜିଟ,ନାସନାଲ ଶେଭିଂ ସାର୍ଟିଫିକେଟ, ସ୍ପିଡ଼ପୋଷ୍ଟ, ରେଜିଷ୍ଟ୍ର ପୋଷ୍ଟ, ଆଦି ସେବା ଓ ସେଗୁଡିକର ଉପାଦେୟତା ଭଳି ଆହୁରି ଅନେକ ସେବାଗୁଡିକ ସହିତ ବ୍ୟାଙ୍କିଙ୍ଗ ସୁବିଧା ମଧ୍ୟ ଇଣ୍ଡିଆ ପୋଷ୍ଟ ପେମେଣ୍ଟସ ବ୍ୟାଙ୍କ ଦ୍ୱାରା କିପରି ସବୁ

ଗାଁଗହଳି ରେ ଓ ଘରେ ଘରେ ପହଂଚିପାରିବ ଏବଂ ଗାଁ ଗହଳିର  ଲୋକମାନେ ଆଉ ବ୍ୟାଙ୍କ ନ ଯାଇ ଧାଡି ରେ ନ ଠିଆ ହୋଇ ପୋଷ୍ଟ ଅଫିସରୁ କିପରି ସମସ୍ତ ବ୍ୟାଙ୍କ ର ଟଙ୍କା ଅତି ସହଜ ଉପାୟରେ ଉଠେଇନେଇପାରିବେ ବୋଲି ଡାକ ନିର୍ଦେଶକ ଶ୍ରୀଯୁକ୍ତ ନାୟକ କର୍ମଚାରୀମାନଙ୍କୁ ଅବଗତ କରାଇଥିଲେ ଏହା ସହିତ ସମ୍ମାନିତ ଅତିଥି କଟକ ଦକ୍ଷିଣ ଡାକମଣ୍ଡଳର ଅଧିକ୍ଷକ ଶ୍ରୀଯୁକ୍ତ କର ଡାକ ବିଭାଗର ବିଭିନ୍ନ ସେବା ବିଷୟରେ କର୍ମଚାରୀଙ୍କୁ ସଂକ୍ଷେପରେ ଆଲୋକପାତ କରିଥିଲେ। ଦେବାଶିଷ ଦାସ, ପ୍ରଭାତ ଚନ୍ଦ୍ର ଜେନା, ବାସନ୍ତୀ ନାୟକ, ସୁଦାମ ଚରଣ ମଲ୍ଲିକ,ଧର୍ମାନନ୍ଦ ବିଶ୍ଵାଳ,ଅଜୟ କୁମାର ଦାଶ,ମହେଶ୍ୱର ପାଣି, ଦେବାଶିଷ ସାହୁଙ୍କ ଭଳି ଶାଖା ଡାକପାଳମାନେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବାରୁ ନିର୍ଦ୍ଦେଶକଙ୍କ ଠାରୁ ମାନପତ୍ର ଓ ପୁରସ୍କାର ଗ୍ରହଣ କରିଥିଲେ। ସର୍ବଶେଷରେ ଶ୍ରୀଯୁକ୍ତ ସାହୁ ଡାକବିଭାଗର ଉତ୍ତରୋତ୍ତର ଉନ୍ନତି ପାଇଁ ସମସ୍ତେ କିପରି ପ୍ରଚେଷ୍ଟା କରିବେ ସେ ସମ୍ବନ୍ଧରେ କର୍ମଚାରୀ ମାନଙ୍କୁ ମନ୍ତ୍ରଣା ଦେବା ସହ ଧନ୍ୟବାଦ ଅର୍ପଣ କରି ସଭାସାଙ୍ଗ କରିଥିଲେ | Overseer ଶ୍ରୀଯୁକ୍ତ ମନ୍ମଥ ରାମ ଏବଂ ଦୁର୍ଗା ପ୍ରସାଦ ପାତ୍ର  ସଭାକୁ ସୁସଂଗଠିତ ଭାବେ ଆୟୋଜନ କରାଇଥିଲେ ।