19-Dec-2021

ସିନ୍ଧେକେଲା, ବଲାଙ୍ଗିର ଜିଲ୍ଲା ସିନ୍ଧେକେଲା ଥାନା ଅଧିକାରୀ ପଞ୍ଚାନନ ନାଏକଙ୍କ ବଦଳି ପରେ ଏଠାରେ ନୂତନ ଥାନାଧିକାରୀ ଭାବରେ ଆଲୋକ ବେହେରା ଯୋଗଦାନ କରିଥିବାରୁ ତାଙ୍କୁ ସିନ୍ଧେକେଲା ବଣିକ ସଂଘ ପକ୍ଷରୁ ସ୍ୱାଗତ କରାଯାଇଛି । ବଣିକ ସଂଘ ସଭାପତି ସୁବାଷ ଜୈନ , ସମ୍ପାଦକ ସନ୍ତୋଷ ଜୈନ , ବିଶିଷ୍ଟ ସମାଜସେବୀ ଅନିଲ ତ୍ରିପାଠୀ , ମିଡ଼ିଆ ସଂପାଦକ ଦିନେଶ ଜୈନ ପ୍ରମୁଖ ଥାନା ପହଞ୍ଚି ଶ୍ରୀ ବେହେରାଙ୍କୁ ଗାମୁଛା ଓଢାଇ ସ୍ୱାଗତ ଜଣାଇଥିଲେ । ଏହି ଅବସରରେ ବିଜେପି ଯୁବମୋର୍ଚ୍ଚା ସିନ୍ଧେକେଲା ମଣ୍ଡଳ ଉପ ସଭାପତି ହେମନ୍ତ ସାହୁ , ଅଲଣ୍ଡା ସମିତି ସଭ୍ୟ ପ୍ରତିନିଧି ଯୁବରାଜ ବାଗ ପ୍ରମୁଖ ଉପସ୍ଥିତ ଥିଲେ । ଥାନାଧିକାରି ଙ୍କ ସହ ଏକ ଆଲୋଚନା ବୈଠକ ଅନୁଷ୍ଠିତ ହୋଇଥିଲା । ବିଗତ ଦିନରୁ ସିନ୍ଧେକେଲା ରେ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇ ପଡ଼ିଥିବା ନେଇ ବିଭିନ୍ନ ଚର୍ଚ୍ଚା କରାଯାଇଥିଲା । ବହୁ ଚର୍ଚ୍ଚିତ ମମିତା ମେହେର ହତ୍ୟାକାଣ୍ଡ ଠାରୁ ଆରମ୍ଭ କରି ଅଂଚଳରେ ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଦୁଇ ଦୁଇଟି ଶିଶୁବଳୀ ଘଟଣା ସହ ଅନେକ ଅପରାଧ ଘଟିଥିବା ନେଇ ନୂତନ ଥାନାଧିକାରୀ ଙ୍କ ଧ୍ୟାନାଆକର୍ଷଣ କରିବା ସହ ଆଗକୁ କେମିତି ଆଇନ ଶୃଙ୍ଖଳା କଡାକଡି କରାଯିବ ସେ ସମ୍ପର୍କରେ ପୁଙ୍ଖାନୁପୁଙ୍ଖ ଆଲୋଚନା କରାଗଲା । ସିନ୍ଧେକେଲା ମୁଖ୍ୟ ସଡ଼କ ରେ

ଟ୍ରାଫିକ ସମସ୍ୟା ସମାଧାନ କରିବା ସହ ଅଂଚଳରେ ବୃଦ୍ଧି ପାଉଥିବା ସଟ୍ଟା କାରବାର କୁ ରୋକ ଲଗାଇବା ପାଇଁ ବଣିକ ସଂଘ ପକ୍ଷରୁ ବିଶେଷ ଅନୁରୋଧ କରାଯାଇଥିଲା। ଆଗାମୀ ଦିନରେ ଆଇନ ଶୃଙ୍ଖଳା କୁ କଡାକଡି କରାଯିବ ଜନସାଧାରଣ  ଙ୍କ ସହଯୋଗ ରେ  ସବୁ ସମସ୍ୟାକୁ ଦୂର କରିବା ପାଇଁ ପ୍ରୟାସ କରିବି ବୋଲି ଶ୍ରୀ ବେହେରା କହିଥିଲେ । ବର୍ତ୍ତମାନ ସିନ୍ଧେକେଲା ଥାନାରେ ଷ୍ଟାଫ କମ ଥିବାରୁ ଉପରିସ୍ଥ ଅଧିକାରୀଙ୍କ ଦୃଷ୍ଟି ଆକର୍ଷଣ କରି ଷ୍ଟାଫ ବଢାଯାଇ ଥାନା ଅଞ୍ଚଳରେ ବିପର୍ଯ୍ୟସ୍ତ ହୋଇ ପଡିଥିବା ଆଇନ ଶୃଙ୍ଖଳା କୁ ଠିକ କରିବା ଉପରେ କାମ କରାଯିବ ବୋଳି ଥାନାଧିକାରୀ ଶ୍ରୀ ବେହେରା ପ୍ରକାଶ କରିଥିଲେ ।