21-Dec-2021

ସିନ୍ଧେକେଲା, ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ର ରାଣୀପୁର ଝରିଆଲ ଯୋଗିନୀ ପୀଠ ରେ ଗତକାଲି  କଣ୍ଟାବାଞ୍ଜି ନିର୍ବାଚନ ମଣ୍ଡଲୀ ର ସମିକ୍ଷା (ଏସିଡିସି) ବୈଠକ ଅନୁଷ୍ଠିତ ହୋଇଯାଇଛି । କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଲୁଜା ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି ବୈଠକରେ ବଲାଙ୍ଗିର ଜିଲ୍ଲା ପ୍ରକଳ୍ପ ନିର୍ଦ୍ଧେଶକ ସୁଶାନ୍ତ ସିଂ, ଟିଟିଲାଗଡ ଉପଜିଲ୍ଲାପାଲ ସତ୍ୟବାନ ମନୋଜ ମହାଜନ ‌,ଜିଲ୍ଲା ଡେପୁଟି ଡାଇରେକ୍ଟର ପ୍ଲାନିଙ୍ଗ ଅଫିସର ସୁକାନ୍ତ କୁମାର ଜେନା ପ୍ରମୁଖ ମଞ୍ଚାସୀନ ଥିଲେ । ଆୟୋଜିତ କଣ୍ଟାବାଞ୍ଜି ନିର୍ବାଚନ ମଣ୍ଡଲୀ ବିଭିନ୍ନ ବ୍ଲକ ରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନା ରେ ଅନିୟମିତତା ହୋଇଥିବା ନେଇ ଅଭିଯୋଗ ହୋଇଥିଲା । ଏହାପରେ ବିଭାଗୀୟ ଅଧିକାରୀଙ୍କୁ ଡାକି ତାଗିଦ କରିଥିଲେ । ସରକାର ଙ୍କ ବିଭିନ୍ନ ଯୋଜନା ର ସଫଳ ରୂପାୟନ ପାଇଁ ଲୋକ ଙ୍କ ସମସ୍ୟା ବୁଝି ଆବଶ୍ୟକ ପଦକ୍ଷେପ ନେବାକୁ ବିଭାଗୀୟ ଅଧିକାରୀ ଙ୍କୁ ବୁଝାଇଥିଲେ । କଣ୍ଟାବାଞ୍ଜି ନିର୍ବାଚନ ମଣ୍ଡଲୀର ତୁରେକେଲା,ବଙ୍ଗୋମୁଣ୍ଡା ଓ ମୁରିବାହାଲର ଯୋଗାଣ ନିରୀକ୍ଷକ ମାନଙ୍କୁ ଗରିବ ଲୋକ ମାନଙ୍କ ରାସନ କାର୍ଡ କାଟି ଦିଆଯାଇଥିବାରୁ କ୍ଷୋଭ ପ୍ରକାଶ କରିଥିଲେ ଏବଂ ଶିଘ୍ର ଏହାର ସମାଧାନ କରିବା ପାଇଁ କହିଥିଲେ। କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଏକ ଦାଦନ ପ୍ରବଣ ଅଞ୍ଚଳ ହୋଇଥିବାରୁ ଅଧିକ ରୁ ଅଧିକ ହିତାଧିକାରୀ ମନରେଗା ଯୋଜନା ରେ ଯେମିତି ସାମିଲ ହୋଇ କାମ ପାଇ ପାରିବେ ସେ ଉପରେ ବିଶେଷ ଧ୍ୟାନ ଦେବା ପାଇଁ ବିଭିନ୍ନ ଅଧିକାରୀଙ୍କୁ ବିଧାୟକ ଦୃଷ୍ଟିଆକର୍ଷଣ କରିଥିଲେ। ଏହାର ଗୁରୁତ୍ବ କୁ ନଜରରେ ରଖି ପ୍ରକଳ୍ପ ନିର୍ଦ୍ଧେଶକ ବିଭାଗିୟ ଅଧିକାରୀଙ୍କୁ  ବୁଝାଇଥିଲେ । ରାଣୀପୁର ଝରିଆଲ ଏକ ଐତିହ୍ୟ ସମ୍ପନ୍ନ ପୀଠ ହୋଇଥିଲେ ହେଁ ସୋମ ପୁଷ୍କରିଣୀର ପରିସ୍ଥିତି ଉପସ୍ଥିତ ଥିବା ସମସ୍ତ ଅଫିସର ଦେଖି ପାରୁଥିବେ ତେଣୁ ଆଗାମୀ ଦିନରେ ଏହି ପୁଷ୍କରିଣୀକୁ 

ଏମ୍ ଆଇ  ପି ଯୋଜନାରେ ସାମିଲ କରି ଏହାର ଉନ୍ନତି କରଣ କରିବା ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ସରକାରଙ୍କ ପାନୀୟଜଳ ଯୋଗାଣ ପାଇଁ ବିଭିନ୍ନ ଯୋଜନା ରେ ପାନୀୟଜଳ ଯୋଗାଣ ପାଇଁ କୋଟି କୋଟି ଟଙ୍କା ଖର୍ଚ୍ଚ ହୋଇଥିଲେ ହେଁ ସିନ୍ଧେକେଲା , ବଙ୍ଗୋମୁଣ୍ଡା, ଭାଲୁମୁଣ୍ଡା ଭଲି ବଡବଡ ଗ୍ରାମ ମାନଙ୍କରେ କୋଉଠି ପାଇପ ଫାଟିଛି ତ କୋଉଠି ମୋଟର ପୋଡିଛି ତ କୋଉଠି ଚାବି ଖରାପ ହୋଇଛି ତେଣୁ ଆରଡବ୍ଲୁଏସଏସ ବିଭାଗ ଆଗକୁ ଏହି ଅସୁବିଧାର ସମାଧାନ ଶିଘ୍ର କରିବା ପାଇଁ ଜିଲ୍ଲା ଅଧିକାରୀଙ୍କୁ କହିଥିଲେ। ଏହି ବୈଠକ ରେ ଜିଲ୍ଲା ର ବିଭିନ୍ନ ବିଭାଗ ବରିଷ୍ଠ ଅଧିକାରୀ ଙ୍କ ସହ ତୁରେକେଲା ବିଡିଓ ଦେବାଶିଷ ସାମଲ,ମୁରିବାହାଲ ବିଡିଓ ପ୍ରିୟରଞ୍ଜନ କୁମାର,ବଙ୍ଗୋମୁଣ୍ଡା ବିଡିଓ ରିପୁନାଥ ସୁନା,ବଙ୍ଗୋମୁଣ୍ଡା ତହସିଲଦାର ଗୁଣମଣୀ ସୁନାନୀ ଙ୍କ ସହ ତିନି ଗୋଟି ବ୍ଲକ ର ବିଭିନ୍ନ ବିଭାଗ ର ଅଧିକାରୀ ମାନେ ସାମିଲ ହୋଇଥିଲେ