19-Dec-2021

ସିନ୍ଧେକେଲା,ବଲାଙ୍ଗୀର ଜିଲ୍ଲା ସିନ୍ଧେକେଲା ରେ ସ୍ଥିତ ଗୀତଘରା ପାହାଡ ରେ ପାଖାପାଖି ୬ ମାସ ତଳେ ଲଗା ଯାଇଥିବା ନୁଆ ପ୍ଲାଣ୍ଟେସନ ର ପରିଦର୍ଶନ କରିଛନ୍ତି ପିସିସିଏଫ ଶିଶିର କୁମାର ରଥ। ଗିତଘରା ପାହାଡ ର ୧୧.୮  ହେକ୍ଟର ଜମିରୁ ୧୦ ହେକ୍ଟର ଜମିରେ ୧୬ ହଜାର ଗଛ ଲଗାଯାଇଛି। ଏଥିରେ ବାଉଁଶ, ପଣସ , କରଞ୍ଜ, କାଜୁ, ଅଏଁଳା ନିମ୍ବ, ବାହାଡା,  ବଡ ଚାକୁଣ୍ଡା , ଧଳା ସିରିସ, ମୁନ୍ଦେ, କୁରେ , ତେନ୍ତୁଳି, ଆମ୍ବ ଭଲି ବିଭିନ୍ନ ପ୍ରକାର ଚାରା ରୋପଣ କରାଯାଇଛି ହେଲେ ଖରା ମାସରେ ତତଳା କଡେଇ ଉପରେ ଥିବା ଭଲି ଅନୁଭବ ହୋଇଥାଏ ଅଞ୍ଚଳ ବାସିଙ୍କୁ । କାହିଁକି ନା ଏହି ଅଞ୍ଚଳରେ ଥିବା ଟିଟିଲାଗଡ ରାସ୍ତା ଖୁଜେନ ପାହାଡ କୁ ଛାଡିଦେଲେ ପ୍ରାୟ ପାହାଡ ଲଣ୍ଡା ଅବସ୍ଥାରେ । ଉନ୍ଦେର ନଦୀରେ ବର୍ଷର ବାର ମାସରୁ କେବଳ ବର୍ଷା ସମୟରେ ପାଣି ରହେ ବାକିଦିନ ସୁଖା ରହୁ ଥିବାରୁ ଏଠାରେ ବିସ୍ତିର୍ଣ୍ଣ ବାଳୁକାରାସି ତେଣୁ ଏହା ପ୍ରଭାବରେ ସାଧାରଣ ଦିନରେ ଏଠାରେ ୩୫ ଡିଗ୍ରୀ ପାର କରିଥାଏ ଗରମ । ଏହାକୁ ନଜରରେ ରଖି ଜୁଲାଇ ମାସରେ ପ୍ଲାଣ୍ଟେସନ ସମୟରେ ଅତିଥି ଭାବେ ଯୋଗଦେଇ ଥିବା ସମାଜ ସେବୀ ଅନିଲ କୁମାର ତ୍ରିପାଠୀ, ସିନ୍ଧେକେଲା ସରପଞ୍ଚ ରାଜା ଥନାପତୀ, ଜିଲ୍ଲାପରିଷଦ ସଦସ୍ଯା ଛନ୍ଦାରାଣୀ ନାଏକ ପ୍ରମୁଖ ଉପସ୍ଥିତ ଜଙ୍ଗଲ ବିଭାଗ ଅଧିକାରୀ ମାନଙ୍କୁ ଖରାଦିନେ ପାଣୀ ବ୍ୟବସ୍ଥା କରିବା କରିବା ପାଇଁ ନିବେଦନ କରିଥିଲେ । ପିସିସିଏଫ ଏହି ନୁଆ ପ୍ଲାଣ୍ଟେସନ ପରିଦର୍ଶନ କରିବାସହ ଖରାଦିନେ ପାଣୀ ର ଆବଶ୍ୟକତା କୁୁ ଅନୁଭବ କରି ସେ ଏହା କାର୍ଯ୍ୟକାରି କରିବାକୁ ଆଶ୍ବାସନା ଦେଇଥିବା ସୁଚନା ମିଳିଛି। ଏହି ଅବସରରେ ଆରସିସିଏଫ ଅଶ୍ବିନୀ କୁମାର କର, ଡିଏଫଓ ନିତିଶ କୁମାର , ଏସିଏଫ ରାଜୁ ବେହେରା , ବାବାଜୀ କୁମାର ରାଉଳ, ଅଜିତ କୁମାର ବିଶି, ରେଞ୍ଜର ନୀଳାଦ୍ରି ଭୋଇ, ଫରେଷ୍ଟର ହରିହର ସ୍ବାଇଁ, ଫରେଷ୍ଟ ଗାର୍ଡ ହିମାଂଶୁ ପଣ୍ଡା, କିର୍ତ୍ତି ଚନ୍ଦ୍ର ସୁଆର , ସତ୍ଯ ନାରାୟଣ ପୁଟେଲ ପ୍ରମୁଖ ଉପସ୍ଥିତ ଥିଲେ।